Ubutukilo 36:5 - MUKANDA USANDU WA ZAMBI 1975

⁵ Oholipama yasema Yeushe, ni Yalame, ni Kora. E ana a Esau wano; asemukine kuli iye mu chifuchi cha Kanana.

Mukanda Wa Zambi 1970

⁵ Ohilibama yasema Yeushe ni Yalame ni Kora. Wano eswe kaali ana malunga waze Esau asemene mu chifuchi cha Kanana.

Ubutukilo 36:5 Iomraidhean Croise

Ubutukilo 35:29

Mba Izake yasutuka, yafwa, yamutwala kuli tulamba twenyi, te mukulwana, matangwa hoka. Ana jenyi Esau ni Yakomba yamufunda.

Ubutukilo 36:14

Ana ja Oholipama pwo lia Esau mwana wa Hana mwana wa Zepeone wano—yasema kuli Esau, Yeushe, ni Yalame, ni Kora.

Ubutukilo 36:18

Mba ana a malunga a Oholipama pwo lia Esau wano; mwata Yeushe, ni mwata Yalame, ni mwata Kora. E miata asemukine kuli Oholipama pwo lia Esau, iye mwana wa Hana.

Ubutukilo 36:4

Ata yasema Elifaze. Mbazemate yasema Reuele.

Ubutukilo 36:6

Esau yatwala mapwo jenyi, ni anenyi a malunga, ni anenyi a mapwo, ni atu eswe a zuwo lienyi, ni ngombe, ni yimuna jenyi eswe, ni yikwata yenyi yeswe yize apichile mu chifuchi cha Kanana, yaya ku chifuchi chikwo kusuku ni mwanakwo Yakomba.

1 Sango Ja Mianangana 1:35

Ana ja Esau a malunga wano: Elifaze, ni Reuele, ni Yeushe, ni Yalame, ni Kora.