Ubutukilo 36:6 - MUKANDA USANDU WA ZAMBI 1975

⁶ Esau yatwala mapwo jenyi, ni anenyi a malunga, ni anenyi a mapwo, ni atu eswe a zuwo lienyi, ni ngombe, ni yimuna jenyi eswe, ni yikwata yenyi yeswe yize apichile mu chifuchi cha Kanana, yaya ku chifuchi chikwo kusuku ni mwanakwo Yakomba.

Mukanda Wa Zambi 1970

⁶ Esau yanda mapwo jenyi, ni ana jenyi a malunga ni a mapwo, ni atu eswe a mu zuwo lienyi, ni yimuna yenyi, ni yuma yeswe yize abichile mu chifuchi cha Kanana, yahichika mwanakwo Yakoba, mba yaya ku chifuchi chikwo.

Ubutukilo 36:6 Iomraidhean Croise

Ubutukilo 12:5

Apalama yatwala hamwe nenyi mukwo-pwo Serai, ni Lote mwana wa yayo ni upite weswe haupita, ni atu eswe aze haliwezela mu Harane. Chocho yakatuka akaye ku chifuchi cha Kanana, mba ku Kanana yaheta.

Ubutukilo 13:11

Kashika Lote yalitongwela chana cha Yordau. Lote yatalikisa ku Chivumbuko, chocho yalihandununa umwe kuli mukwo.

Ubutukilo 13:6

Kashika chifuchi kuchaatele akatwame hamuwika, mumu upite wo woka kashika kahashile kutwama hamuwika.

Ubutukilo 17:8

Chifuchi cha unjize we, chifuchi chino cheswe cha Kanana munguchihana kuli yena ni ku munyachi we kulutwe akachizuke ku miaka ya mutolo. Yami mungukapwa Zambi yo.

Ubutukilo 25:23

Yehova yamba kuli iye ngwenyi, Mavungu aali atwama mu jimo lie, Minyachi yiali malihandununa chize ku jimo lie. Akwa munyachi umwe makumba akwa munyachi ukwo ni tachi. Mukulwana mavumbika kanuke.

Ubutukilo 28:4

Akakwehe chiwape cha Apalahama, ni ku munyachi we hamuwika hanga ukahinge chifuchi cha unjize we, chize Zambi wahanyine kuli Apalahama.

Ubutukilo 32:3

Yakomba yatuma tunganda kulutwe kuli yayo Esau ku chifuchi cha Sere, kwe ku musenge wa Endome.

Ubutukilo 36:5

Oholipama yasema Yeushe, ni Yalame, ni Kora. E ana a Esau wano; asemukine kuli iye mu chifuchi cha Kanana.

Ezekiel 27:13

Akwa Yavwane, ni akwa Tupale, ni akwa Mesheke asepele ni yena. Yuma ye ya kutalika ayilanjile ni atu, ni yikwachilo ya unengu.

Usolwelo 18:13

ni kanela, ni mulungo, ni insensu, ni yitumbo ya vumba lipema, ni libano, ni vinyu, ni maji, ni wunga wa kufufunuka, ni tiliku, ni yimuna, ni mapanga; ni tuvwalu, ni matemba, ni mijimba, ni alma ja atu.