Ubutukilo 42:19 - MUKANDA USANDU WA ZAMBI 1975

¹⁹ Nyi nuli malunga amwenemwene umuwika hakachi kenu amukashile mu zuwo lienu lia ususu, mba yenu akwo yénu nutwale mbuto ha zala ya mu mazuwo jenu.

Mukanda Wa Zambi 1970

¹⁹ Nyi nuli atu abema, mutu umuwika lume masala mu zuwo lia lamba. Yenu akwo twalilenu akwa mazuwo jenu yakulia, mumu kaanafu ni zala.

Ubutukilo 42:19 Iomraidhean Croise

Ubutukilo 40:3

Yaafunga mu zuwo lia kapitau ka tulayi, mu zuwo lia ususu muze mwayikilile José.

Ubutukilo 41:56

Kapunga wapwile hashi heswe, mba José wazulwile machila eswe nikulanjisa kuli A-Engitu. Kapunga te mukalu mu chifuchi cha Engitu.

Ubutukilo 42:11

Tuli eswe ana ja lunga umuwika. Tuli malunga amwenemwene, etu ngamba jenu hi tuli ngendeshi ko.

Ubutukilo 42:18

Ha tangwa liamuchitatu José yamba kuli ayo ngwenyi, Lingenu chino hanga nutwame ni mwono, mumu ni yami woma wa Zambi nguli nawo.

Ubutukilo 42:20

Mba mununeha mwanakwenu kuli yami ngukanyingike ngwami, Maliji jenu amwenemwene, mba kunuchi kufwa. O yalinga chocho.

Ubutukilo 42:26

O yatwika mbuto jo hali yimbulu, yakatukako.

Ubutukilo 42:33

Mba mwe lunga mwenya chifuchi yamba kuli yetu ngwenyi, Ha chuma chino mungunyingika nyi nuli malunga amwenemwene. Hichikenu mukwenu umuwika ni yami, enu mbatenu mbuto ha zala ya mu mazuwo jenu, hiyénu kwenu.

Ubutukilo 45:23

Kuli tato yatuma yuma yino; kumi lia yimbulu ni yiteli yo ya yuma yipema ya Engitu, ni kumi lia yimbulu a yihwo ni yiteli yo ya mbuto, ni mbolo, ni kulia hali tato mu jila.

Izaya 42:22

Alioze wano kapwa munyachi wa kweya ni kwapupa. Eswe kanakwachika mu mena, kanaahengeka mu mazuwo a ususu. Hanakwachika kuli akwo ni yoze maapulula wakuhi; hapwa ngwe a kupita, ni yoze mamba ngwenyi, Hilwisenu, wakuhi.

Izaya 42:7

ni kulawisa meso ja tupuputa; kuchiza funge ku zuwo lia ususu, ni waze anatwama funge mu milima kwachizamo.

Jeremia 37:15

Alemu yatenuka chinji ni Jeremia. Yamulamba ni kumuyikila mu zuwo lia mukwa kusonyeka Jonatas, mumu te halialumuna zuwo lia ususu.