Ubutukilo 4:14 - MUKANDA USANDU WA ZAMBI 1975

¹⁴ Musono hiwanguhumina hashi, chipwe kumeso je mungukaswama. Mungupwa mukwa kuchina kanda chendanganyi hano hashi mba mweswawo manguwana mangushiha.

Mukanda Wa Zambi 1970

¹⁴ Musono hiwanguhuma ku mavu wano a chinuno ni ku meso je. Mungubwa mukwa kuchinachina kanda chendanganyi. Ha chino mweswawo mangutakana mangushiha lume.”

Ubutukilo 4:14 Iomraidhean Croise

Ubutukilo 3:24

Mba yahuma mutu, yasa ku sali lia Chivumbuko lia munda wa Endene akerupimi ni katana wa mulengi wa kutalikisa majila eswe kufunga jila ya mutondo wa mwono.

Ubutukilo 4:13

Kene yamba kuli Yehova ngwenyi, Lamba liami liahiana naye, chichi kuhasa kulimbata.

2 Samuel 14:7

Haliapwila a usoko wetu eswe hanangukatukila yami kavumbi kenu ngwo, Twehenu yoze washiha mukwo, hanga tumushihe iye mumu ha mwono wa mukwo yoze washihile. Mutushiha mwe swana nawa. Chocho majima kala lize nguli nalio, mba kechi kuhichika kuli mukwetu-lunga mukwa jina lienyi chipwe yoze mamusalakana hano hashi.

Miaso (Masamu) 109:10

Ana jenyi akapwe yendanganyi, akwa kusungila. Akafupe kulia cho kusuku ni yikulu yo.

Miaso (Masamu) 109:12

Niumwe kanda akamuvwila utu wa zango. Niumwe kanda akasoloka yoze mavwila keke ana jenyi ashiwa.

Miaso (Masamu) 143:7

Yehova, tambuka ungukumbulule mumu Spiritu yami yinalezumuka. Kanda unguswekela meso je kuchina mungwalumuka kulifwa ni waze anapalumuka ku mbongo.

Yishima 14:32

Mambila chingulungulu mu ungulungulu wenyi; alioze mukwa ululi kali ni kutalatala mu kufwa chenyi;

Yishima 28:1

Chingulungulu kakuchina chipwe niumwe kamuhangile; alioze akwa ululi kanahamuka ngwe ndumba.

Izaya 8:22

Mba kumakatala hashi, kumanyi kupinda ni milima ni kulá cha hunya; mba kumakaakapula mu milima pwi.

Jeremia 52:3

Pundu ha utenu wa Yehova yuma yapihile kuhiana mu Yerusaleme ni hali A-Yunda chocho iye waachijile kumeso jenyi. Mba Zedekia yakatukila mwanangana wa Babilonia.

Hosea 13:3

Kashika mapwa ngwe mbundu ya chimene; hanji ngwe mume uze wakuma washi; ngwe yizungu yize yakuhehuka ku chizungwilo hanji ngwe mwishi unakatuka ku njanela.

Alevi 26:17

Mungulimika ni yenu, mba manukumba kuli akwa kole jenu. Waze akunuvwila kole manuyula; munuchina chipwe niumwe kanuhangile.

Alevi 26:36

Ha kutwala kuli waze akwenu masala mungutuma kulezumuka mu mbunge jo mu yifuchi ya akwa kole jo. Kuholoka cha lifwo muchiachinyisa, ngwe mutu wakuchina katana chocho machina, mba malimbuka chipwe kaahangile niumwe.

Kwalula 35:19

Mukwa kukala manyinga iye mwene akashihe chingalwe. Ha kutakana nenyi, akamushihe.

Kwalula 35:21

hanji mumu ha kole mamulamba ni kwoko lienyi, mba mafwa, mukwa kumulamba chamwenemwene nukamushihe, iye chingalwe. Mukwa kukala manyinga akashihe chingalwe ha kutakana nenyi.

Kwalula 35:27

kachi mukwa kukala manyinga mamuwana mu sali lia njiza ja limbo lienyi lia uchinyino, mba mukwa kukala manyinga mamushiha, kechi kupwa ni mulonga wa manyinga.

Mateu 25:41

Hohene makamba nawa kuli waze ali ku chimeso ngwenyi, Katukenu kuli yami, yenu kunwashingiwa, nuye ku kahia ka mutolo kaze alulikile hali Ndiapu ni angelo jenyi.

Mateu 25:46

Wano kumakaya ku lamba lia mutolo, alioze akwa ululi ku mwono wa mutolo.

Shimbi 28:64

Yehova makanumwanga hakachi ka mavungu eswe, katuke ku songo limwe lia hashi ndo ku songo likwo lia hashi. Munukavumbikako tuzambi tweka, kunwatunyingikine chipwe yenu, chipwe tulamba twenu, te mitondo ni mawe.

Shimbi 28:65

Hakachi ka mavungu aze kunuchi kawana uhwimino, chipwe ku yiliato yenu. Yehova makanwahako mbunge ya kuchikima, ni kufuwalala cha meso, ni chinyengo cha mbunge.

2 A-TESALONIKA 1:9

Kumakaafwetesa ha milonga yo, kwenyeka cha mutolo muma mwa kuhandunuka kumeso ja Mwene, ni ku uhenya wa ngolo jenyi;