Ubutukilo 4:6 - MUKANDA USANDU WA ZAMBI 1975

⁶ Mba Yehova yamba kuli Kene ngwenyi, Ufwatulo waka? Kuchi te unanyakana ku meso?

Mukanda Wa Zambi 1970

⁶ Mba Mwene Zambi yahula Kene ngwenyi: “Ufwatulo waka? Mumu yika unanyakana ku meso?

Ubutukilo 4:6 Iomraidhean Croise

Ubutukilo 4:7

Nyi mulinga kanawa kechi kukutambula nyi? Alioze nyi kwalingile kanawa shili kuyinautama ku chikolo. Kuli yena anase mbunge yenyi mba yena mukamuyula.

Jobe 5:2

Kulifwita muchishiha chihepuke. Nyi malichafukila mu uchelo wenyi achi hikufwa.

Izaya 1:18

Yehova kanambe ngwenyi, Tweyenu tulishimwinye hamuwika. Chipwe milonga yenu yachila nge, kumuyipwa yitoma ngwe neve. Chipwe yahiana kuchila, muyalumuka ngwe wanda utoma.

Jeremia 2:31

Ni yenu akwa chisemuko chino, panjikenu liji lia Yehova. Te hinapwa kuli Izalele ngwe puya? Hinapwa ngwe chifuchi cha milima pwi? Nyi chocho kuchi te atu jami kakwamba ngwo, Tunatusuka, kutuchi kwiza nawa kuli yena?

Jeremia 2:5

Yehova kanambe ngwenyi, Chipi chika akakenu awanyine muli yami mba hangukatuka nikuya kusuku, nikukaula yuma yamokomoko nikwalumuka amokomoko?

Yona 4:4

Yehova yamba ngwenyi, Kutenuka Chichize, chipema nyi?

Yona 4:9

Zambi yamba kuli Yona ngwenyi, Kutenuka Chichize mumu ha lwitwi, chipema nyi? Iye ngwenyi, Chipema ngunalingi nikutenuka, chipwe ndo ku kufwa.

Mateu 20:15

Kuchalitele ni shimbi hali yami kulinga chize ngunapale ni yuma ya yami mwene, nyi? Shina liso lie liapwa lipi, mumu yami nguli mupema?