Ubutukilo 4:1 - MUKANDA USANDU WA ZAMBI 1975

¹ Mba lunga walimwene ni mukwo-pwo Eva. Iye yaka ufumba, yasema Kene. Yamba ngwenyi, Natambula mwana-lunga kuli Yehova.

Mukanda Wa Zambi 1970

¹ Mba Samutu yalimona ni mukwo pwo, Namutu, neye yaka ufumba, yasema mwana wa lunga. Neye yamba ngwenyi: “Mwene Zambi hangukwasa, hinabwa ni mwana wa lunga.” Kashika yamuluka jina ngwenyi, Kene.

Ubutukilo 4:1 Iomraidhean Croise

Ubutukilo 3:15

Chikwo nawa mungusa kole hakachi ka yena ni pwo; hakachi ka munyachi we ni munyachi wenyi. Mukwa munyachi wenyi makawonda mutwe we, ni yena mukawonda kashijino kenyi.

Ubutukilo 3:24

Mba yahuma mutu, yasa ku sali lia Chivumbuko lia munda wa Endene akerupimi ni katana wa mulengi wa kutalikisa majila eswe kufunga jila ya mutondo wa mwono.

Ubutukilo 4:2

Kulutwe yasema nawa mwanakwo Abele. Abele mukwa kufunga mapanga, alioze Kene mukwa kulima.

Ubutukilo 4:25

Mba Alama yalimona nawa ni mukwo-pwo yasema mwana wa lunga, yamuluka jina ngwenyi, Sete. Mumu yamba ngwenyi, Zambi hangusela munyachi ukwo kusalakana Abele, mumu Kene yamushiha.

Ubutukilo 5:29

Yamuluka jina ngwenyi, Noe, mumu ngwenyi, Yono kumakatuwahisa ha milimo yetu ni kukilikita cha moko jetu mumu ha mavu aze Zambi washingile.

Miaso (Masamu) 127:3

Ana kapwa chihinga cha kuli Yehova. Kuseseka cha mu jimo kwononona chenyi.

Kwalula 31:17

Kashika, haliapwila, shihenu malunga eswe hakachi ka ana akepe, shihenu mapwo eswe hapomba ni malunga.

1 Yoano 3:12

Hi ngwe Kene ko wapwile wa kuli mwe chingulungulu, washihile mwanakwo; ha chikuma chika amushihilile? Mumu yitanga yenyi yapwile ya ungulungulu, ni yize ya mwanakwo ya ululi.