Ubutukilo 39:9 - MUKANDA USANDU WA ZAMBI 1975

⁹ Niumwe wanguhiana mu zuwo, wakuhi. Kanguminyine nichimwe chuma shina yena wika, se uli pwo lienyi. Kuchi munguhasa kulinga ungulungulu upwa haha nikuvulumuna Zambi?

Mukanda Wa Zambi 1970

⁹ Yami nguli ni chiyulo ngwe iye. Kangukanjishile ku Chuma nichimwe, shina yena pwo lienyi. Ngwe kuchi munguhasa kulinga yibi yibwa haha ni kuvulumuna ku meso ja Zambi?”

Ubutukilo 39:9 Iomraidhean Croise

Ubutukilo 13:13

Alioze atu a mu Sondome yingulungulu, akwa kuvulumiona Yehova kuhiana.

Ubutukilo 20:3

Alioze Zambi yeza kuli Apimeleke mu chilota ha ufuku ngwenyi, Tala, uli mufu lume mumu hali pwo yoze watambulanga, mumu iye pwo lia mbala.

Ubutukilo 20:6

Zambi yamba kuli iye mu chilota chenyi ngwenyi, E, ngunanyingika ngwami wachilinga mu kutuwika cha mbunge ye, ni yami nawa nakuchinda kuchina mukanguvulumuna. Kashika chakutayijile kumusunga.

Ubutukilo 20:9

Mba yasanyika Apalahama yamwamba ngwenyi, Yika watulingila chize? Mulonga uka nakuvulumwine kama, wangunehena mulonga upwa haha ni yami ni atu jami? Ena wangulinga yuma keshi kuyilinga.

Ubutukilo 24:2

Apalahama yamba kuli ndungo yenyi, mwe mukulwana ku zuwo lienyi, yoze wayulile yuma yeswe apichile, ngwenyi, Mwane, sako kwoko lie kushi lia shina lia kulu liami.

Ubutukilo 39:10

Chocho pwo wejile kuli José tangwa ha tangwa alioze iye kamupanjikile apombe nenyi, chipwe kupwa hamuwika nenyi.

Ubutukilo 41:40

Kashika yena muyula zuwo liami. Atu jami eswe malinga nikulita ni liji lie. Mu ngunja wika mungukuhiana.

Ubutukilo 42:18

Ha tangwa liamuchitatu José yamba kuli ayo ngwenyi, Lingenu chino hanga nutwame ni mwono, mumu ni yami woma wa Zambi nguli nawo.

2 Samuel 11:27

Mba muze kulila hichahwa David yatuma, yamuneha ku zuwo lienyi yamumbata. Mba yamusemena mwana wa lunga. Alioze chuma halinga David chapihililile Yehova.

2 Samuel 12:13

David yamba kuli Natane ngwenyi, Yehova hinamuvulumuna. Natane yamba kuli David ngwenyi, Yehova hakuchiza mutonga we. Kuchi kutwa.

Nehemia 5:15

Alioze akwa kuyula a kushi shimbu kanda ngwiza, o yaalisa kuli atu. Yatambula kuli ayo mbolo ni vinyu helu lia makumi awana a shekele ja prata. Chipwe tuvumbi two alumukine akwa kuyula atu. Alioze yami chalingile chocho mumu ha woma wa Zambi.

Nehemia 6:11

Yingwamba ngwami, Te nguli mutu wa kuchina? Mutu wapwa ngwe yami machinyina mu tembele kulamwina mwono wenyi, iya jina lienyi? Chichi kunjilamo.

Jobe 31:23

Mumu nevwile woma wa lamba lia kuli Zambi, te chichi kuhasa kutala ku uhenya wa wanangana wenyi.

Miaso (Masamu) 51:4

Yena, yena wika, nakuvulumwine, nikulinga chuma chino chipi kumeso je. Hanga ukasambe muze muhanjika; ukatome muze mupatula.

Kutuhuka 20:14

Kanda ukalinga utanji.

Yishima 6:29

Chocho yoze manjila kuli pwo lia mukwo. Mweswawo makwata pwo lia mukwo kechi kusamba.

Yishima 6:32

Alioze yoze malinga utanji ni pwo keshi mbunge. Yoze machilinga monwona mwono wenyi mwene.

Longeshi 7:26

kumanyi hinawana chuma chasasa kuhiana ufwe. Ngwami, pwo yoze mbunge yenyi yapwa miheto ni manda, moko jenyi apwa ngwe kúli. Mutu yoze Zambi kanamumono kuwaha matusuka kuli iye alioze chivulumunyi makwachika.

Jeremia 28:16

Kashika Yehova kanambe ngwenyi, Mungukuchiza hano hashi. Mwaka uno wene kumuofwa mumu hiwamba yuma ya kukatukila Yehova.

Jeremia 50:7

Waze eswe haawana haalia, ni akwa kole jo hanambe ngwo, Etu kutushi mutonga, mumu hanavulumuna Yehova, kuma kwo kwamwenemwene kwa kutwama, mwe Yehova kutalatala wa tulamba two.

Alevi 20:10

Nyi umwe lunga malinga utanji ni pwo lia mukwo, eswe ni aali, lunga ni pwo, akaashihe.

Alevi 6:2

Nyi umwe mavulumuna akapwe ni mutonga kuli Yehova, hanji ha kwonga mukwo ha kutwala ku chifungo, hanji kapopo, hanji kuhupa, hanji hapinjisa mukwo;

Kwalula 32:23

Alioze nyi kunuchi kalinga chocho, kumanyi, nwavulumuna Yehova, nunyingike chamwenemwene, ngwami, shili yenu muyikanukumika.

Luka 12:48

Alioze yoze kanyingikineko, walingile yuma ya kutela lamba, kumamulamba ni mijiji yikepe. Ni mweswawo mamwaha yinji, kuli iye kumafwetesa yinji: ni kuli yoze makunjika yinji, kuli iye maketa yinji yahiana.

1 Korintu 4:2

Mba hali tuselo chatamba kwawana amwenemwene.

Titu 2:10

hi nikwiya ko, aiioze nikusolola kushishika cheswe chipema; hanga akawahise longeso lia Zambi Chilamwina chetu ha yuma yeswe.

Hebreu 13:4

Umbachiso akaulemese kuli eswe, ni muhela kanda akausela ku luchisa: mumu mapangala ni yitanji Zambi kumakaapatwila.

1 Yoano 3:9

Mweswawo masemewa kuli Zambi keshi kuvulumiona, mumu chisemewa chenyi kuchakutwama muli iye: iye kahashile kuvulumiona, mumu hanasemewa kuli Zambi.

Usolwelo 21:8

Alioze hali akwa mwongo, ni waze keshi kufuliela, ni akwa kuzelwokesa, ni yingalwe, ni yitanji, ni akwa kupanda, ni akwa kukombelela mahamba, ni akwa mahuza eswe, chihanda cho kumuchikapwa mu Chitende chize cha kuyila ni kahia ni fundanga, chenacho che kufwa chamuchiali.

Usolwelo 22:15

Haze atwama tuwa ni akwa kupanda, ni yitanji, ni yingalwe, ni akwa kukombelela mahamba, ni mweswawo wakufwila, wakutomba mahuza.