Ubutukilo 42:21 - MUKANDA USANDU WA ZAMBI 1975

²¹ Yaliamba umwe kuli mukwo ni mukwo ngwo, Ha kutwala kuli mwanakwetu hitwahia pundu, mumu twamwene kupinda cha mbunge yenyi muze alembelele kuli yetu, ni yetu kutwapanjikile. Kashika lamba lino hiliatuwana.

Mukanda Wa Zambi 1970

²¹ Yaalihanjikisa ngwo: “Chamwenemwene mwanakwetu chibi twamulingile. Tunanyingika chize alinyengene ku meso jetu, alioze yetu kutwamuvwilile keke muze aliondelele kuli yetu. Kashika lamba lino hiliatuwana.”

Ubutukilo 42:21 Iomraidhean Croise

Ubutukilo 41:9

Henaho mwe kapatashi ka akwa misenge yamba ngwenyi, Mba musono ngunewuluka milonga yami.

Ubutukilo 44:16

Yunda yamba ngwenyi, Kuchi mutwamba kuli yenu mwata? Tuhanjike kuchi? Kuchi mutuhasa kulisambisa? Zambi hatuwa uhenge wa yetu ngamba jenu. Tuli tupinji twa yenu mwata. Ni yetu ni yoze wamuwana ni we musenge.

Ubutukilo 45:3

José yamba kuli ayayo ngwenyi, Yami José. Tata achili ni mwono? Alioze ayayo kahashile kumukumbulula mumu alipikalile chikolo kumeso jenyi.

Ubutukilo 50:15

Muze ayayo a José amwene tato hanafu ambile ngwo, Hanji José matuvwila kole nikutufwetesa chipi cheswe twamulingile.

2 Samuel 12:13

David yamba kuli Natane ngwenyi, Yehova hinamuvulumuna. Natane yamba kuli David ngwenyi, Yehova hakuchiza mutonga we. Kuchi kutwa.

1 Yitanga Ya Mianangana 17:18

Pwo yamba kuli Eliya ngwenyi, Ena mutu wa Zambi, yika yiliko hakachi ka yena ni yami? Hiweza kuvumbula uhenge wami Ushihe mwanami.

Yishima 21:13

Muze yiswale mateta, mweswe majika matwi jenyi iye nawa mateta alioze kechi kumwivwa.

Yishima 28:17

Mweswe yoze halitwika manyinga ja mutu mweswawo machinyina mu jondo; niumwe kanda amuchinda.

Jeremia 2:17

Yena mwene walikokela chuma chino ha kwehuka Yehova Zambi ye shimbu te makusongwela mu jila.

Jeremia 2:19

Ungulungulu we muukakufumba kukatuka che kuli yami muchikakukanjisa. Nyingika umone chinapu chipi chisasu kukatuka kuli Yehova Zambi ye, woma wa yami wakuhi muli yena. Chocho kanambe Mwene Yehova-wa-Tujita.

Jeremia 34:17

Kashika Yehova kanambe ngwenyi, Kunwononokene kuli yami kwambujola utuswilo, mutu mweswe kuli usoko wenyi ni kuli mwenyembo wenyi. Kashika yami mungutusula hali yenu katana, ni chilungo, ni kapunga. Chocho kanambe Yehova. Kumunukapwa chuma cha lwaji ku mavungu eswe a hashi.

Jeremia 4:18

Ndako jenu ni yitanga yenu hiyanukokela chuma chino. Chino upatwilo wenu usasu chikolo; mba hiwanuheta ndo ku mbunge.

Hosea 5:15

Munguhiluka nawa kuma kwami, ndo matayiza uhie wo ni kufupa meso jami. Mu luyinda wo mangufupa ni mbunge yeswe, ngwo,

Kwalula 32:23

Alioze nyi kunuchi kalinga chocho, kumanyi, nwavulumuna Yehova, nunyingike chamwenemwene, ngwami, shili yenu muyikanukumika.

Mateu 7:2

Mumu upatwilo uze munupatula nawo akwenu, kumanupatwila: ni cheseko chize munweseka nacho, kumanwesekela.

Marku 9:48

Muze vuno lio keshi kufwamo, ni kahia keshi kujimamo.

Luka 16:28

Mumu ana-akwetu atano nguli no; hanga akashindakenye chikolo kuli ayo, kuchina meza kuma kuno kwa kupinda.

Yilinga 19:18

Anji a kuli waze afulielele, ejile nikushikisa, nikwambulula yitanga yo.

Tiangu (Jake) 2:13

Yoze kalwezele keke kumakatambula upatwilo uze kuushi keke: keke kuyakukumba upatwilo.

1 Yoano 1:9

Kachi mutushikisa milonga yetu, kachi iye wamwenemwene, iye mukwa ululi kutukonekena milonga yetu, ni kutupemesa ku uhenge weswe.

Akwa Kuyula 1:7

Adonibezeke yamba ngwenyi, Makumi shimbiali a mianangana naatetele minwe yo ya shina ku moko ni ku molu, anjile yifwenyufwenyu kushi ha mesa yami. Chize nalingile Zambi hananguhilwisacho. Chocho amunehene ku Yerusaleme, yafwilako.