Ubutukilo 42:38 - MUKANDA USANDU WA ZAMBI 1975

³⁸ Iye yamba ngwenyi, Mwanami kunuchi kuya nenyi, mumu yayo hanafu, iye wika wangusala. Nyi chimwe chuma chipi muchimuwana mu jila munuya, kambu jami jitoma ni chinyengo munujikoka ku Shiole.

Mukanda Wa Zambi 1970

³⁸ Alioze Yakoba ngwenyi: “Mwanami kunwahashile kuya nenyi. Yayo hanafu, shina iye lume nasala nenyi. Yami nguli kashinakaji, nyi Chuma chibi muchimuwana mu jila, kumungufwa kwami ni yinyengo.”

Ubutukilo 42:38 Iomraidhean Croise

Ubutukilo 37:33

Iye yachinyingika ngwenyi, Chikuto cha mwanami. Umwe ngongo hanamuli. Pundu José hanamupapulula.

Ubutukilo 37:34

Yakomba yapula mazalo jenyi, yalijichika chikeleyi, walishimwokene matangwa anji hali mwanenyi.

Ubutukilo 37:35

Anenyi eswe a malunga ni anenyi eswe a mapwo yakatuka akamulembejeke ahoze kasolo. Ngwenyi, Mnngukaya ku Shiole kuli mwanami nikulishimwoka. Chocho tato wamulilile.

Ubutukilo 42:13

O ngwo, Etu ngamba jenu tuli kumi lia malunga ni malunga aali eswe ana ja lunga umuwika mu chifuchi cha Kanana. Mwe kanuke kwali ni musono hamwe ni tata. Umuwika keshiko.

Ubutukilo 42:37

Rupene yamba ngwenyi, Nyi chamunehene nawa kuli yena mba ukashihe anami aali a malunga. Umukunjike kuli yami. Mungukamuneha nawa kuli yena.

Ubutukilo 42:4

Alioze Mbenjamine mwanakwo wa José, Yakomba kamutumine hamwe ni ayayo mumu yamba ngwenyi, Kuchina hanji chipi muchimuwana.

Ubutukilo 43:13

Twalenu nawa mwanakwenu, nukatuke, nuye kuli mwe lunga,

Ubutukilo 44:20

Etu yitukumbulula kuli yenu mwata ngwetu, Tata tuli nenyi, kashinakaji, ni mwe kasulasongo wa ukulwana wenyi, iye kanuke. Yayo hafwa, iye wika wasala wa naye, kashika tato kamuzanga chinji.

Ubutukilo 44:22

Etu twambile kuli yenu mwata ngwetu, Mukweze kahashile kuhichika tato mumu nyi mamuhichika tato kumafwa.

1 Yitanga Ya Mianangana 2:6

Linga nikulita ni mana je. Kanda utayiza mutwe wenyi utoma kuya ku Shiole ni sambukila.

Jobe 41:32

Kunyima yenyi jila ya kulejima yiliko; ngwe meya hanalumuka chiwe.

Miaso (Masamu) 71:18

Zambi, muze mungupwa kashinakaji ni kambu jitoma, kanda ungwehuka kama ndo hinambujola tachi je ku chisemuko chize muchizaho, ndundo je kuli waze eswe mezaho.

Miaso (Masamu) 90:10

Miaka yetu yapwa makumi shimbiali a miaka, hanji mumu ha tachi muyipwa makumi nake. Hindu kulenga chayo chinapu kuhondangana ni chinyengo wika, mumu yakuhwa nikawashi ni yetu mutuhumuka.

Longeshi 1:14

Hinamona milimo yeswe akuyilinga mushi lia tangwa; yeswe yamokomoko ya kuhanga ye fuji.

Longeshi 2:26

Mumu kuli yoze wamuwahila Zambi mahana mana, ni yinyingi, ni uwahililo; alioze kuli chivulumunyi mahana milimo, akahondangane akalumbike yuma ya kuhana kuli yoze wapemena Zambi. Chino nawa chapwa chamokomoko ngwe kuhanga ye fuji.

Izaya 38:10

Yingwamba ngwami, Changutamba kuya shimbu matangwa jami hakachi ni hakachi ali. Hanangukunjika ku yajilo ya Shiole kumanununa miaka yami.

Izaya 46:4

Ndo ku ushinakaji wenu hindu Yami Nguli, mungukanumbata ndusu ni kambu jitoma. Yami natangile ni yami munguzundula; mungumbata, mungulamwina.