Ubutukilo 41:32 - MUKANDA USANDU WA ZAMBI 1975

³² Mba se hanasolola chuma chino kaali kuli Falau, chinalumbunuka che chuma hanachikolesa kuli Zambi. Chikwo nawa Zambi kumakachilinga ni shimbu liakuhi.

Mukanda Wa Zambi 1970

³² Mwanangana, hinwalota yisuho yaali mumu Zambi hachibatula, iye mwene makayipwisa, hasala hakepe.

Ubutukilo 41:32 Iomraidhean Croise

Ubutukilo 37:7

Namwene ngwe tunajichika yichita mu munda. Kumanyi, chichita chami chakatukile yichimana kachichi mba yichita ya yenu yiyikunguluka nikuhetamina hashi ku chichita chami.

Ubutukilo 37:9

Iye yalota nawa chilota chikwo, yachilweza kuli ayayo ngwenyi, Kumanyi, hinalota nawa chilota chikwo. Ni tangwa, ni kakweji, ni kumi lia matongonoshi ni lutongonoshi umuwika yahetamina hashi kuli yami.

Ubutukilo 41:25

José yamba kuli Falau ngwenyi, Kulota cha Falau chapwa chimuwika. Zambi hanasolola kuli Falau chize anambe kulinga.

Ubutukilo 41:28

Ngwe hinamba kuli Falau, Zambi hanasolola kuli vena Falau chize anambe kulinga.

Ubutukilo 41:31

Kulumbama chize kechi kachinyingika mu chifuchi mumu ha kapunga yoze unachikaula, mumu kumakapwa mukalu chikolo.

Izaya 30:33

Mumu jiko hanalilulika kulu, hali mwe mwanangana hanalilulika; mulumba wacho kutoha ni kusuha ni kahia ni kunyi ja kulumbama. Mba mwiku wa Yehova muuliwika ngwe muhwiji wa fundanga.

Daniel 2:45

chizechene ngwe nwamwene liwe lia kupula ku mulundu, hi ni kwoko lia mutu ko, mba Mapalwola utale, ni unengu, ni uma, ni prata, ni oru. Mwe Zambi munene halweza kuli mwanangana chize muchikapwa kulutwe. Chilota cha pundu, ni ulumbunwiso wacho wamwenemwene.

Kwalula 23:19

Zambi hi mutu ko ahanjike mahuza, ka; chipwe mwana wa mutu, alikonyeke, ka. Hamba chimwe chuma, kechi kuchilinga? Hanji hachihanjika chimwe chuma, mba kechi kuchimanununa?

Mateu 24:35

Lilu ni hashi kumuyikahwa, alioze maliji jami kechi kahwa nichimwe.

Mateu 25:34

Hohene Mwanangana makamba kuli waze ali ku chindume ngwenyi, Tweyenu, kunwawaha kuli Tata, nutunge wanangana anululikililewo chize ku kusela cha fundamentu ya hashi:

Mateu 25:41

Hohene makamba nawa kuli waze ali ku chimeso ngwenyi, Katukenu kuli yami, yenu kunwashingiwa, nuye ku kahia ka mutolo kaze alulikile hali Ndiapu ni angelo jenyi.

Marku 10:40

alioze kutwama ku chindume chami hanji ku chimeso chami, hi nichami ko kuhana; alioze chili hali waze hanaalulikilacho.

1 Korintu 2:9

Alioze nikulita ngwe chinasonewa ngwo, Yuma yize meso kayimwene, ni matwi kayivwile, kuyanjilile mu mbunge ya mutu, yuma yize hanalulika Zambi hali waze akumuzanga.

2 Korintu 13:1

Chisuho chino chamuchitatu mungwiza kuli yenu. Mu makanwa ja yela aali hanji atatu maliji eswe makakola.

Usolwelo 9:15

Ni angelo awana aatuswile waze aalulikile kulu ha ola, ni tangwa, ni kakweji, ni mwaka, hanga akashihe chihanda chimuwika cha ku yihanda yitatu ya atu.