Ubutukilo 39:17 - MUKANDA USANDU WA ZAMBI 1975

¹⁷ Yalumbununa chizechene maliji ano eswe ngwenyi, Yoze ngamba wa Ka-Hepreu watunehenene, yanjila kuli yami angulelese.

Mukanda Wa Zambi 1970

¹⁷ Mba yamwambulwila je sango ngwenyi: “Ndungo yono Kahebreu wanehene kuno, hanjila muchima lia zuwo liami, yangukwata.

Ubutukilo 39:17 Iomraidhean Croise

Ubutukilo 39:14

iye yasanyika malunga a mu zuwo lienyi, yahanjika no ngwenyi, Tala, hananeha yono Ka-Hepreu atuyunge. Kanjilanga akapombe ni yami, kashika ami nateta ni liji linene.

Ubutukilo 39:16

Chocho pwo wafungile chikuto chenyi ndo ku kwiza cha mwata wenyi.

Ubutukilo 39:18

Mba muze natetele ni liji linene iye yahichika chikuto chenyi kuli yami, yachina.

1 Yitanga Ya Mianangana 18:17

Ha kumumona Ahabe yamba kuli Eliya ngwenyi, Ena mukwa kupinjisa A-Izalele, kuma yena mwene nyi?

Miaso (Masamu) 37:14

Yingulungulu hatomona katana, hanana uta wo, akalimbule chiswale ni mukwa kuhona, akashihe akwa kululama mu jila.

Miaso (Masamu) 55:3

Mumu ha liji lia mukwa kole. Mumu ha kupinjisa cha yingulungidu. Mumu kakumbilambila uhenge hali yami. Kakunguhungumiona ni utenu.

Kutuhuka 20:16

Kanda ukatayila mahuza mwenyembo we.

Kutuhuka 23:1

Kanda ukambulula saki. Kanda ukalifutula ni yingulungulu kupwa chela cha uhenge.

Yishima 12:19

Kanwa lia kuhanjika umwenemwene kumakalikolesa lia mutolo; alioze limi lia mahuza liapwa lia kashimbu wika.

Yishima 19:5

Chela cha mahuza kechi kasamba; mukwa kuhanjika mahuza kechi kumupulula.

Yishima 19:9

Chela cha mahuza kechi kasamba; mukwa kuhanjika mahuza manonga.

Yishima 26:28

Mukwa limi lia mahuza keshi kuzanga waze halemeka; kanwa lia kupepieka kuliakulinga kwonwona.

Mateu 26:65

Hohene sasendote mukwa lutwe wasonyene mahina jenyi, ngwenyi, Hashililika Zambi: kuchi tunafupu nawa hali yela? Talenu, haliapwila hinwevwa kushililika chenyi.