Ubutukilo 4:4 - MUKANDA USANDU WA ZAMBI 1975

⁴ Abele neye yatwala tupula-jimo a mu chendo chenyi hamuwika ni maii jo. Yehova yalemesa Abele ni mulambu wenyi.

Mukanda Wa Zambi 1970

⁴ Abele neye yanda mwana mutangu wa umwe panga wa ku chendo chenyi, yamushiha, yanda yifwo yibema yahiana ni e maji jayo, yayilambula. Mwene Zambi yatayiza Abele ni mulambu wenyi,

Ubutukilo 4:4 Iomraidhean Croise

Ubutukilo 15:17

Mba muze te tangwa hilianjila, hikwapwa ufuku, kumanyi kahia ka kutuhwisa mwishi ni soka lia kulekwoka liapalikile hakachi ka yipinji ya yifwo.

Ubutukilo 4:3

Muze miaka hiyacha, Kene yatwala mulambu kuli Yehova wa mihuko ya ha mavu.

1 Yitanga Ya Mianangana 18:24

Enu hisanyikenu ha jina lia zambi yenu ni yami mungusanyika ha jina lia Yehova. Zambi yoze makumbulula ni kahia akapwe iye mwe Zambi. Atu eswe yakumbulula ngwo, Hinwamba kanawa lume.

1 Yitanga Ya Mianangana 18:38

Henaho kahia ka Yehova yikahulumuka, yikajimwisa mulambu wa kulumba, ni kunyi, ni mawe, ni fufuta, ni e meya apwile mu kapila.

1 Sango Ja Mianangana 21:26

Mba David yatungako chilumbilo kuli Yehova. Yalambulako milambu ya kulumba, ni milambu ya sambukila nikutambika ha jina lia Yehova. Aye mwilu yamukumbulula ni kahia ha chilumbilo cha mulambu wa kulumba.

2 Sango Ja Mianangana 7:1

Muze Solomone hamana kulemba kwahulumukine kahia mwilu nikulalisa mulambu wa kulumba ni yitapo; ni uhenya wa Yehova yiuzalisa zuwo.

Miaso (Masamu) 20:3

Akewuluke milambu ye yeswe; atambule yitapo ye ya kulumba.(Litulike.)

Kutuhuka 13:12

nukasele kuli Yehova waze eswe atangu kusemuka ni tupula-majimo eswe a kuli yimuna. Malunga ni kuji eswe akapwe a mbala a Yehova.

Yishima 3:9

bemesa Yehova ni yikumba ye ni mbuto yitangu ya kufumbuka che cheswe,

Longeshi 4:4

Namwene kuhondangana cheswe ni utotombo weswe ni ha chino mutu kakumuvwila ukwa kuli akwo. Chino nawa chapwa chamokomoko ngwe kuhanga ye fuji.

Alevi 9:24

Kahia kakatukile kumeso ja Yehova yalalisa mulambu wa kulumba hamwe ni maji ha chilumbilo. Muze atu eswe hachimona, atetele mba yafulamana ha meso jo.

Kwalula 16:15

Mose yatenuka chikolo, yamba kuli Yehova ngwenyi, Kanda ulemesa mulambu wo. Chatambwile kuli ayo chipwe chimbulu umuwika, chipwe kulinga chipi kuli umwe wa ayo, chamulingile chipi.

Kwalula 16:35

Kahia yikatuhuka ka kuli Yehova, yikalalisa e kulakaji aali a atu ni makumi atano a atu waze machilambula insensu.

Kwalula 18:12

Maji eswe apema ahiana, ni vinyu yeswe yipema yahiana, ni ya mbuto, ye mihuko yitangu mayilambula kuli Yehova, hingunakweheyo yena.

Kwalula 18:17

Kapula-jimo wa ngombe, hanji kapulajimo wa panga, hanji kapula-jimo wa pembe, kanda ukaakula; o kapwa asandu. Ukasapwile manyinga jo ha chilumbilo. Ukalumbe maji jo akapwe mulambu wa kahia, wa lupembo mupema kuli Yehova.

Hebreu 11:4

Ku Ufulielo Abele walambwile kuli Zambi chitapo chilemu chahiana Kene, ku chize wazukile Shindakenyo ya kupwa mukwa ululi, Zambi se kanashindakenya ha yawana yenyi; ku uze, iye se wafwile, hindu achili nikuhanjika.

Hebreu 9:22

Nikulita ni shimbi yuma yeswe, yikepe wika yinasala, kakuyipemesa ni manyinga, ni ukonekeno wakuhi niumwe shina ha kumwanga manyinga.

Usolwelo 13:8

Ni akwa hashi eswe kumakamuwayila, mweswe jina lienyi kuliasonewene chize ku kusela cha fundamentu yo hashi, mu mukanda wa mwono wa mwe Mwana-panga, yoze hanamushihi.

Akwa Kuyula 6:21

Mba mungelo wa Yehova yazoza mulumbu uze apwile nawo mu kwoko lienyi, yasa songo liawo ha yifwo ni tumbolo kutushi futunwiso. Hi ku liwe kwatuhukile kahia nikulalisa ye yifwo ni tumbolo kutushi futunwiso. Hoho mwe mungelo wa Yehova yajimuka kumeso jenyi.

1 Samuel 15:22

Samuel yamba ngwenyi, Te Yehova kakuwahilila ni milambu ya kulumba ni yitapo, nyi kakuwahilila ni waze mamwononokena? Kwononoka kuchahiana kulambula yitapo. Kupanjika kuchahiana kuhana maji a kuji a mapanga.