Ubutukilo 37:8 - MUKANDA USANDU WA ZAMBI 1975

⁸ Ayayo yamba kuli iye ngwo, Te yena mukatuyula, nyi? Te mukatuzeyesa, nyi? Mba amuvwilile kole kuhiana nawa, mumu ha yilota yenyi ni maliji jenyi.

Mukanda Wa Zambi 1970

⁸ Ayayo ngwo: “Haa, puu! Unanyongo ngwe, muukatuyula, nyi? Hanji muukatuzeyesa, nyi?” Mba yaamunwa kuhiana ha chilota chize awile.

Ubutukilo 37:8 Iomraidhean Croise

Ubutukilo 27:41

Esau wavwilile kole Yakomba mumu ha uwape uze tato hamuwahisa nawo. Yamba mu mbunge ngwenyi, Matangwa a kulila tata hakamwihi ali, mba mungushiha mwanakwetu Yakomba.

Ubutukilo 37:4

Muze ayayo hamona chize tato kanamuzange kuhiana ayayo eswe, amuvwilile kole. Kahashile kuhanjika nenyi ni sambukila.

Ubutukilo 37:9

Iye yalota nawa chilota chikwo, yachilweza kuli ayayo ngwenyi, Kumanyi, hinalota nawa chilota chikwo. Ni tangwa, ni kakweji, ni kumi lia matongonoshi ni lutongonoshi umuwika yahetamina hashi kuli yami.

Ubutukilo 42:10

O yamukumbulula ngwo, Ka, mwanangana, etu ngamba jenu mukulanda kulia tuneza.

Ubutukilo 44:18

Aho Yunda yakundama kuli iye, yamba ngwenyi, Mwata wami, ngutayize kama kuhanjika liji limuwika mu matwi ja yenu mwata, yami nguli ngamba yenu. Utenu wenu kanda usasaminya hali yami ngamba yenu, mumu yenu chimuwika wapwa ni Falau.

Ubutukilo 49:26

Kuwahisa cha tatenu hichahiana helu lia yiwape yeswe ya tulamba, Yiwape ndo ku njiza yasula ya milundu ya mutolo. Kumuyikapwa ha mutwe wa José. He ha mbanda-mutwe wa yoze amuhandunwine kuli akwo.

Ubutukilo 50:18

O yaya nawa yafulamana kumeso jenyi ngwo, Talenu, tuli ngamba jenu.

Miaso (Masamu) 118:22

Liwe lize alitunyine tungi, hilinapu lia helu lia mbango.

Kutuhuka 2:14

Iye yamba ngwenyi, Iya wakupwisa mukwa kutuyula hanji mukwa kutupatwila milonga? Unambe kungushiha ngwe unakashiha Ka-Engitu nyi? Mose yevwa woma, ngwenyi, Chamwenemwene chuma chino hichasangiwa.

Luka 19:14

Alioze enya chifuchi chenyi amuvwilile kole, atumine tunganda kunyima yenyi, ngwo, Kutusolo yono kutuyula.

Luka 20:17

Alioze watalile meso kuli ayo, ngwenyi, Chino chinasonewa chika? Ngwo, Liwe lize alitunyine tungi, lienalio kuliapwa liwe lia helu lia mbango.

Yilinga 7:35

Yono Mose, alitunyineye, ngwo, Iya wakupwishile mukwa kuyula, sopi? Zambi wamutumine ngwe mukwa kuyula ni mukwa kukula ni kwoko lia mungelo yoze wasolokele kuli iye mu chiputa.

Shimbi 33:16

ni yawana yahiana ya mu mavu ni kulumbama cho, ni uwape wa yoze Watwamine mu mungonga. Yino yeswe yikatwame ha mutwe wa José, ha mbanda-mutwe wa yoze amuhandunwine hakachi ka ayayo.

Hebreu 10:29

Kuchi nunanyongo? Yoze hanaliate mwe Mwana Zambi, hanajilula manyinga a usendo aze amuselele no ku usandu, hanasaula mwe Spiritu ya vumbi, lamba lika Mamutela?

1 Samuel 10:27

Alioze amwe atu amokomoko yamba ngwo, Yono kuchi mahasa kutulamwina? Yamulelesa, kamunehenene mulambu, alioze iye kachisele mbunge.

1 Samuel 17:28

Yayo wa mukulwana Eliape wevwile muze ahanjikile ni malunga. Eliape yatenuka ni David ngwenyi, Yika unakaula ku kuno? Neya wahichika tumapanga tuze mu puya? Ngunanyingika kulengumuka che ni kuhuka cha mbunge ye. Hiweza ukamone ye jita lume.

1 Samuel 18:8

Saulu yatenuka; chambo chino chamupihila. Yamba ngwenyi, Hahana kuli David makumi a tununu alioze kuli yami hahana tununu wika. Chika chamusala shina wanangana wika?