Ubutukilo 41:8 - MUKANDA USANDU WA ZAMBI 1975

⁸ Mu kwacha chimene mbunge yenyi yiyilipikala, yatuma kusanyika yimbanda eswe a mu Engitu, ni akwa mana eswe. Falau yaalweza chilota chenyi alioze niumwe kahashile kumulumbunwinacho wakuhi.

Mukanda Wa Zambi 1970

⁸ Ha chichamene yalibikala, yatambika tahi ni akwa mana eswe a mu chifuchi cha Egiptu. Yaawila yilota yenyi, alioze kamwenekene ko chibwe umuwika yoze mahasa kuyilumbununa.

Ubutukilo 41:8 Iomraidhean Croise

Ubutukilo 40:6

José yanjila kuli ayo ha chimene, yaamona kumanyi chinyengo anevu.

Ubutukilo 40:8

O yamba kuli iye ngwo, Mumu twalotanga chilota mba niumwe kahashile kutulumbunwinacho. José yamba kuli ayo ngwenyi, Ulumbunwiso kuwapwile wa mbala wa Zambi, nyi? Ngulwezecho kama.

Ubutukilo 41:15

Falau yamba kuli José ngwenyi, Hinalota chilota alioze niumwe kahashile kungulumbunwinacho. Mba hinevwa ha kutwala kuli yena ngwo, Muze muwivwa chilota muhasa kuchilumbununa.

Ubutukilo 41:24

Nona jahuhuka yijilia nona jipema. Nachambulula kuli yimbanda alioze kukushi niumwe unahase kungulumbunwinacho.

Ubutukilo 41:7

Nona jize jahuhuka yijilia nona jikwo jize jatoha, jipema. Falau yalaula, kumanyi chapwile chilota.

Miaso (Masamu) 25:14

Usepa wa Yehova uli kuli waze akumuvwila woma; maalweza usendo wenyi.

Kutuhuka 7:11

Hohene Falau yatambika akwa mana, ni akwa tufutafuta, ni e yimbanda a mu Engitu, no nawa yalinga chizechene ni umbanda wo.

Kutuhuka 7:22

Yimbanda a Engitu yalinga chizechene ni umbanda wo mba mbunge ya Falau yakalile, kahalakanyine kuli ayo, chizechene ngwe ambile Yehova.

Kutuhuka 8:7

Yimbanda alingile chizechene ni umbanda wo, yakandwisa yula-ya-mbwota ku chifuchi cha Engitu.

Kutuhuka 9:11

E yimbanda kahashile kumana kumeso ja Mose mumu ha mahute, mumu mahute apwile hali e yimbanda, ni hali A-Engitu eswe.

Izaya 19:3

Maspiritu ja muchima lia A-Engitu munguzukula; munguvundangenya yikuma yo. Kumakaya kuhula ku mahamba, ni yimbanda, ni akwa mahamba ni akwa tufutafuta.

Izaya 29:14

kashika cheka nawa mungulinga yikomokeso ni vungu lino; te yikomokeso ni yipupu. Mana ja akwa mana jo kumakakuwa, ni malinjekela ja akwa malinjekela kumakafukiwa.

Izaya 8:19

Mba muze manwamba ngwo, Hanjikenu ni akwa mahamba ni yimbanda aze akuyevweta ni kulinyinguna, ambenu ngwenu, Atu kechi kuhanjika ni Zambi yo? Te mahanjika ni afu ha kutwala kuli amwono?

Daniel 1:20

Mu yikuma yeswe ya mana ni chinyingi mwanangana waahulile, yaawana hahiana kumi lia yisuho yimbanda eswe ni tahi eswe mu wanangana wenyi weswe.

Daniel 4:18

Chilota chino yami mwanangana Nabukanezore namwene. Kashika yena Belteshazare ungulumbunwinecho, mumu akwa mana eswe a mu wanangana wami kahashile kungulweza ulumbunwiso wacho. Alioze yena unahase mumu Spiritu ya mazambi asandu katwama muli yena.

