Ubutukilo 39:3 - MUKANDA USANDU WA ZAMBI 1975

³ Kakó yamona ngwenyi, Yehova kwali hamwe ni yono. Cheswacho analingi Yehova kakuchiwahisa mu kwoko lienyi.

Mukanda Wa Zambi 1970

³ Mwata wenyi yamona ngwenyi, Mwene Zambi kali hamwe ni Josefe ni kukukwasa Josefe ku yeswe yize te akulinga.

Ubutukilo 39:3 Iomraidhean Croise

Ubutukilo 21:20

Zambi wapwile hamwe ni mwana, mba watatukile. Watwamine mu puya, wapwile ngashi.

Ubutukilo 21:22

Ha mwaka uze Apimeleke ni kapitau ka tujita twenyi Fwikole yahanjika ni Apalahama ngwo, Zambi hwali hamwe ni yena mu yuma yeswe wakulinga.

Ubutukilo 21:23

Kashika ulishinge hano ni Zambi kuli yami ngwe, kuchi kulinga ni kwonga kuli yami, chipwe kuli mwanami, chipwe kuli mujikulu wami. Alioze ukalinge nikulita ni utu uze yami nalingile kuli yena, chocho mulinga kuli yami ni ku chifuchi chino watwamamo njize.

Ubutukilo 26:24

Mba Yehova yasoloka kuli iye ufuku uze wene nikwamba ngwenyi, Yami nguli Zambi ya tatenu Apalahama. Kanda wivwa woma mumu nguli hamwe ni yena. Mungukakuwahisa, mungukokesa akwa munyachi we ha mukunda wa kavumbi kami Apalahama.

Ubutukilo 26:28

O yamba ngwo, Hitwamona pundu ngwetu, Yehova kwali hamuwika ni yena. Kashika twamba ngwetu, Tukalikunde ni shingo hakachi ka yetu ni yena, tukakolese usendo,

Ubutukilo 30:27

Lapane yamba ngwenyi, Nyi hinawana vumbi ku meso je, twama. Mumu hinamona ngwami, Yehova kakunguwahisa ha mukunda wa yena.

Ubutukilo 30:30

Mumu muze nejile te chikepe uli nacho. Haliapwila hichatoha, hichalumbama. Kweswako natalikisa Yehova hakuwahisa. Mba mwaka uka munguzuka yuma ya kuwahisa akwa zuwo liami lume?

Ubutukilo 39:2

Yehova wapwile hamwe ni José, iye wapwile ni somo watwamine mu zuwo lia kakó mwe Ka-Engitu.

Ubutukilo 39:21

Alioze Yehova Watwamine hamwe nenyi. Wamuwahishile nikumwaha vumbi kuli mwe kalayi ka zuwo lia ususu.

Ubutukilo 39:23

Mwe kalayi ka zuwo lia ususu katalile ku yuma yapwile mu kwoko lia José mumu Yehova wapwile nenyi. Cheswacho alingile, Yehova wachiwahishile.

1 MIANANGANA 18:7

Kashika Yehova wapwile hamwe nenyi. Kweswako atalikishile wayile kulutwe. Aye wakatukilile mwanangana wa Asuria; kamulingilile.

1 Sango Ja Mianangana 22:13

Chocho mukawaha nyi mutala kanawa kulinga yiyulo ni upatwilo yize Yehova wambilile Mose ha kutwala kuli A-Izalele. Takama; pwako ni hamu linji; kanda wivwa woma chipwe kulishimwoka.

1 Sango Ja Mianangana 9:20

Finehase mwana Eleazare Waayulile kushi; Yehova wapwile hamwe nenyi.

2 Sango Ja Mianangana 1:1

Solomone, mwana David, amutakamishine mu wanangana wenyi, ni Yehova Zambi yenyi wapwile hamwe nenyi nikumutohesa kuhiana.

2 Sango Ja Mianangana 26:5

Yalisela kufupa Zambi ha matangwa a Zekaria mukwa chinyingi ha usolwelo wa Zambi. Mba shimbu iye wafupile Yehova, Zambi wamuwahishile.

Nehemia 2:20

Mba naakumbulwile ngwami, Zambi ya mwilu iye kumatuwahisa, kashika yetu tuvumbi twenyi mutukatuka tutunge, alioze yenu kunushi chihanda, chipwe chiyulo, chipwe chinyingi mu Yerusaleme.

Miaso (Masamu) 1:3

Iye kumapwa ngwe mutondo wa kutumba ku tupila twa meya, uze wakwima mihuko yawo ha tungonde twayo. Lifwo liawo kulishi kuma. Cheswacho malinga muchiwaha.

Zakaria 8:23

Yehova-wa-Tujita kanambe ngwenyi, Ha matangwa aze kumi lia malunga a ku mavungu ja malimi eswe makakwata ku hina lia mutu umuwika Ka-Yunda nikwamba ngwo, Tutayize kuya ni yena mumu hitwevwa lufuma ngwo, Zambi hwali hamwe ni yenu.

Mateu 5:16

Chizechene pangu lienu likatemuke kumeso ja atu, hanga akamone yitanga yenu yipema, akachichimieke Tatenu yoze uli mu malilu.

1 Korintu 16:2

Ha tangwa litangu lia semana, eswe a kuli yenu akatumbikile chihanda, nikulita ngwe hanawahisa, hanga kukuchi kapwa kukunga cha mbongo muze mungwiza.

Shimbi 2:7

Mumu te Yehova Zambi yenu hananuwahisa ni milimo yeswe ya moko jenu, iye kananyingika kwendangana chenu mu puya yino yinene. Makumi aze awana a miaka Yehova wapwile hamwe ni yenu, kunwahonene nichimwe.

Yoshua 1:9

Te chakutumine nyi? Takama; hamuka; kanda wivwa woma hanji mwongo, mumu Yehova Zambi ye hwali hamwe ni yena kweswako muoya.

Usolwelo 3:9

Mungukahana waze a ku sunangonga ya Satana, waze akwamba ngwo, Yetu tuli A-Yunda, ni hi A-Yunda ko, aiioze kanahanjika mahuza; mungulinga hanga akeze, akawayile kulutwe lia yiliato ye, makanyingika hingunakuzange.

1 Samuel 18:14

David walingile ni mana mu majila jenyi eswe, mba Yehova wapwile hamwe nenyi.

1 Samuel 18:28

Mba Saulu yamona, yanyingika ngwenyi, Yehova kwali hamwe ni David. Chikwo nawa Mikale mwana Saulu wazangile David.

1 Samuel 3:19

Samuel yatatuka, mba Yehova wapwile hamwe nenyi. Katayijile maliji jenyi kuholoka hashi, niamwe.