Ubutukilo 41:57 - MUKANDA USANDU WA ZAMBI 1975

⁵⁷ Akwa yifuchi yeswe ejile kuli José mu Engitu akalande mbuto mumu kapunga wapwile mukalu hashi heswe.

Mukanda Wa Zambi 1970

⁵⁷ Atu te kaakukatuka mu yifuchi yeswe, yeezaza maha Josefe ni kulanda yakulia, mumu te zala hiyahiana kweswe.

Ubutukilo 41:57 Iomraidhean Croise

Ubutukilo 12:10

Yikupwa kapunga mu chifuchi, mba Apalama yapalumukina ku Engitu akatwameko njize mumu kapunga te mukalu mu chifuchi.

Ubutukilo 41:54

Miaka shimbiali ya kapunga yaputuka, nikulita ni liji lia José. Kwapwile kapunga mu yifuchi yeswe alioze mu chifuchi cheswe cha Engitu mwapwile kulia.

Ubutukilo 41:56

Kapunga wapwile hashi heswe, mba José wazulwile machila eswe nikulanjisa kuli A-Engitu. Kapunga te mukalu mu chifuchi cha Engitu.

Ubutukilo 42:1

Yakomba yevwa ngwo, Ku Engitu mbuto kuyili. Kashika iye yamba kuli anenyi a malunga ngwenyi, Kuchi te nunalitale meso amokomoko.

Ubutukilo 42:5

Mba ana ja Izalele yapalumuka hamwe ni waze ayile mukulanda mumu kwapwile kapunga mu chifuchi cha Kanana.

Ubutukilo 42:6

José hapwa mukwa kuyula chifuchi, mukwa kulanjisa kuli atu eswe a chifuchi iye, kashika ayayo yeza yafulamana hashi kuli iye.

Ubutukilo 43:1

Alioze kapunga wapwile mukalu mu chifuchi.

Ubutukilo 47:14

José waswekele mbongo jeswe ja mu chifuchi cha Engitu ni mu chifuchi cha Kanana ha kulanjisa kulia. José yaneha mbongo jeswe mu zuwo lia Falau.

Ubutukilo 50:20

Nyi yenu, e, nwangunyongenene chipi, alioze Zambi wangupalilecho chipema, hanga akachilinge akafunge atu anji ni mwono; chocho chapwa musono.

Shimbi 9:28

kuchina akwa chifuchi chize nwatuchijilemo mamba ngwo, Mumu te Yehova kahashile kwahetesa mu chifuchi nalakenyene, mumu te iye kanaavwila kole yaachiza hanga aashihe mu puya.