Ubutukilo 37:25 - MUKANDA USANDU WA ZAMBI 1975

²⁵ Yatwama nikulia mba ha kuhetula meso jo yamona chendo cha A-Ishemali anakatuka ku Ngiliate ni tumelu two. Kanambata mbuto yipema, ni yitumbo, ni mira. Kanatalikisa ku Engitu.

Mukanda Wa Zambi 1970

²⁵ Mba ayayo yaatwama hashi ni kulia. Susumuku yaamona mukana wa atu, Aishmaele, kaaneza. Te kaanakatuka ku chifuchi cha Gileade, ni kuya ku chifuchi cha Egiptu. Ha tumelu two kaanambata yuma yeka ni yeka ngwe ndundu, ni maji a vumba libema, ni ndungu.

Ubutukilo 37:25 Iomraidhean Croise

Ubutukilo 31:21

Chocho yachina ni upite wenyi weswe. Yakatuka, yazauka mwe Lwiji, yatalikisa meso jenyi ku milundu ya Ngiliate.

Ubutukilo 31:23

Mba iye yatwala usoko wenyi hamuwika, yamukaula matangwa shimbiali, yamuwana mu milundu ya Ngiliate.

Ubutukilo 37:24

Yamwanda, yamumbila mu wina, te wina wamokomoko, kumushi meya.

Ubutukilo 37:28

Kwapalikile amwe akwa yitanda A-Mindiane, yasosa José nikumuchiza mu wina, yamulanjisa kuli A-Ishemali ha ndando ya makumi aali a mbongo ja prata. O yatwala José ku Engitu.

Ubutukilo 37:36

A-Mindiane yamulanjisa mu Engitu kuli Potifwa, umwe kaliamanga ka Falau, kapitau ka tulayi.

Ubutukilo 39:1

José amunehene ku Engitu mba Potifwa umwe kaliamanga ka Falau, kapitau ka tulayi Ka-Engitu yamulanda kuli A-Ishemali aze amutwalileko.

Ubutukilo 43:11

Mba tato Izalele yamba kuli ayo ngwenyi, Nyi chocho chapwa lingenu chino; mbatenu mihuko yimwe yipema ya chifuchi mu yikwachilo yenu nuyitwale kuli mwe lunga mulambu, yimwe yitumbo ya ulilila, ni kamwe kawuchi, ni especiaria, ni mira, ni katapi, ni amendoa.

Estere 3:15

Mikeji yaya fuji nikulita ni liji lia mwanangana, ni shimbi yayifumanyisa mu mbala ya Shushane. Mwanangana ni Hamane yatwama mukunwa alioze chihunda cha Shushane yichilifwita nacho.

Miaso (Masamu) 14:4

Te kanyingikine, wano eswe akulinga uhenge, nyi? Kakulia atu jami ngwe mbolo. Keshi kusanyika ha jina lia Yehova.

Miaso (Masamu) 83:6

Mbalaka ja Endome, ni A-Ishemali, ni Moape, ni A-Hekare.

Yishima 30:20

Chocho chapwa jila ya chikoi. Malia, makusumuna kanwa lienyi, mamba ngwenyi, Chalingile chipi.

Mwaso Ubema Wahiana 5:1

Hinanjila mu jardine yami, ndumbwami kanda ndungi yami. Hinahela mira yami ni tumbuto twami twa lupembo mupema. Hinalia chiputa chami hamwe ni wuchi wami. Hinanwa vinyu yami hamwe ni yamwa yami. Lienu akwetu, nwenu nawa. Nwenu kanawa akwa zango.

Jeremia 22:6

Mumu ha kutwala ku munyachi wa mwanangana wa Yunda, Yehova kanambe ngwenyi, Enu nwapwa kuli yami ngwe Ngiliate ngwe mbulwa mulundu wa Lebano, hindu mungunupwisa puya; chihunda kuchishi atu.

Jeremia 46:11

Yako ku Ngiliate Ukande yitumbo, yena *virgem Engitu! Wasapangana ni yitumbo yinji yeswe yamokomoko; kuwuka chakuhi kuli yena.

Jeremia 8:22

Yitumbo yakuhi mu Ngiliate? Mbuki wakuhiko? Mba kuchi te kawukile mwana wa pwo atu jami ahinduke?

Ezekiel 47:18

Sali lia ku Chivumbuko njiza muyikatuka ku Hazare-enone hakachi ka Haurana ni Ndamaseku. Muyilisesa ni Yordau hakachi ka Ngiliate ni chifuchi cha Izalele, ndo ku Kalunga-lwiji wa ku Chivumbuko ndo ku Tamare. Ye njiza ya ku Chivumbuko yenayo.

Amose 6:4

Lamba kuli waze akupomba ha mihela ya mazo a njamba nikuholola ha miu yo. Waze akulia ana-mapanga a ku mbunga ni yimbembe ya ngombe a hakachi ka tanga. Waze akwimba miaso ya uleya ku liji ha

Amose 6:6

Kakunwa vinyu mu misenge yinene; kakulikwita maji apema alioze kevwile kupiha ha kuji-ni-tomo lia José.

Yoshua 13:11

Ni Ngiliate ni chifuchi cheswe cha A-Ngeshure ni A-Makata, ni mulundu weswe wa Hermone, ni Mbashane mweswe ndo ku Saleka.