Ubutukilo 35:7 - MUKANDA USANDU WA ZAMBI 1975

⁷ Watungileko chilumbilo, yalukaho jina ngwenyi, Ele-mbetele, mumu kwenako Zambi walisolwele kuli iye muze wachinyine kumeso ja yayo.

Mukanda Wa Zambi 1970

⁷ Yatunga ko chilumbilo, yaluka ko jina ngwenyi, Betele, mumu kwenako alimwene ni Zambi, muze te anachinyi yayo Esau.

Ubutukilo 35:7 Iomraidhean Croise

Ubutukilo 12:7

Mba Yehova yasoloka kuli Apalama, yamba ngwenyi, Chifuchi chino munguchihana ku munyachi we. Mba kuli Yehova yoze yasoloka kuli iye yamutungilako chilumbilo.

Ubutukilo 12:8

Yatutulukako, yeza ku mulundu wa ku sali lia Chivumbuko lia Mbetele. Yajika mbalaka yenyi, Mbetele ku Chitokelo, Ehai ku Chivumbuko. Yatungilako chilumbilo Yehova, yasanyika ha jina lia Yehova.

Ubutukilo 28:10

Yakomba yakatuka ku Mbia-shipa yatalikisa ku Harane.

Ubutukilo 28:13

Chikwo nawa Yehova kanamana helu liayo, yamba ngwenyi, Yami Yehova, Zambi ya tatenu Apalahama, Zambi ya Izake, chifuchi chino unapombo mungukwahacho, ni kuli akwa munyachi we.

Ubutukilo 28:17

Yevwa woma ngwenyi, Kuma kuno, kole ni woma. Kuno kwe ku zuwo lia Zambi, hi kweka ko. Kuno kwe ku chikolo cha mwilu.

Ubutukilo 28:19

Yaluka jina kuma kuze ngwenyi, Mbetele. Alioze jina liako hatangu te Luze.

Ubutukilo 28:22

Ni liwe lino hinalimika likapwe liwe lia kumika mulipwa zuwo lia Zambi. Ya yize yeswe mungwaha munguhilwisa chihanda chimuwika cha hakachi ka yihanda kumi.

Ubutukilo 29:1

Mba Yakomba yaya mu jila yenyi, yaheta ku chifuchi cha ana ja ku Chivumbuko.

Ubutukilo 31:13

Yami mwe Zambi ya Mbetele, kuze wakwichile maji ha liwe lia kumika. Kuze walakenyene chilakenyo ni yami. Kashika katuka, uhichike chifuchi chino, uhiluke ku chifuchi che cha kusemukina.

Ubutukilo 35:1

Zambi yamba kuli Yakomba ngwenyi, Katuka, ukanduke ku Mbetele ukatwa meko. Lingako chilumbilo kuli mwe Zambi wasolokele kuli yena muze wachinyine kumeso ja yayenu Esau.

Ubutukilo 35:15

Yakomba yaluka jina kuma kuze Zambi wahanjikile nenyi ngwenyi, Mbetele.

Ubutukilo 35:3

tuyenu, tukandukenu ku Mbetele. Mungutungako chilumbilo kuli mwe Zambi wangukumbulwile ha tangwa lia lamba liami, wendele ni yami jila yize nayile.

Kutuhuka 17:15

Mose wafungile chilumbilo, yachiluka jina ngwenyi, Yehova-Nissi.

Ezekiel 48:35

Muchipwa cha kumi Ha tununu ni tununu nake a mbungu kweswe kwa kujingilika. Jina Iia chihunda chize ku tangwa lize mulipwa Yehova Mwali.

Akwa Kuyula 6:24

Henaho Ngideone yatunga chilumbilo kuli Yehova, yachiluka jina ngwenyi, Yehova-Shalome. Kuchili ndo musono ku Ofra wa A-Abieza.