Ubutukilo 42:24 - MUKANDA USANDU WA ZAMBI 1975

²⁴ Iye yatewuluka kuli ayo, yalila. Mba yeza kuli ayo, yahanjika no, yanda Simeone hakachi ko, yamukasa kumeso jo.

Mukanda Wa Zambi 1970

²⁴ Mba Josefe yakatuka ko, yabutuka kulila. Muze halitwamina kulila, yeza nawa ni kuhanjika no. Mba yakwata Simeone, yamukasa mu ngonji ku meso jo.

Ubutukilo 42:24 Iomraidhean Croise

Ubutukilo 34:25

Kwapwile ha tangwa liamuchitatu shimbu achili ni yikola, ana aali a Yakomba, majina jo Simeone ni Levi, mandumbu ja Ndina, anjile mutu katana kenyi mutu katana kenyi yanjila susumuku mu limbo, yashiha malunga eswe.

Ubutukilo 42:23

O kanyingikine ngwo, José kanatwivu, mumu kwapwile mukwa kulumbununa hakachi.

Ubutukilo 43:14

ni Zambi Mukwa-Ndundo-Jeswe akanwehe keke kuli mwe lunga akanwehe yayenu mukwo hamuwika ni Mbenjamine. Nyi ana jami mangutoka, mangutoka lume.

Ubutukilo 43:23

Iye yamba ngwenyi, Hwimenu mbunge, kanda nwivwa woma, Zambi yenu, Zambi ya tatenu hananwehe upite mu njeke jenu. Mbongo jenu nguli najo. Mba yaneha Simeone kuli ayo.

Ubutukilo 43:30

José yakatuka kapupushi akafupe kuze malilila, mumu mbunge yenyi yevwile usona wunji hali mwanakwo. Yanjila mu chipatulo cha kupomba, yalililamo.

Ubutukilo 45:1

Henaho José kahashile kusúla kumeso ja waze eswe amanyineko; yateta ngwenyi, Katwisenu atu eswe kumeso jami. Kukwapwile mutu niumwe hamwe nenyi shimbu José yalisolola kuli ayayo.

Ubutukilo 45:2

Yalila ni liji linene, ni A-Engitu evwile, ni akwa zuwo lia Falau evwile.

Izaya 63:9

Mu huli lio lieswe iye wamwene huli, mba mungelo wa kumeso jenyi waalamwinyine. Ni zango lienyi ni keke yenyi waakulile; waazundwile, waambachile matangwa eswe a shakulu.

Luka 19:41

Muze akundamine, watalile limbo, walilililile,

A-ROMA 12:15

Wahililenu hamwe ni waze akuwahilila; lilenu hamwe ni waze akulila.

1 Korintu 12:26

Chipwe chihanda chimwe muchivwa lamba, yihanda yeswe muyivwa lamba hamuwika nacho; hanji kachi malemesa chihanda chimwe, yihanda yeswe muyiwahilila hamuwika nacho.

Hebreu 4:15

Mumu sasendote mukwa lutwe kutushi nenyi yoze keshi kuhasa kwivwa keke ha kukokoloka chetu; aiioze yoze hanamweseka ha yuma yeswe chizechene ngwe yetu, hindu shili, ka.