Ubutukilo 42:6 - MUKANDA USANDU WA ZAMBI 1975

⁶ José hapwa mukwa kuyula chifuchi, mukwa kulanjisa kuli atu eswe a chifuchi iye, kashika ayayo yeza yafulamana hashi kuli iye.

Mukanda Wa Zambi 1970

⁶ Josefe, mumu te habwa mwata munene mu chifuchi cha Egiptu, yalanjisa lanjisa yakulia kuli akwa yifuchi yeswe. Chenacho ayayo ejile ku meso jenyi yaafulamana hashi.

Ubutukilo 42:6 Iomraidhean Croise

Ubutukilo 18:2

Yahetula meso jenyi ni kutala, kumanyi malunga atatu kanamana chichili kumeso jenyi. Muze haamona yazomboka mukwapatwiza ku chikolo cha mbalaka. Yahetamina hashi.

Ubutukilo 19:1

Angelo aali yaheta ku Sondome ha chingoloshi, Lote te kanatwama mu chikolo cha Sondome. Lote yaamona, yakatuka aapatwize, yahetamina hashi.

Ubutukilo 33:3

Iye mwene wayile kulutwe, yahetama hashi yisuho shimbiali, ndo yaheta kuli yayo.

Ubutukilo 41:43

Yamwendesa mu temba lienyi liamuchiali. Atu atambikile kulutwe lienyi ngwo, Fulamanenu! Yamusa kuyula chifuchi cheswe cha Engitu.

Ubutukilo 41:54

Miaka shimbiali ya kapunga yaputuka, nikulita ni liji lia José. Kwapwile kapunga mu yifuchi yeswe alioze mu chifuchi cheswe cha Engitu mwapwile kulia.

Ubutukilo 41:57

Akwa yifuchi yeswe ejile kuli José mu Engitu akalande mbuto mumu kapunga wapwile mukalu hashi heswe.

Ubutukilo 44:14

Yunda ni akwo yeza ku zuwo lia José, yamuwana te kwali. O yafulamana hashi kumeso jenyi.

Ubutukilo 45:26

Yamwambulwila ngwo, José hindu ni mwono ali. Hapwa mukwa kuyula chifuchi cheswe cha Engitu. Mbunge yenyi yiyilezumuka mumu kaafulielele.

Ubutukilo 45:8

Kashika hi yenu ko nwangutumine kuno, Zambi. Mba iye hangupwisa ngwe chisemi kuli Falau, mwenya zuwo lienyi heswe kanda mukwa kuyula chifuchi cheswe cha Engitu.

Ubutukilo 48:12

José yaachiza hakachi ka makungunwa jenyi, yafulamana hashi.

Yishima 11:26

Atu matuka mukwa kumina mbuto; alioze malunjika yiwape ha mutwe wa yoze kakuyilanjisa.

Izaya 60:14

Ana ja waze anupinjishile meza nikuhetamina hashi kuli yenu; waze eswe anulelesele mahetamina ku yiliato yenu. Kumakanutongola ngwo, Limbo lia Yehova, Zaione ya mwe Musandu wa Izalele.

Yilinga 7:10

Wamupulwile ku luyinda wenyi mweswe, wamuhele vumbi ni mana kumeso ja Falau, mwanangana wa Engitu: iye wamusele nguvulu helu lia Engitu ni helu lia zuwo lienyi lieswe.

Usolwelo 3:9

Mungukahana waze a ku sunangonga ya Satana, waze akwamba ngwo, Yetu tuli A-Yunda, ni hi A-Yunda ko, aiioze kanahanjika mahuza; mungulinga hanga akeze, akawayile kulutwe lia yiliato ye, makanyingika hingunakuzange.

1 Samuel 20:41

Muze mukweze haya David yakatuka ku liwe sali lia ku Sule, yafulamana hashi nikuhetama katatu. Yalimbeja, nikulila umwe ni mukwo alioze David wahianyine.