Ubutukilo 41:24 - MUKANDA USANDU WA ZAMBI 1975

²⁴ Nona jahuhuka yijilia nona jipema. Nachambulula kuli yimbanda alioze kukushi niumwe unahase kungulumbunwinacho.

Mukanda Wa Zambi 1970

²⁴ Yihupu yize yakonyata yinaminya yize yinene. Yilota yino ngunakayawila tahi, alioze niumwe kahashile kuyilumbununa.”

Ubutukilo 41:24 Iomraidhean Croise

Ubutukilo 41:23

Mba kulutwe kwasokele nona jikwo shimbiali jalela, jahuhuka, jakonyata ni fuji ya ku Chivumbuko.

Ubutukilo 41:8

Mu kwacha chimene mbunge yenyi yiyilipikala, yatuma kusanyika yimbanda eswe a mu Engitu, ni akwa mana eswe. Falau yaalweza chilota chenyi alioze niumwe kahashile kumulumbunwinacho wakuhi.

Kutuhuka 8:19

Henaho ambile e yimbanda kuli Falau, ngwo, Acho we munwe wa Zambi. Mbunge ya Falau yakalile, kahalakanyine kuli ayo, ngwe ambile Yehova.

Izaya 8:19

Mba muze manwamba ngwo, Hanjikenu ni akwa mahamba ni yimbanda aze akuyevweta ni kulinyinguna, ambenu ngwenu, Atu kechi kuhanjika ni Zambi yo? Te mahanjika ni afu ha kutwala kuli amwono?

Daniel 4:7

Kashika yimbanda, ni tahi, ni A-Kaletea, ni aprofeta yeza; yingwalweza che chilota, alioze kahashile kungulumbunwinacho.