Ubutukilo 43:11 - MUKANDA USANDU WA ZAMBI 1975

¹¹ Mba tato Izalele yamba kuli ayo ngwenyi, Nyi chocho chapwa lingenu chino; mbatenu mihuko yimwe yipema ya chifuchi mu yikwachilo yenu nuyitwale kuli mwe lunga mulambu, yimwe yitumbo ya ulilila, ni kamwe kawuchi, ni especiaria, ni mira, ni katapi, ni amendoa.

Mukanda Wa Zambi 1970

¹¹ Mba tato Israele yaamba ngwenyi: “Nyi chenaacho, kuheshi Chuma. Lingenu chino, andenu yuma yibema ya mu chifuchi chetu, ndundu, ni wuchi, ni ndungu, ni maji a vumba libema, ni mikeshi, nuyise mu tuku jenu, nukamwehe lunga yoze milambu.

Ubutukilo 43:11 Iomraidhean Croise

Ubutukilo 33:10

Alioze Yakomba yamba ngwenyi, Hi chocho ko mwane. Nyi hinawana vumbi kumeso je tambula mulambu wami ku kwoko liami se hinamona meso je ngwe umwe mamona meso a Zambi, hiwangutambula ni vumbi.

Ubutukilo 37:25

Yatwama nikulia mba ha kuhetula meso jo yamona chendo cha A-Ishemali anakatuka ku Ngiliate ni tumelu two. Kanambata mbuto yipema, ni yitumbo, ni mira. Kanatalikisa ku Engitu.

Ubutukilo 43:10

Mumu nyi kutwalalukile kachi hitweza chisuho chamuchiali.

Ubutukilo 43:14

ni Zambi Mukwa-Ndundo-Jeswe akanwehe keke kuli mwe lunga akanwehe yayenu mukwo hamuwika ni Mbenjamine. Nyi ana jami mangutoka, mangutoka lume.

Ubutukilo 43:15

Chocho malunga atwalile ni we mulambu, ni ndando jiali mu moko jo, ni Mbenjamine. Yakatuka, yapalumuka ku Engitu, yamana kumeso ja José.

Ubutukilo 43:25

O yalulika mulambu wo akauhane muze José heza tangwa ha muchima, mumu te hevwa ngwo, Munulia kuno.

Ubutukilo 43:26

Muze José yaheta o yaneha mulambu mu kwoko lio mu zuwo, yahetamina hashi kuli iye.

1 Yitanga Ya Mianangana 10:15

kuweza helu lia oru yize anehene akwa kusumbakenya, ni akwa kusepa, ni mianangana a Arabia, ni akwa kuyula yifuchi.

1 Yitanga Ya Mianangana 10:25

Mba mutu mweswe yaneha mulambu wenyi; yikwachilo ya prata ni oru, ni mahina, ni mazalo a utale, ni tumbuto twa lupembo mupema, ni tuvwalu, ni mula—ya kwasela mwaka ha mwaka.

1 Yitanga Ya Mianangana 15:19

Usendo uli hakachi ka yami ni yena; hakachi ka tata ni tatenu. Tala, hinakutuma chawana cha prata ni oru. Echa usendo we ni Mbasha mwanangana wa Izalele akangukatuke.

1 Yitanga Ya Mianangana 4:21

Solomone wayulile yifuchi yeswe chize ku mwe Lwiji ndo ku chifuchi cha A-Filistea ni ndo ku njiza ya Engitu. Yaneha milambu nikulingila Solomone matangwa eswe a mwono wenyi.

1 MIANANGANA 16:8

Mba Ahaze yanda prata ni oru ayiwanyine mu zuwo lia Yehova ni mu upite wa zuwo lia mwanangana; yayituma chawana kuli mwanangana wa Asuria.

1 MIANANGANA 20:12

Ha mwaka uze Berodake-Baladane mwana Baladane mwanangana wa Babilonia yatuma mikanda ni yawana kuli Hezekia, mumu te hevwa ngwo, Hezekia Wayijile.

1 MIANANGANA 8:8

Mwanangana yamba kuli Hazaele ngwenyi, Mbata mulambu mu kwoko, uye upatwize mwe mutu wa Zambi, uhule Yehova kuli iye nyi munguhinduka ku kuyiza chino.

