Ubutukilo 4:10 - MUKANDA USANDU WA ZAMBI 1975

¹⁰ Yehova yamba ngwenyi, Yika walinga? Liji lia manyinga a mwanakwenu linatete hashi kuli yami.

Mukanda Wa Zambi 1970

¹⁰ Mwene Zambi ngwenyi: “Kuchi walinga? Banjika! Liji lia mwanakwenu mu mavu linakololoka kuli yami ha kumukafa.

Ubutukilo 4:10 Iomraidhean Croise

Ubutukilo 18:20

Mba Yehova yamba ngwenyi, Mumu lufuma wa Sondome ni Ngomora munene; shili yo yapiha naye,

Ubutukilo 3:13

Mba Yehova Zambi yamba kuli pwo ngwenyi, Achi hiwalinga chika? Pwo yakumbulula ngwenyi, Mwe kapela wangwonganga mba nalianga.

Ubutukilo 9:5

Chikwo nawa manyinga jenu a mwono wenu mungwakala, ni kuli kashitu mweswe ni ku kwoko lia mutu, pundu we mwono wa mutu mungukala hali mutu ni mukwo mweswe.

1 MIANANGANA 9:26

Pundu zau ngunakamona manyinga a Nabote, ni manyinga ja ana jenyi, Yehova kanachambe, kashika mungukuhilwisacho muno mu munda uno. Chocho kanambe Yehova. Kashika umwande umumbile mu munda nikulita ni liji lia Yehova.

2 Sango Ja Mianangana 28:9

Alioze kwapwileko umwe profeta wa Yehova jina lienyi Odede. Aye yaya kupatwiza tujita ha kuheta ku Samaria. Yamba kuli ayo ngwenyi, Ivwenu; Yehova Zambi ya tulamba twenu watenukine ni A-Yunda, kashika yaakunjika mu moko jenu, mba yenu hinwaashiha ni ufwatulo umwe wa kuheta mwilu.

Jobe 16:18

Ena mavu, kanda ufuka manyinga jami; muteto wami kanda uhola.

Jobe 24:12

Ku chihunda akwa chonono kakutwa mikuma, yoze hamulemeka kakutambika ni mbunge yenyi amukwase; hindu Zambi kapanjikile kulemba cho.

Miaso (Masamu) 50:21

Yuma yino walinga hindu yami naholele. Wangumwene ngwe nguli mukwenu, alioze mungukakwamba, munguyalula kumeso je.

Miaso (Masamu) 72:14

Kumakakula mwono wo ku yihungumiona ni uswi. Manyinga jo kumapwa alemu kumeso jenyi.

Miaso (Masamu) 9:12

Muze masopesa akwa kumwanga manyinga kumakaewuluka; keshi kuvulama muteto wa akwa luyinda.

Miaso (Masamu) 9:13

Nguvwile kama vumbi, Yehova; nyonga lamba liami lize akunguvwisa akwa kole jami, yena kuwakunguchiza ku chikolo cha kutwa;

Kutuhuka 3:7

Yehova yamba ngwenyi, Chamwenemwene hinamona luyinda wa atu jami ali mu Engitu. Hinevwa muteto wo mumu ha mukunda wa tupatashi two; ngunanyingika yinyengo yo.

Izaya 5:7

Mumu munda wa uva wa Yehova-wa-Tujita we munyachi wa Izalele, ni malunga a Yunda kapwa wande wenyi upema. Yafupa upatwilo wa kulita, alioze yawana manyinga a kumwanga; yafupa ululi, kumanyi yevwa muteto wika!

Kwalula 35:33

Chocho, kanda nukapihisa chifuchi nuna-twamamo, mumu manyinga akupihisa chifuchi. Keshi kuhasa kufukila chifuchi mumu ha manyinga anamwanganamo, shina ku manyinga a mukwa kumwanga manyinga.

Yilinga 5:3

Alioze Petulu wambile ngwenyi, Ananiya, kuchi te Satana hanazalisa mbunge ye kuhanjika mahuza kuli Spiritu Musandu, ukasweke chihanda cha ndando ya munda?

Yilinga 5:9

Alioze Petulu wambile kuli iye ngwenyi, Kuchi te hinunalikundu kweseka Spiritu ya Mwene? Tata, yiliato ya waze afundanga mukwenu-lunga ku chikolo yili, no kumakakumbata haze.

Shimbi 21:1

Kachi mu chifuchi ananwehe kuli Yehova Zambi yenu nuchizuke, mawanamo umwe hanamushihi, anapombo mu yambu, kanyingikine mutu wamushihile,

Hebreu 11:4

Ku Ufulielo Abele walambwile kuli Zambi chitapo chilemu chahiana Kene, ku chize wazukile Shindakenyo ya kupwa mukwa ululi, Zambi se kanashindakenya ha yawana yenyi; ku uze, iye se wafwile, hindu achili nikuhanjika.

Hebreu 12:24

ni kuli Yesu mwe chitakanyishi cha usendo waha, ni ku manyinga a kusapwila waze akuhanjika yuma yipema yahiana Abele.

Tiangu (Jake) 5:4

Talenu, fweto ya akwa milimo jenu waze hanachi minda yenu, yize nwaalimwine, kuyakuteta; ni miteto ya waze hanachi hiyinanjila mu matwi ja Mwene wa yizavu ya tujita.

Yoshua 7:19

Henaho Yoshua yamba kuli Akane ngwenyi, Mwanami lemesa Yehova Zambi ya Izalele, ukashikise kuli iye. Ngwambulwile chize walinga. Kanda unguswekelacho.

1 Samuel 13:11

Samuel yamba ngwenyi, Chika walinga? Saulu yakumbulula ngwenyi, Mumu namona atu nikungukatuka, ni yena kuwejile ha matangwa wasele, ni A-Filistea anakungulukila ku Mikimashi.