Ubutukilo 38:14 - MUKANDA USANDU WA ZAMBI 1975

¹⁴ Mba iye yazula mazalo a utuliwa yalifuka ni wanda, nikulijika kanawa, yatwama mu chikolo cha Ename mu jila ya kuya ku Timna. Mumu kanamono ngwenyi, Shela hakola kulu hindu kanguhanyine kuli iye.

Mukanda Wa Zambi 1970

¹⁴ Mba Tamare yazula mahina jenyi a utuliwa, yalifuka mahina eka ku meso, mba yaya ni kutwama ku chikolo cha Enaime, chihunda chize chili mu jila ya kuya ku Timna. Yanyingika ngwenyi, Shela hakola, alioze ndoo ni haliabwila ukwe wenyi kanda atayiza kulimbata ni Shela.

Ubutukilo 38:14 Iomraidhean Croise

Ubutukilo 24:65

Yamba kuli ndungo ngwenyi, Auze lunga iya aneza mu yambu mukutupatwiza? Ndungo ngwenyi, Au mwe mwata. Pwo yanda wanda akalifuke.

Ubutukilo 38:15

Muze Yunda yamumona yanyonga ngwenyi, Iye chikoi, mumu halifuka ku meso.

Ubutukilo 38:19

Mba yakatuka, yazula wanda, yazala mazalo a utuliwa.

Ubutukilo 38:26

Yunda yayitayiza ngwenyi, Iye kanasambe, nahia yami, se chamuhanyine kuli mwanami Shela mba kalimwene nenyi nawa.

Yishima 7:10

Mba kwatakanyine nenyi umwe pwo; ha mujimba wenyi kali ni mazalo a chikoi; mu mbunge yenyi kali ni kalimbalimba.

Yishima 7:12

Mu matapalo ali; mu yitanda ali; kanajikinyina ku malindalinda eswe.

Jeremia 3:2

Hetula meso je ku milundu kuyishi mitondo utale! Halihi kapombele ni yena? Kwe ku masesa a majila hiwatwaminyina akwa kukuzanga, ngwe Ka-Arabe mu puya. Hiwapihisa chifuchi ni ukoi we upi.

Ezekiel 16:25

Ku songo ha tapalo heswe watungile zuwo lie lisuku nikulanjisa upeme we, ni kulihana kuli mweswe mapalika, ni kwokesa ukoi we.