Estere 4:16

Yako ukungulule A-Yunda eswe a mu Shushane alitwamine kulia hali yami. Kanda alia, kanda anwa matangwa atatu chipwe ufuku chipwe mwalwa. Ni yami ni tuvumbi twami twa mapwo mutulitwamina kulia chizechene mba chocho mungunjila kuli mwanangana. Acho kuchalitele ni shimbi, alioze nyi mungufwa, mungufwa, kwahwa.

Miaso (Masamu) 68:29

Mianangana kumakunehena milambu mumu ha tembele ye ku Yerusaleme.

Miaso (Masamu) 72:10

Mianangana a Tashi ni a ku matungu kumakamulambula. Mianangana a ku Shipa ni a ku Sepa makahana yawana.

Miaso (Masamu) 76:11

Lilakenyenu, nufwete kuli Yehova Zambi yenu. Waze eswe anamujingilika anehe milambu kuli yoze watela kumuvwila woma.

Kutuhuka 3:8

Hinahulumuka mukwapulula ku moko ja A-Engitu, mukwachiza ku chifuchi chize, mukwatwala ku chifuchi chipema, chinene, ndo ku chifuchi kuze kunokela yamwa ni wuchi, ndo ku chihela cha A-Kanana, ni cha A-Hete, ni cha A-Amore, ni cha A-Perize, ni cha A-Hevwe, ni cha A-Yepushe.

Yishima 17:18

Yoze keshi mbunge kakukwata moko ni kuhana chifungo kumeso ja mukwo.

Yishima 18:16

Chawana cha mutu kuchakumusela jila; kuchakumuneha kumeso ja atu alemu.

Yishima 19:6

Anji mafupa vumbi lia chihanyi; atu eswe mazanga kupwa masepa a mukwa kuhana yawana.

Yishima 21:14

Chawana ku tenga chakuholesa utenu; chindo mu tulo kuchakuholesa ufwatulo wa tachi.

Mwaso Ubema Wahiana 4:10

Zango lie liayema Chichize! Ndumbwami kanda ndungi yami! Zango lie Hapema kuhiana vinyu, Lupembo wa maji je wahiana tumbuto tweswe twa lupembo mupema.

Mwaso Ubema Wahiana 4:14

nardo ni safrone, kalamu, ni kanela, ni mitondo yeswe ya libano, ni mira, ni aloa, hamwe ni mbuto yeswe ya lutwe ya lupembo mupema.

Mwaso Ubema Wahiana 8:14

Tambuka, mukwa zango liami. Pwako ngwe kai ngwe mwana kapaji ha milundu ya tumbuto twa lupembo mupema.

Jeremia 8:22

Yitumbo yakuhi mu Ngiliate? Mbuki wakuhiko? Mba kuchi te kawukile mwana wa pwo atu jami ahinduke?

Ezekiel 27:15

Malunga a ku Rode asepele ni yena; akwa yifuchi ya ku mbaka jinji apwile e akwa kulanda ni yena a pundu. Akufwetele ni mazo a njamba ni ebone.

Ezekiel 27:17

Akwa Yunda ni chifuchi cha Izalele asepele ni yena. Yuma ye ya kutalika o ayilanjile ni tiliku, ni olevwe, ni makuyu atangu, ni wuchi, ni maji, ni yitumbo.

Ezekiel 27:22

Akwa kusepa a ku Shipa ni Raema asepele ni yena. Yuma ye ya kutalika ayilanjile ni milali yeswe ya tumbuto twa lupembo mupema, ni mawe a ndando yilemu, ni oru.

Alevi 20:24

Alioze hingunambe kuli yenu ngwami, Munuhinga chifuchi cho, mungunwahacho nukachizuke, chifuchi kuze kunokela yamwa ni wuchi. Yami Yehova Zambi yenu yoze wanuhandunwine ku mavungu.

Yilinga 21:14

Muze katayileko, twaholele, ngwetu, Upale wa Mwene ukalingiwe.

Shimbi 33:14

Akamwehe mihuko yipema ya ha mwalwa, ni mbuto yeswe ya tungonge tweswe,

1 Samuel 25:27

Mulambu uno yami kavumbi kenu hinaneha kuli yenu mwene wami akauhane kuli akweze wano akunukaula mwene wami.

1 Samuel 9:7

Saulu yamba kuli ngamba ngwenyi, Nyi mutuya, yika mutumwaha? Mumu mbolo mu yikwachilo yetu hiyahwa, mba mulambu wa kuhana kuli mwe mutu wa Zambi wakuhi. Chika tuli nacho?