Ubutukilo 4:5 - MUKANDA USANDU WA ZAMBI 1975

⁵ Alioze Kene ni mulambu wenyi kamulemeseneko. Kashika Kene yevwa ufwatulo, yanyakana ku meso.

Mukanda Wa Zambi 1970

⁵ alioze Kene yamumba nyima ni we mulambu wenyi. Kashika Kene yevwa ufwatulo, yanyakana ku meso.

Ubutukilo 4:5 Iomraidhean Croise

Ubutukilo 31:2

Yakomba yamona meso ja Lapane kumanyi kamutalile kanawa ngwe miaka ya kunyima.

Ubutukilo 31:5

Yamba kuli ayo ngwenyi, Ngunamono meso ja tatenu, kangutalile kanawa ngwe kunyima, alioze Zambi ya tata kwali hamwe ni yami.

Ubutukilo 39:19

Mba muze kakó hevwa maliji a mukwopwo nikwamba ngwenyi, Chocho chiahanjika ni yami, ufwatulo wenyi wafulukile.

Jobe 15:13

Kuchi te unatelumwona mbunge ye kulimika ni Zambi? Kuchi unatayiza maliji apwahaha kutuhuka mu kanwa lie?

Jobe 5:2

Kulifwita muchishiha chihepuke. Nyi malichafukila mu uchelo wenyi achi hikufwa.

Miaso (Masamu) 20:3

Akewuluke milambu ye yeswe; atambule yitapo ye ya kulumba.(Litulike.)

Yishima 19:3

Uhepuke wa mutu kuwakuhengesa ndako jenyi; mbunge yenyi kuyakulifwita ha kulimika ni Yehova.

Yishima 29:10

Akwa kumwanga manyinga kakuvwila kole yoze upwa mungunu; alioze mukwa ululi kakuzanga kumuwahisa.

Longeshi 4:4

Namwene kuhondangana cheswe ni utotombo weswe ni ha chino mutu kakumuvwila ukwa kuli akwo. Chino nawa chapwa chamokomoko ngwe kuhanga ye fuji.

Izaya 3:9

Katonde ko kukanaashindakenya; ene kakusolola shili yo ngwe Sondome, kayiswekele. Lamba lio! Mumu ene hanalikokela chipi.

Kwalula 16:15

Mose yatenuka chikolo, yamba kuli Yehova ngwenyi, Kanda ulemesa mulambu wo. Chatambwile kuli ayo chipwe chimbulu umuwika, chipwe kulinga chipi kuli umwe wa ayo, chamulingile chipi.

Mateu 20:15

Kuchalitele ni shimbi hali yami kulinga chize ngunapale ni yuma ya yami mwene, nyi? Shina liso lie liapwa lipi, mumu yami nguli mupema?

Yilinga 13:45

Alioze muze A-Yunda amwene mbunga, azalile tò ni ukwa, ahamikine yuma yize ahanjikile Paulu, nikushililika.

Hebreu 11:4

Ku Ufulielo Abele walambwile kuli Zambi chitapo chilemu chahiana Kene, ku chize wazukile Shindakenyo ya kupwa mukwa ululi, Zambi se kanashindakenya ha yawana yenyi; ku uze, iye se wafwile, hindu achili nikuhanjika.

Yuda 1:11

Lamba lio! mumu kanayi mu jila ya Kene, hanatoko mu kupianguka cha Mbalau ha fweto, hanakuwu mu kuhamika cha Kora.

1 Samuel 16:7

Alioze Yehova yamba kuli Samuel ngwenyi, Kanda utala ku meso jenyi, hanji ku Chizundamo chenyi, mumu hinalitunaye. Yehova kamwene ngwe atu akumona. Mumu atu kakutala ku kusoloka cha haze, alioze Yehova kakutala ku mbunge.