Ubutukilo 35:5 - MUKANDA USANDU WA ZAMBI 1975

⁵ Chocho yaya, mba woma wunji wapwile ha membo eswe a kwajingilika. Kakawile ana ja Yakomba.

Mukanda Wa Zambi 1970

⁵ Muze Yakoba ni ana jenyi te anayi mu jila, akwa membo waze akusulangana yeevwa woma unji, kaakawile ko.

Ubutukilo 35:5 Iomraidhean Croise

Ubutukilo 34:30

Yakomba yamba kuli Simeone ni Levi ngwenyi, Lamba nwangunehena. Nwangupwisa ngwe vumba lipi hakachi ka akwa chifuchi, A-Kanana ni A-Perize. Se yami chishi ni atu anji malikungulula hamuwika akalikwate ni yami akangulambe. Kumungunonga, ni yami ni akwa zuwo liami.

Ubutukilo 35:4

Mba yahana kuli Yakomba mahamba eswe a tundaka apwile no, ni yingelengele apwile nayo mu matwi jo. Yakomba yayivumbika mushi lia mutondo wa carvalho ku Shekeme.

2 Sango Ja Mianangana 14:13

Asa ni atu aze apwile no yaahanga ndo ku Ngerare. A-Etiopia afwile anji chocho kahashile kulikwasa, mumu akuwile kumeso ja Yehova ni tujita twenyi. A-Yunda atambwile upite wunji chikolo.

2 Sango Ja Mianangana 14:14

Yapupa yihunda yeswe ya kujingilika Ngerare mumu woma wa Yehova waakwata. Yatambula upite mu yihunda yeswe mumu te yihunda ya upite wunji.

2 Sango Ja Mianangana 17:10

Woma wa Yehova wejile hali akwa mavungu eswe a mu yifuchi ya kujingilika Yunda. Kashile jita nawa ni Yehosofate.

Miaso (Masamu) 105:14

Alioze iye katayijile niumwe kwalinga chipi. Chipwe mianangana waámbilile mumu hali ayo,

Miaso (Masamu) 14:5

Henaho apwile ni mwongo wunji! Mumu Zambi kwali hamwe ni chisemuko cha ululi.

Kutuhuka 23:27

Kumungukatuma mwongo wami kulutwe lienu. Mungukapinjisa atu eswe waze munukaaheta, mba akwa kole jenu eswe makanuchina.

Kutuhuka 34:24

Mumu mungukahuma mu chifuchi mavungu kumeso je. Mungukatohesa njiza je. Niumwe mutu kechi kazanga chifuchi che wakuhi, muze mukanduka ukasoloke kumeso ja Yehova Zambi ye, mwaka ha mwaka, yisuho yitatu.

Shimbi 11:25

Kukuchi kupwa mutu niumwe makamana kumeso jenu; Yehova Zambi yenu masa woma wenu ni mwongo wenu ha chifuchi cheswe munukaliataho, ngwe iye wambile kuli yenu.

Shimbi 2:25

Tangwa lino munguputuka kukolesa mwongo wenu ni woma wenu atu eswe ali kushi lia lilu lieswe. Mevwa lufuma wa yenu, kumakachikima, ni kupinda mumu hali yenu.

Yoshua 5:1

Mianangana eswe a A-Amore waze atwama mu sali lia Yordau ku Chitokelo, ni mianangana eswe a A-Kanana waze atwama ku sesa lia kalunga-lwiji, muze evwile ngwo, Yehova womishine meya a Yordau hali A-Izalele ndo hazauka, mbunge jo jasangunukine. Kapwile nawa ni mbunge, mumu hali A-Izalele.

1 Samuel 11:7

Yanda ngombe aali. Yaatetateta tuyipinji; yayitumina ku njiza jeswe ja Izalele mu moko ja mikeji ngwenyi, Mweswe kakawile Saulu ni Samuel, chocho malinga ni ngombe jenyi. Mba mwongo wa kuli Yehova wahulumukine hali atu. Yeza ngwe mutu umuwika.

1 Samuel 14:15

Kwejile mwongo mu chilombo, ni mu chifuchi ni hakachi ka atu eswe. Chipwe maswalale ni akwa kupupa, eswe achikimine. Kwejile minyiko nawa, ni kuchikima cha kuli Zambi.