Ubutukilo 42:22 - MUKANDA USANDU WA ZAMBI 1975

²² Rupene yaakumbulula ngwenyi, Te chahanjikile ni yenu ngwami, Kanda nuvulumuna mwe mwana? Alioze kunusolo kupanjika. Kashika haliapwila kanatufwetesa ha manyinga jenyi.

Mukanda Wa Zambi 1970

²² Rubene ngwenyi: “Nanulwezele ngwami, kanda nulinga kanuke chibi. Haliabwila tunamono lamba mumu ha kufwa chenyi.”

Ubutukilo 42:22 Iomraidhean Croise

Ubutukilo 4:10

Yehova yamba ngwenyi, Yika walinga? Liji lia manyinga a mwanakwenu linatete hashi kuli yami.

Ubutukilo 42:23

O kanyingikine ngwo, José kanatwivu, mumu kwapwile mukwa kulumbununa hakachi.

Ubutukilo 45:3

José yamba kuli ayayo ngwenyi, Yami José. Tata achili ni mwono? Alioze ayayo kahashile kumukumbulula mumu alipikalile chikolo kumeso jenyi.

Ubutukilo 50:15

Muze ayayo a José amwene tato hanafu ambile ngwo, Hanji José matuvwila kole nikutufwetesa chipi cheswe twamulingile.

1 Yitanga Ya Mianangana 2:32

Yehova makahilwisa ha mutwe wenyi manyinga jenyi mumu washihile malunga aali akwa ululi, malunga apema kuhiana iye. Yaashiha ni katana, tata David te kachinyingikine, ngwami Abenere mwana Nere kapitau ka tujita twa Izalele ni Amasa mwana Jetere kapitau ka tujita twa Yunda.

1 Yitanga Ya Mianangana 2:33

Chocho manyinga jo akahiluke ha mutwe wa Joabe ni ha mitwe ya munyachi wenyi ndo ku miaka. Alioze kuli David ni munyachi wenyi, ni akwa zuwo lienyi, ni ku ngunja yenyi mukukapwa sambukila ya mutolo ya kuli Yehova.

2 Sango Ja Mianangana 24:22

Chocho mwanangana Njoashe kewulukile utu wa Jehoiada tato ya Zekaria kuli iye, alioze yashihisa mwanenyi. Ha kufwa, Zekaria yamba ngwenyi, Yehova achitale, akachifwetese.

Miaso (Masamu) 9:12

Muze masopesa akwa kumwanga manyinga kumakaewuluka; keshi kuvulama muteto wa akwa luyinda.

Ezekiel 3:18

Nyi mungwamba kuli chingulungulu ngwami, Kumuofwa, ni yena kwamutowezele, chipwe kuhanjika kukanjisa chingulungulu mu jila yenyi ya ungulungulu akalamwine mwono wenyi, chingulungulu kumafwa mu uhenge wenyi; alioze ku kwoko lie munguhula manyinga jenyi.

Luka 23:41

Yetu chamwenemwene chinatute; mumu tunatambula fweto ya kutela yitanga yetu; alioze yono kalingile nichimwe cha kupiasuka.

Yilinga 28:4

Muze enyembo amwene kashitu musasu kanasukama ku kwoko lienyi, aliambile umwe kuli mukwo ni mukwo ngwo, Yono lunga chingalwe wate, chipwe hamulamwina ku kalungalwiji, hindu chiyulo cha mwilu kuchamutayijile kutwama ni mwono.

A-ROMA 2:15

waze kakulwcza chitanga cha shimbi chakusonewa mu mbunge jo, mbunge jo nawa se jinashindakenya hamuwika, ni malinjekela jo kanaasumu hanji kanaasambisa hakachi ko);

Usolwelo 13:10

Kachi umwe matwala ku ufunge, kachi makaya ku ufunge: kachi umwe mashiha ni katana, kachi chatamba kumushiha ni katana. Muno muchili che kunyongonona ni Ufulielo wa asandu.

Usolwelo 16:9

Ni atu apapiwile ni chivukuminya chinene: mba ashililikile jina lia Zambi, yoze wapwile ni chiyulo ha lamba lino: aiioze kalikonyekene akamuchichimieke.

1 Samuel 19:4

Jonatas yahanjika kanawa kuli tato Saulu ha kutwala kuli David ngwenyi, Mwanangana kanda uvulumuna kavumbi ke David, se iye kakuvulumwine, ni chikwo nawa hakukwasa chikolo ni yitanga yenyi.