Ubutukilo 35:22 - MUKANDA USANDU WA ZAMBI 1975

²² Kwapwile shimbu Izalele Watwamine mu chifuchi chize Rupene yaya, yapomba ni Mbila *konkubina ya tato, mba Izalele yachivwa. Mba ana ja Yakomba te kumi ni aali.

Mukanda Wa Zambi 1970

²² Muze Israele te anatwama mu chifuchi chize, mwanenyi Rubene yalimona ni Bila, umwe pwo lia tato, mba tato yachinyingika. Yakoba yabwa ni ana kumi ni aali a malunga.

Ubutukilo 35:22 Iomraidhean Croise

Ubutukilo 35:18

Mba kwapwile muze mwono wenyi muusutuka (mumu wafwile) yamuluka jina ngwenyi, Mbenoni. Alioze tato yamuluka jina ngwenyi, Mbenjamine.

2 Samuel 13:21

Alioze muze mwanangana David wevwile yuma yino yeswe yatenuka chikolo.

2 Samuel 20:3

David yaheta ku zuwo lienyi mu Yerusaleme, yanda e kumi lia mapwo *akonkubina jenyi waze te ahichikile kufunga zuwo, yaasela mu zuwo limwe lia kwafunga, yaaha kulia, alioze kanjilile kuli ayo. Chocho yaajililamo ndo tangwa lia kufwa cho utwamishi.

1 Sango Ja Mianangana 5:1

Ana ja Rupene mwana mutangu wa Izalele (iye te mutangu alioze se achishile muhela wa tato ahanyine wata wenyi kuli ana ja José, mwana Izalele. Kechi kujichika miya nikulita ni wata.

Kutuhuka 2:1

Kwayile umwe lunga wa ku munyachi wa Levi, yambata pwo wa kuli A-Levi.

Alevi 18:8

Kanda ufukula pwo lia tatenu mumu wapwa uselesele, wa tatenu.

Kwalula 10:14

Hatangu mbandeira ya chilombo cha A-Yunda yiyikatuka nikulita ni yizavu yo. Kasongo ka chizavu cho iye Nasone, mwana wa Aminandambe.

Kwalula 13:4

Majina jo wano: Shamua, mwana wa Zakure, wa ku munyachi wa Rupene;

Yilinga 7:8

Iye wamuhele usendo wa ungalami: chocho Apalahama wasemene Izake, wamupwishile ngalami ha tangwa liamuchinake; Izake wasemene Yakomba, Yakomba wasemene kumi lia tulamba ni tulamba aali.

1 Korintu 5:1

Chinafumana hakachi ka eswe ngwo, Upangala uliko hakachi kenu, upangala umwe kuushiko chipwe hakachi ka akwa mavungu, mutu akapwa ni pwo lia tato.

Shimbi 27:12

Ha kuzauka Yordau, wano makamana ha mulundu wa Ngerizime mukuwahisa atu; ni Simeone, ni Levi, ni Yunda, ni Isaka, ni José, ni Mbenjamine.

Shimbi 27:20

Kashingiwa mutu yoze mapomba ni pwo lia tato, mumu te iye hafukula pwo lia tato. Atu eswe até ngwo, Amene.

Usolwelo 21:14

Ni chipanga cha limbo chapwile ni kumi lia fundamentu ni fundamentu jiali, ni kumi lia majina ni majina aali a kusonekaho, majina ja kumi lia apostolo ni apostolo aali a mwe Mwana-panga.

Akwa Kuyula 5:14

Chize ku Eframe kwakatukile muji wa kulimika ni Amaleke Nikukukaula yena Mbenjamine ni usoko we. Ku Makire kwakatukile akapitau. Ku Zapulone kwakatukile waze ambata mulumbu wa chiyulo.

1 Samuel 2:22

Eli wapwile mukulwana chikolo. Iye wevwile yuma yeswe ana jenyi alingile kuli A-Izalele eswe; chize apombele ni mapwo aze avumbikile ku chikolo cha mbalaka ya chikungulwila.