Ubutukilo 42:13 - MUKANDA USANDU WA ZAMBI 1975

¹³ O ngwo, Etu ngamba jenu tuli kumi lia malunga ni malunga aali eswe ana ja lunga umuwika mu chifuchi cha Kanana. Mwe kanuke kwali ni musono hamwe ni tata. Umuwika keshiko.

Mukanda Wa Zambi 1970

¹³ Ayo ngwo: “Vulie mwanangana! Twabwile ana malunga kumi ni aali, nawa tuli ana ja mutu umuwika mu chifuchi cha Kanana. Kasulasongo ketu kanakasala ni tata, mba mukwo mwe wafwile.”

Ubutukilo 42:13 Iomraidhean Croise

Ubutukilo 37:30

Yaya kuli ana-akwo, ngwenyi, Mwe mwana keshimo, mba yami kulihi munguya?

Ubutukilo 42:11

Tuli eswe ana ja lunga umuwika. Tuli malunga amwenemwene, etu ngamba jenu hi tuli ngendeshi ko.

Ubutukilo 42:12

Iye yamba ngwenyi, Hi chocho ko, nuneza mukutala ulelu wa chifuchi.

Ubutukilo 42:14

José yamba kuli ayo ngwenyi, Chenacho namba ngwami, Nuli ngendeshi.

Ubutukilo 42:32

Tuli asongo-ni-atu kumi ni aali. Umwe keshiko, ni mwe kanuke ndo musono hamuwika ni tata ali mu chifuchi cha Kanana.

Ubutukilo 42:36

Tato Yakomba yamba kuli ayo ngwenyi, Hinwangutokesa ana jami. José keshiko, ni Simeone keshiko, ni Mbenjamine nunambe kumutwala. Yuma yino yeswe yangushata yami.

Ubutukilo 42:38

Iye yamba ngwenyi, Mwanami kunuchi kuya nenyi, mumu yayo hanafu, iye wika wangusala. Nyi chimwe chuma chipi muchimuwana mu jila munuya, kambu jami jitoma ni chinyengo munujikoka ku Shiole.

Ubutukilo 43:29

Iye yahetula meso jenyi, yamona mwanakwo Mbenjamine, mwe mwana wa naye, mba yamba ngwenyi, Yono mwanakwenu kasulasongo nwamwambulwile kuli yami, nyi? Kuli iye yamba ngwenyi, Mwanami, Zambi akulinge vumbi.

Ubutukilo 43:7

O ngwo, Mwe lunga yatuhulahula ha kutwala kuli yetu ni usoko wetu ngwenyi, Tatenu ni mwono ali? Mwanakwenu mukwo nuli nenyi? Chocho twamulwezele nikulita ni maliji ano. Te mutuhasa kunyingika ngwetu, Matutuma kusaka mwanakwetu?

Ubutukilo 44:20

Etu yitukumbulula kuli yenu mwata ngwetu, Tata tuli nenyi, kashinakaji, ni mwe kasulasongo wa ukulwana wenyi, iye kanuke. Yayo hafwa, iye wika wasala wa naye, kashika tato kamuzanga chinji.

Ubutukilo 44:28

Umwe yangukatuka mba nambile ngwami, Hanamupapulula. Chamumwene nawa.

Ubutukilo 45:26

Yamwambulwila ngwo, José hindu ni mwono ali. Hapwa mukwa kuyula chifuchi cheswe cha Engitu. Mbunge yenyi yiyilezumuka mumu kaafulielele.

Jeremia 31:15

Yehova kanambe ngwenyi, Liji limwe analivu mu Rama, kulila mbimbi; kulila chisasu. Rakele kanalilila ana jenyi. Katayile amulembejeke hali ana jenyi, mumu keshiko.

Lungungu 5:7

Tulamba twetu avulumwine, ni musono keshiko; yetu tunatambula lamba lia uhenge wo.

Mateu 2:16

Hohene Heronde, muze amwene ngwe akwa mana hamulelesa, wevwile chikolo ufwatulo, mba watumine, akashihe ana-malunga eswe mu Mbeteleme, ni manjiza jacho eswe, chize ku miaka yiali ni waze kanda aheta ku miaka yiali, nikulita ni tangwa lize wevwile pundu kuli akwa mana.

Mateu 2:18

Liji alivwile mu Rama, Malilo ni kunenganyana chinene, Rakele kanalilila anenyi; Katayile amulembejeke, mumu akuhi.