Ubutukilo 41:38 - MUKANDA USANDU WA ZAMBI 1975

³⁸ Falau yamba kuli tuvumbi twenyi ngwenyi, Mutuhasa kuwana mukwo walifwa ni yono? Spiritu ya Zambi katwama muli iye.

Mukanda Wa Zambi 1970

³⁸ Mba mwanangana yambila akwa lutwe ngwenyi: “Mutu yono kali ni Mwiku wa Zambi. Kuma mutuhasa kumona nawa mukwa mana ngwe yono, nyi?”

Ubutukilo 41:38 Iomraidhean Croise

Ubutukilo 41:37

Chuma chino chapemenene ku meso ja Falau ni ku meso ja atu jenyi eswe nawa.

Ezra 7:25

Ni yena, Ezera, nikulita ni mana a Zambi ye aze uli no, ukatongole akwa kuyula ni ngaji akayule atu eswe ali lize sali lia Lwiji, waze eswe ananyingika shimba ja Zambi ye. Ni yoze kajinyingikine umulongesejo.

Jobe 32:8

Alioze kumanyi, ye Spiritu ya mutu, mwiku wa Mukwa-Ndundo-Jeswe yakumwaha yinyingi.

Yishima 14:35

Vumbi ha mwanangana kuliapwa kuli kavumbi wa mana; alioze ufwatulo wenyi muupwa hali mukwa kumukolesa sonyi.

Yishima 22:29

Unamono chipalakata ku milimo yenyi, nyi? Kumakamana kumeso ja mianangana; kechi kumana kumeso ja atu amokomoko.

Izaya 19:11

Alemu a Zoane kanahepuka liakulu; akwa kulongesa mana Falau kanamulongesa uzuzuke. Kuchi muwamba kuli Falau ngwe, Nguli mwana wa mukwa mana, nguli mwana wa mianangana a shakulu?

Daniel 4:18

Chilota chino yami mwanangana Nabukanezore namwene. Kashika yena Belteshazare ungulumbunwinecho, mumu akwa mana eswe a mu wanangana wami kahashile kungulweza ulumbunwiso wacho. Alioze yena unahase mumu Spiritu ya mazambi asandu katwama muli yena.

Daniel 4:6

Kashika nahanyine shimbi angunehene akwa mana eswe a Babilonia angulumbunwine chilota chami.

Daniel 5:11

Mwali mu wanangana we umwe lunga kali ni Spiritu ya mazambi asandu. Ha matangwa a tatenu, pangu, ni yinyingi, ni mana awanyine muli iye, ngwe mana a mazambi. Tatenu mwanangana Nabukanezore wamupwishile mukwa lutwe hakachi ka yimbanda, ni tahi, ni A-Kaletea, ni aprofeta,

Daniel 5:14

Hinevwa ha kutwala kuli yena ngwo, Spiritu ya mazambi uli nenyi, ni pangu, ni yinyingi, ni mana apema ahiana ayiwanyine muli yena.

Daniel 6:3

Mba yono Daniel walumukine wa lufuma helu lia akwa lutwe akwo ni yilolo mumu Spiritu mupema Wahiana Watwamine muli iye; mba mwanangana wazangile kumusa helu lia wanangana weswe.

Daniel 6:4

Kashika akwa lutwe ni yilolo afupile chitela cha kusuma nacho Daniel ha kutwala ku wanangana. Alioze kawanyine chitela, hanji kapalia, mumu aye mukwa jika; kawanyine kulweza hanji kapalia muli iye.

Kwalula 27:18

Yehova yamba kuli Mose ngwenyi, Utwale Yoshua, mwana wa Nune, lunga muli iye Spiritu mwali, usayike kwoko lie hali iye.