Ubutukilo 37:9 - MUKANDA USANDU WA ZAMBI 1975

⁹ Iye yalota nawa chilota chikwo, yachilweza kuli ayayo ngwenyi, Kumanyi, hinalota nawa chilota chikwo. Ni tangwa, ni kakweji, ni kumi lia matongonoshi ni lutongonoshi umuwika yahetamina hashi kuli yami.

Mukanda Wa Zambi 1970

⁹ Josefe yalota nawa chilota chikwo. Yachawila ayayo ngwenyi: “Namonanga tangwa, ni kakweji, ni matongonoshi kumi ni kashi kaananguhetamina.”

Ubutukilo 37:9 Iomraidhean Croise

Ubutukilo 20:3

Alioze Zambi yeza kuli Apimeleke mu chilota ha ufuku ngwenyi, Tala, uli mufu lume mumu hali pwo yoze watambulanga, mumu iye pwo lia mbala.

Ubutukilo 37:10

Yachilweza kuli tato ni kuli ayayo. Alioze tato yamwambila ngwenyi, Chilota chino hiwalota kuchi chinalumbunuka? Te yami, ni noko, ni ayayenu mutukahetamina hashi kuli yena?

Ubutukilo 37:7

Namwene ngwe tunajichika yichita mu munda. Kumanyi, chichita chami chakatukile yichimana kachichi mba yichita ya yenu yiyikunguluka nikuhetamina hashi ku chichita chami.

Ubutukilo 37:8

Ayayo yamba kuli iye ngwo, Te yena mukatuyula, nyi? Te mukatuzeyesa, nyi? Mba amuvwilile kole kuhiana nawa, mumu ha yilota yenyi ni maliji jenyi.

Ubutukilo 41:25

José yamba kuli Falau ngwenyi, Kulota cha Falau chapwa chimuwika. Zambi hanasolola kuli Falau chize anambe kulinga.

Ubutukilo 41:32

Mba se hanasolola chuma chino kaali kuli Falau, chinalumbunuka che chuma hanachikolesa kuli Zambi. Chikwo nawa Zambi kumakachilinga ni shimbu liakuhi.

Ubutukilo 42:6

José hapwa mukwa kuyula chifuchi, mukwa kulanjisa kuli atu eswe a chifuchi iye, kashika ayayo yeza yafulamana hashi kuli iye.

Ubutukilo 43:26

Muze José yaheta o yaneha mulambu mu kwoko lio mu zuwo, yahetamina hashi kuli iye.

Ubutukilo 43:28

O ngwo, Ngamba yenu tata kanahinduka, kali ni mwono. Yahetamisa mitwe yo, yamuwayila.

Ubutukilo 44:14

Yunda ni akwo yeza ku zuwo lia José, yamuwana te kwali. O yafulamana hashi kumeso jenyi.

Ubutukilo 44:19

Enu mwata watuhulile yetu ngamba jenu ngwenu, Tatenu nuri nenyi? Mwanakwenu nuli nenyi nyi?

Ubutukilo 45:9

Tambukenu, yénu kuli tata nukambe kuli iye ngwenu, Mwané José kanambe ngwenyi, Zambi hangupwisa mwenya Engitu. Tweya kuli yami, kanda ulaluka.

Ubutukilo 46:29

José iye yalulika temba lienyi, yaya kupatwiza tato Izalele ku Ngoshone. Yalisolola kuli tato, yalizewilaye, yalila ha kota yenyi shimbu lume.

Ubutukilo 47:12

José wahokele tato, ni ayayo, ni akwa zuwo lia tato eswe. Yaaha kulia nikulita ni majiko jo.

Daniel 8:10

Yatatuka chikolo ndo ku mbunga ya mwilu, mba amwe a ku mbunga ya matongonoshi yaambila hashi ni kwaliata.

Kwalula 12:6

Ngwenyi, Panjikenu maliji jami. Kachi profeta hwali hakachi kenu, yami Yehova kumungulisolola kuli iye mu usolwelo, kumunguhanjika nenyi mu chilota.

Filipu 2:15

hanga nukapwe kunushi chitela, kunushi chipi, ana a Zambi, kunushi kapalia mukachi ka chisemuko cha uhenge, cha kupiya, hakachi ko nwakupanguka hano hashi ngwe temo.