Daniel 4:19

Aho Daniel, jina lienyi likwo Belteshazare, yatatajala shimbu linene, ni manyonga jenyi yamuvwisa woma. Mwanangana yamba ngwenyi, Belteshazare, chilota chino ni ulumbunwiso wacho kanda chikuvwisa woma. Belteshazare yakumbulula ngwenyi, Mwene wami, chilota chino chikapwe kuli waze akunuvwila kole, ni ulumbunwiso wacho ukapwe kuli akwa kole jenu.

Daniel 4:5

Natetele chilota cha kungukolesa woma. Shimbu napombele ha muhela, manyonga ni usolwelo wa mutwe wami yangunehenene mwongo.

Daniel 4:6

Kashika nahanyine shimbi angunehene akwa mana eswe a Babilonia angulumbunwine chilota chami.

Daniel 4:7

Kashika yimbanda, ni tahi, ni A-Kaletea, ni aprofeta yeza; yingwalweza che chilota, alioze kahashile kungulumbunwinacho.

Daniel 5:11

Mwali mu wanangana we umwe lunga kali ni Spiritu ya mazambi asandu. Ha matangwa a tatenu, pangu, ni yinyingi, ni mana awanyine muli iye, ngwe mana a mazambi. Tatenu mwanangana Nabukanezore wamupwishile mukwa lutwe hakachi ka yimbanda, ni tahi, ni A-Kaletea, ni aprofeta,

Daniel 7:28

Kuno kwasula che chikuma, alioze ha kutwala kuli yami Daniel, manyonga jami anguvwishile woma wunji, ni ku meso jami kwalumukine, alioze nafungile chikuma mu mbunge yami.

Daniel 8:27

Mba yami Daniel nalezumukine, napombele nikuyiza matangwa. Mba nakatukile nikulingalinga milimo ya mwanangana, alioze usolwelo wangushimine; kuwangulumbunukine.

Alevi 19:31

Kanda nukatewulukila kuli akwa mahamba ni akwa tufutafuta. Kanda nukaafupa nukalipihise no. Yami Yehova Zambi yenu.

Alevi 20:6

Nyi umwe mutu makatewulukila kuli akwa mahamba ni akwa tufutafuta nikulipwisa ngwe chikoi kuli ayo, mungusa meso jami a kulimika nenyi. Mungukamuteta hakachi ka atu jenyi.

Habakuke 3:16

Ngunevu, mba mujimba wami unachikima; mivumbo yami yinachikima ha lundunjila wacho. Yifwaha yami yinapolo; molu jami anazeketa mushi liami. Mungutwaminyina kúlú tangwa lia lamba muliza hali akwa kunjila mu chifuchi chetu.

Mateu 2:1

Achi, muze te Yesu hanasemuka mu Mbeteleme, chihunda cha mu Yundeya ha matangwa ja mwanangana Heronde, kumanyi, akwa mana a ku Chivumbuko ejile ku Yerusaleme,

Yilinga 17:18

Alioze amwe a kuli akwa mana jo, A-Epikuria ni A-Stoiku atakanyine nenyi, ambile ngwo, Yono mukwa kumbambula kuchi mamba? Akwo ambile ngwo, Kanasoloka ngwe mukwa kwambujola mazambi ja yilambala; mumu wapwile nikwambujola sango lipema lia Yesu ni Uhindukilo.

Yilinga 7:22

Mose wafumbiwile ni mana eswe a Engitu, wapwile mukwa tachi ha maliji jenyi ni yitanga yenyi.

1 Korintu 1:19

Mumu chinasonewa ngwo, Kumungukonwona mana ja akwa mana, kumungukalituna malinjekela ja akwa malinjekela.

1 Samuel 6:2

Mba A-Filistea yasanyika asasendote jo ni tahi, ngwo, Chika mutulinga ni mushete wa Yehova? Nutulweze kama, neka mutuutuma kuma kwawo?