Ubutukilo 37:1 - MUKANDA USANDU WA ZAMBI 1975

¹ Yakomba watwamine mu chifuchi cha unjize wa tato, mwe mu chifuchi cha Kanana.

Mukanda Wa Zambi 1970

¹ Yakoba te katwama mu chifuchi cha Kanana, muze te atwamine tato.

Ubutukilo 37:1 Iomraidhean Croise

Ubutukilo 17:8

Chifuchi cha unjize we, chifuchi chino cheswe cha Kanana munguchihana kuli yena ni ku munyachi we kulutwe akachizuke ku miaka ya mutolo. Yami mungukapwa Zambi yo.

Ubutukilo 23:4

Nguli chilambala, nguli njize hakachi kenu, ngwehenu chihela chimwe chikapwe chifuka hanga ngukafunde afu jami kumeso jami.

Ubutukilo 28:4

Akakwehe chiwape cha Apalahama, ni ku munyachi we hamuwika hanga ukahinge chifuchi cha unjize we, chize Zambi wahanyine kuli Apalahama.

Ubutukilo 36:43

ni mwata Mandiele, ni mwata Irame. Wano e miata a Endome nikulita ni kutunga cho mu chifuchi chize azukile. Mwe Esau kalamba ka A-Endome.

Ubutukilo 36:7

Mumu upite wo woka naye, kahashile kutwama hamuwika. Chifuchi kuze atwamine njize kuchaatele mumu ha yimuna.