Ubutukilo 42:29 - MUKANDA USANDU WA ZAMBI 1975

²⁹ Yaheta kuli tato Yakomba mu chifuchi cha Kanana, yamulumbunwina yuma yize yeswe yaawanyine ngwo,

Mukanda Wa Zambi 1970

²⁹ Muze haaheta kuli tato Yakoba, ku chifuchi cha Kanana, yaamulweza sango jeswe ngwo:

Ubutukilo 42:29 Iomraidhean Croise

Ubutukilo 42:28

Iye yamba kuli akwo ngwenyi, Mbongo jami hanajihilwisa, tala, mu njeke yami jili. Mba mbunge jo jalezumukine, yalitala umwe kuli mukwo ni mukwo nikuchikima ngwo, Chuma chino Zambi hatulinga, chika?

Ubutukilo 42:30

Mwe lunga mwenya chifuchi yahanjika ni tachi kuli yetu, yatumona ngwe tuli akwa kwendesa chifuchi.

Ubutukilo 44:24

Muze twayile kuli ngamba yenu tata, yitumwambulwila maliji a yenu mwata.

Ubutukilo 45:25

Chocho yakatuka ku Engitu yeza ku chifuchi cha Kanana kuli tato Yakomba.

Ubutukilo 45:26

Yamwambulwila ngwo, José hindu ni mwono ali. Hapwa mukwa kuyula chifuchi cheswe cha Engitu. Mbunge yenyi yiyilezumuka mumu kaafulielele.