Ubutukilo 4:8 - MUKANDA USANDU WA ZAMBI 1975

⁸ Kene yahanjika ni mwanakwo Abele. Mba muze apwile mu munda Kene yakatukila mwanakwo Abele, yamushiha.

Mukanda Wa Zambi 1970

⁸ Mba Kene yambila mwanakwo Abele ngwenyi: “Tuye ni kwendangana hakepe.” Muze haaheta mu munda, Kene yatumbukila mwanakwo, yamushiha.

Ubutukilo 4:8 Iomraidhean Croise

Ubutukilo 4:25

Mba Alama yalimona nawa ni mukwo-pwo yasema mwana wa lunga, yamuluka jina ngwenyi, Sete. Mumu yamba ngwenyi, Zambi hangusela munyachi ukwo kusalakana Abele, mumu Kene yamushiha.

2 Samuel 14:6

Ami kavumbi kenu napwile ni ana aali a malunga. Yalitachika mu yambu mba kukwapwule niumwe kuakandunwina, kashika umwe yalamba mukwo; yamushiha.

2 Samuel 3:27

Muze Abenere haheta ku Heprone, Joabe yamutwala ku lumbu mwe mu chikolo akahanjike nenyi ukawo. Kuze kwene yamutuwa mu jimo Chocho yafwa mumu ha manyinga a Asahele mwanakwo wa Joabe.

2 Sango Ja Mianangana 21:4

Alioze muze Jorame hatwama ha ngunja ya tato nikujikiza, yashiha anakwo eswe ni katana, ni akwo nawa hakachi ka alemu a Izalele.

Nehemia 6:2

Sambalate ni Ngesheme yatuma liji kuli yami ngwo, Tweya tukatakane mu chihunda chimwe cha ha chikulo cha Ono. O te kananyongo kungulinga chipi.

Jobe 11:15

Nyi chocho muhetula meso je ni kapalia wakuhi. Kumukatwama kawape ni woma wakuhi.

Miaso (Masamu) 139:19

Zambi, kumushiha wate yingulungulu. Kashika yenu eswe nukwete usona wa kumwanga manyinga, katukenu kuli yami.

Miaso (Masamu) 36:3

Maliji a mu kanwa lienyi a uhenge ni kwonga. Hambila mana ni yitanga yipema. Ha muhela wenyi kakutaka uhenge;

Miaso (Masamu) 55:21

Kanwa lienyi liasenenene ngwe maji a yamwa, alioze mbunge yenyi yapwile jita. Maliji jenyi ovulile kuhiana maji hindu apwile poko ja kutomona.

Hosea 4:2

Alioze chize chiliko, kutukana, ni mahuza, ni ungalwe, ni wiji, ni utanji. Kakuhiana shimbi jeswe; ungalwe unalitumbikila ha ungalwe.

Mika 7:6

Mumu mwana wa lunga kakulelesa tato, ni mwana wa pwo kakukatukila naye; tembwa-mwanenyi malimika ni tato-pwo. Akwa kole ja mutu e akwa usoko wenyi.

Kwalula 35:20

Kachi mamutuwa mumu ha kole, hanji mamukonga, ha ku mujikinyina, chocho mafwa,

Mateu 23:35

hanga manyinga eswe a ululi a kumwangana hano hashi akeze hali yenu, chize ku manyinga ja mukwa ululi Abele ndo ku manyinga ja Zakaria, mwana Mbarakiya, yoze nwamushihile hakachi ka tembele ni chilumbilo.

Luka 11:51

chize ku manyinga ja Abele ndo ku manyinga ja Zakaria, yoze wafwile hakachi ka chilumbilo ni tembele: ewa, ngwami, Kumakaafwetesa ha chisemuko chino.

Luka 22:48

Alioze Yesu wambile kuli iye ngwenyi, Yundase, unakunjika mwe Mwana Mutu ni mbeju, nyi?

Hebreu 11:4

Ku Ufulielo Abele walambwile kuli Zambi chitapo chilemu chahiana Kene, ku chize wazukile Shindakenyo ya kupwa mukwa ululi, Zambi se kanashindakenya ha yawana yenyi; ku uze, iye se wafwile, hindu achili nikuhanjika.

Hebreu 12:24

ni kuli Yesu mwe chitakanyishi cha usendo waha, ni ku manyinga a kusapwila waze akuhanjika yuma yipema yahiana Abele.

Yuda 1:11

Lamba lio! mumu kanayi mu jila ya Kene, hanatoko mu kupianguka cha Mbalau ha fweto, hanakuwu mu kuhamika cha Kora.