Ubutukilo 38:9 - MUKANDA USANDU WA ZAMBI 1975

⁹ Alioze Onane kananyingika ngwenyi, Mwana kechi kupwa wa yami. Kashika muze anjilile kuli pwo lia yayo yayimwanga hashi kuchina masemena mwana yayo.

Mukanda Wa Zambi 1970

⁹ Alioze mwe Onane yanyingika ngwenyi, ana waze keechi kabwa ana jenyi. Kashika te lieswe tangwa akulimona ni pwo yoze, mbuto yayimwanga hashi, ngwenyi: “Nyi ka, mungusangula vungu lia yaya.”

Ubutukilo 38:9 Iomraidhean Croise

Ubutukilo 38:10

Chuma chino alingile chapwile chipi kumeso ja Yehova mba yamushiha iye nawa.

Jobe 5:2

Kulifwita muchishiha chihepuke. Nyi malichafukila mu uchelo wenyi achi hikufwa.

Yishima 27:4

Ufwatulo uswi ukwete; utenu kuwakuhungumuna, alioze iya mahasa kulikoleza ni ukwa?

Shimbi 25:5

Kachi asongo-ni-mutu matwama hamwe, umuwika mafwa, keshi mwana wa lunga, pwo lia mufu kanda ahichika usoko mukuya ulo kuli chilambala. Nyalienyi anjile kuli iye, amumbate kupwa mukwo-pwo, alinge kuli iye milimo ya nyalienyi.

Shimbi 25:6

Kapula-jimo yoze masema ahinge jina lia yayo wafwile, kuchina jina lienyi mulikajimuka mu Izalele.

Titu 3:3

Mumu yetwene nawa ha miaka ya kunyima twapwile yihepuke, yihulia, nikupianguka, nikulingila usolo weka ni weka ni kuwaha cheka ni cheka, nikwenda mu uhuka ni lufwachinda, akwa kole, nikulivwila kole umwe ni mukwo.

Tiangu (Jake) 3:14

Alioze kachi nuli ni ukwa usasu ni kulimanangana mu mbunge jenu, kanda nulisamba, kanda nuhanjika mahuza a kulimika ni umwenemwene.

Tiangu (Jake) 3:16

Mumu kuze kuuli ukwa ni kulimanangana, kuze kwene kuli vunda ni yilinga yeswe yipi.

Tiangu (Jake) 4:5

Shina nunashinginyeka ngwe Chisoneko chinahanjika chamokomoko, nyi? Ngwo, Spiritu, yoze wakutwama muli yetu kakwivwa usona ndo ku ukwa, nyi?

Rute 1:11

Alioze Noemi yamba ngwenyi, Hilukenu anami. Kuchi te munuya ni yami? Te ana akwo a malunga nguli no mu jimo mahasa kupwa malunga jenu?

Rute 4:10

Chikwo nawa ngunakula Rute Ka-Moape twamishi wa Malone akapwe pwo liami, mukulindulula jina lia mwe mufu mu chihinga chenyi, kuchina jina lia mwe mufu mulikajimuka hakachi ka ana-akwo ni ayayo mu chikolo cha chijima chenyi. Enu nuli yela musono.