Ubutukilo 4:9 - MUKANDA USANDU WA ZAMBI 1975

⁹ Yehova yamba kuli Kene ngwenyi, Mwanakwenu Abele kulihi ali? Iye yakumbulula ngwenyi, Chanyingikine. Te yami nguli kafunga ka mwanakwetu, nyi?

Mukanda Wa Zambi 1970

⁹ Mwene Zambi yahula Kene ngwenyi: “Mwanakwenu kuli ali?” Kene ngwenyi: “Chanyingikine. Yami nguli kafunga ka mwanakwetu, nyi?”

Ubutukilo 4:9 Iomraidhean Croise

Ubutukilo 37:26

Yunda yamba kuli ana-akwo ngwenyi, Nyi mutushiha mwanakwetu nikusweka manyinga jenyi yika mutufumbula?

Ubutukilo 37:32

Yatuma chikuto cha ulombo weka ni weka, yachihetesa kuli tato ngwo, Chino twachiwana. Uchitale kanawa nyi cha mwané nyi ka.

Ubutukilo 4:10

Yehova yamba ngwenyi, Yika walinga? Liji lia manyinga a mwanakwenu linatete hashi kuli yami.

Miaso (Masamu) 9:12

Muze masopesa akwa kumwanga manyinga kumakaewuluka; keshi kuvulama muteto wa akwa luyinda.

Miaso (Masamu) 9:13

Nguvwile kama vumbi, Yehova; nyonga lamba liami lize akunguvwisa akwa kole jami, yena kuwakunguchiza ku chikolo cha kutwa;

Yishima 28:13

Mweswe masweka uvulumunyi wenyi kechi kawaha; alioze mweswe maushikisa nikuumbila mawana keke.

Yoano 8:44

Yenu nuli a kuli tatenu Ndiapu, nwakuzanga kulinga usolo wa tatenu. Iye wapwile chingalwe chize ku uputukilo, kamanyine mu umwenemwene, mumu umwenemwene wakuhi muli iye, niumwe. Muze mahanjika mahuza, kanahanjika nichenyi mwene; mumu iye mukwa mahuza ni mwe tato ya mahuza.