Ubutukilo 42:28 - MUKANDA USANDU WA ZAMBI 1975

²⁸ Iye yamba kuli akwo ngwenyi, Mbongo jami hanajihilwisa, tala, mu njeke yami jili. Mba mbunge jo jalezumukine, yalitala umwe kuli mukwo ni mukwo nikuchikima ngwo, Chuma chino Zambi hatulinga, chika?

Mukanda Wa Zambi 1970

²⁸ Yalweza akwo ngwenyi: “Ayenwe! Haanguhilwishila mbongo jami! Jino mu tuku.” Ayo eswe ni mwe mu moko hinekee. Yaalihanjikisa ngwo: “Zambi kuchi atulinga chichize?”

Ubutukilo 42:28 Iomraidhean Croise

Ubutukilo 27:33

Mba Izake yachikima kuhiana, yamba ngwenyi, Mba iya yoze handa yifwo, hangunehenayo? Hinayilia shimbu yena kanda wiza, hinamuwahisa, pundu kumakawaha.

Ubutukilo 42:29

Yaheta kuli tato Yakomba mu chifuchi cha Kanana, yamulumbunwina yuma yize yeswe yaawanyine ngwo,

Ubutukilo 42:36

Tato Yakomba yamba kuli ayo ngwenyi, Hinwangutokesa ana jami. José keshiko, ni Simeone keshiko, ni Mbenjamine nunambe kumutwala. Yuma yino yeswe yangushata yami.

Ubutukilo 43:23

Iye yamba ngwenyi, Hwimenu mbunge, kanda nwivwa woma, Zambi yenu, Zambi ya tatenu hananwehe upite mu njeke jenu. Mbongo jenu nguli najo. Mba yaneha Simeone kuli ayo.

1 Yitanga Ya Mianangana 10:5

ni kulia cha ha mesa yenyi, ni kutwama cha ngamba jenyi, ni kuvumbika cha tuvumbi twenyi, ni mazalo jo, ni akwa kumumbachila musenge, ni chize akandukile ku zuwo lia Yehova, yewva ni mu moko kéké lume.

Miaso (Masamu) 61:2

Chize ku songo lia hashi mungutambika kuli yena, muze mbunge yami muyilezumuka. Ungutwale kama ku liwe lize Hanguhiana kusuha.

Mwaso Ubema Wahiana 5:6

Nazulwilile mukwa zango liami, alioze aye hanalumuka, hanayi. Mbunge yami yalezumukine ha kuhanjika chenyi. Namufupile, alioze Chamuwanyine; namusanyikine, alioze kangukumbulwile.

Izaya 45:7

Nakulinga pangu, nakutanga milima, nakulinga yipema, nakutanga lamba, yami nakulinga yuma yino yeswe, mwe Yehova.

Lungungu 2:17

Yehova halinga chize wapalile, halinga chize watowezele. Chizechene ngwe wafunjikile kushi, chocho hapuzula ni keke yakuhi. Hapwisa mukwa kole ni uwahililo helu lia yena, hanangamisa ndundo ja akwa kulimika je.

Lungungu 3:37

Iya hatumina chuma mba hichapwa, ndo Mwene wachifunjikile?

Alevi 26:36

Ha kutwala kuli waze akwenu masala mungutuma kulezumuka mu mbunge jo mu yifuchi ya akwa kole jo. Kuholoka cha lifwo muchiachinyisa, ngwe mutu wakuchina katana chocho machina, mba malimbuka chipwe kaahangile niumwe.

Amose 3:6

Atu kechi kwivwa woma nyi hasunga chitavwi mu chihunda? Chuma chikalu muchiwana chihunda nyi Yehova kachitumine?

Luka 21:26

atu nikulezumioka ha woma, ha kutalatala yuma yize muyiza ha yifuchi yeswe ya hashi, mumu tachi ja malilu kumujikanyika.

Shimbi 28:65

Hakachi ka mavungu aze kunuchi kawana uhwimino, chipwe ku yiliato yenu. Yehova makanwahako mbunge ya kuchikima, ni kufuwalala cha meso, ni chinyengo cha mbunge.