Ubutukilo 38:24 - MUKANDA USANDU WA ZAMBI 1975

²⁴ Mba kulutwe lia tukweji atatu, yambulwila Yunda ngwo, Tembwa-mwané Tama halipwisa chikoi, chikwo nawa, hapwa ni ufumba wa ku ukoi wenyi. Yunda ngwenyi, Mutuhwisenu, numwoche.

Mukanda Wa Zambi 1970

²⁴ Yikubalika tukweji atatu, mba umwe mutu yalweza Yuda ngwenyi: “Tembwa mwane Tamare, ufumba ali nawo.” Yuda ngwenyi: “Yenu nukamuchize mu chihunda, nukamutuhwise haze. Nukamwoche ha kahia, akafwe.”

Ubutukilo 38:24 Iomraidhean Croise

Ubutukilo 20:3

Alioze Zambi yeza kuli Apimeleke mu chilota ha ufuku ngwenyi, Tala, uli mufu lume mumu hali pwo yoze watambulanga, mumu iye pwo lia mbala.

Ubutukilo 20:7

Haliapwila kashika hilwisa pwo lia yono lunga, mumu iye profeta, kumakakulembela ukatwame ni mwono. Nyi kwamuhilwishile, nyingika pundu kumuofwa, ni yena ni atu je eswe.

Ubutukilo 20:9

Mba yasanyika Apalahama yamwamba ngwenyi, Yika watulingila chize? Mulonga uka nakuvulumwine kama, wangunehena mulonga upwa haha ni yami ni atu jami? Ena wangulinga yuma keshi kuyilinga.

Ubutukilo 34:31

O yamba ngwo, Te chamutamba kutenga ndumbwetu ngwe chikoi, nyi?

Ubutukilo 38:23

Yunda yamba ngwenyi, Hiayizuke nyi, kuchina matukolesa sonyi. Ami hinatuma mwe mwana-pembe, ena kwamuwanyine, kwahwa.

2 Samuel 12:5

Utenu wa David yiukasumukina yoze lunga. Yamba kuli Natane ngwenyi, Ni mwono wa Yehova, yono lunga halinga chuma chino katela kufwa.

2 Samuel 12:7

Natane yamba kuli David ngwenyi, Mwe lunga, yena. Yehova mwe Zambi ya Izalele kanambe ngwenyi, Nakuzujilile maji ukapwe mwanangana wa Izalele. Nakupulwile kuli Saulu.

Longeshi 7:26

kumanyi hinawana chuma chasasa kuhiana ufwe. Ngwami, pwo yoze mbunge yenyi yapwa miheto ni manda, moko jenyi apwa ngwe kúli. Mutu yoze Zambi kanamumono kuwaha matusuka kuli iye alioze chivulumunyi makwachika.

Jeremia 2:20

Hasuku wamakwine kanga ye nikupatula mihipu ye nikwamba ngwe, Chichi kuzeya. Ewa ha mulundu weswe usuku ni mushi lia mutondo weswe wa wisu wahetaminyine ngwe chikoi.

Jeremia 3:1

Nyi mutu malakula pwo lienyi aye makatuka kuli iye, maya ulo weka, te mamuhilukila nawa? Chifuchi chize te kuchichi kupiha chikolo nyi chocho? Mba Yehova kanambe ngwenyi, Yena hiwalinga ukoi ni akwa kukuzanga anji; mba muhiluka nawa kuli yami?

Jeremia 3:6

Yehova yamba kuli yami ha matangwa a mwanangana Josia ngwenyi, Hiwamona chize yono Izalele mukwa mafwefwe halinga? Hiwamona chize haya ku mulundu weswe usuku ni mushi lia mutondo weswe wa wisu nikulinga ukoi?

Jeremia 3:8

Aye yamona ngwe ha utanji weswe wa yono mukwa mafwefwe Izalele hinamuhuma ni mukanda wa kulakula. Hindu yayo wa mahuza Yunda kevwile woma alioze iye nawa yaya nikulinga ukoi.

Ezekiel 16:15

Alioze wajikijilile upeme we, ni kulipwisa chikoi ha mukunda wa lufuma we, ni kupwa chikoi kuli mweswawo mapalika.

Ezekiel 16:25

Ku songo ha tapalo heswe watungile zuwo lie lisuku nikulanjisa upeme we, ni kulihana kuli mweswe mapalika, ni kwokesa ukoi we.

Ezekiel 16:26

Walingile ukoi ni A-Engitu, enyembo je a usolo, nikwokesa ukoi we nikungwihia.

Ezekiel 16:28

Walingile ukoi ni A-Asuria mumu kusolo kuyuka; ewa, walingile no ukoi hindu kuchakuhwile.

Ezekiel 16:41

Makocha mazuwo je nikukulinga upatwilo kumeso ja mapwo anji. Mungukamanyisa ndako je ja ukoi; kuchi kafweta nawa malunga.

Ezekiel 23:19

Hindu yaweza ku ukoi wenyi nikwiwuluka matangwa ja wana-mapwo wenyi muze machilingalinga ukoi mu chifuchi cha Engitu.

Ezekiel 23:44

Mumu hanjila kuli iye ngwe malunga kakunjila kuli chikoi. Chocho anjilile kuli Ohola ni Oholiba akalinge usolo.

Ezekiel 23:5

Ohola yalinga ukoi shimbu achili niwami ni kufwila akwa zango lienyi A-Asuria,

Hosea 2:5

Mumu naye halinga ukoi, yoze waasemene halinga sonyi. Mumu iye hamba ngwenyi, Mungukaula akwa zango liami, waze akungwaha kulia chami ni meya a kunwa, kakungwaha wona wa mapanga, ni linyu, ni maji ni yuma ya kunwa.

Hosea 3:3

Yingumwamba ngwami, Mukapwa pwo liami matangwa anji; kuchi kalinga utanji, hanji kupwa wa mbala, ni yami nawa chocho mungukapwa kuli yena.

Hosea 4:15

Chipwe yenu A-Izalele munulinga ukoi, hindu A-Yunda kanda anjila mu uhie. Kanda nunjila mu Ngilingali; kanda nukanduka ku Mbete-Avene; kanda nulishinga ngwenu, Ni mwono wa Yehova.

Alevi 20:10

Nyi umwe lunga malinga utanji ni pwo lia mukwo, eswe ni aali, lunga ni pwo, akaashihe.

Alevi 21:9

Nyi mwana wa pwo wa umwe sasendote malijilula ha kulinga ukoi, hajilula tato, akamwoche ni kahia.

A-ROMA 14:22

Ufulielo uze uli nawo, pwako nawo kuli yena mwene kumeso ja Zambi. Kawaha yoze keshi kulipatwila ha chize matayiza.

Shimbi 24:16

Kanda ashiha yisemi mumu hali ana, chipwe kanda ashiha ana mumu hali yisemi. Ashihe mutu ni mutu ha mulonga wenyi mwene.

Akwa Kuyula 19:2

Alioze *konkubina yenyi wamuvulumwine ha kulinga utanji, yamuchina, yaya ku zuwo lia tato ku Mbeteleme-Yunda, yatwamako amwe tukweji awana.