Ubutukilo 35:2 - MUKANDA USANDU WA ZAMBI 1975

² Kashika Yakomba yamba kuli akwa zuwo lienyi ni waze eswe apwile no ngwenyi, Mbilenu mahamba a tundaka nuli no hakachi kenu, lipemesenu, zalenu mazalo eka,

Mukanda Wa Zambi 1970

² Mba Yakoba yambila akwa zuwo lienyi ni waze eswe abwile hamwe nenyi ngwenyi: “Mbilenu mahamba a yilambala waze nuli no hakachi kenu, chizenu manyonga eswe abi a mu mbunge jenu, nuzale mahina aha.

Ubutukilo 35:2 Iomraidhean Croise

Ubutukilo 18:19

Mumu hingunamunyingika hanga akayule ana jenyi ni munyachi wenyi kulutwe, akafunge jila ya Yehova akalinge ni ululi ni upatwilo, hanga Yehova akalinge kuli Apalahama yuma yize hamushindakenya.

Ubutukilo 31:19

Alioze te Lapane haya kutewula mapanga jenyi, kashika Rakele yeya mahamba ja tato.

Ubutukilo 31:30

Chikwo nawa, chipwe chakutamba kuya mumu usona wunji uli nawo wa zuwo lia tatenu, alioze kuchi te unakeya mahamba jami?

Ubutukilo 31:34

Rakele iye te handa mahamba, haasweka mu seleyi ya kamelu, yatwamaho. Lapane yapolongoza mweswe mu mbalaka, kaawanyine.

Ubutukilo 34:2

Mba Shekeme mwana wa Hamore Ka-Hevwe mwanangana wa chifuchi yamumona, yamwanda, yapomba nenyi nikumukolesa sonyi.

Ubutukilo 35:22

Kwapwile shimbu Izalele Watwamine mu chifuchi chize Rupene yaya, yapomba ni Mbila *konkubina ya tato, mba Izalele yachivwa. Mba ana ja Yakomba te kumi ni aali.

2 Samuel 7:23

Mba vungu lika lia hano hashi lialita ni atu je A-Izalele? Yena Zambi wayile kwakula akapwe atu je, ukalilingile jina, ukaalingile ayo yuma yinene ya woma ni mu chifuchi che, kumeso ja atu je, waze waakulile ku Engitu ni ku mavungu ni mazambi jo, akapwe atu je.

1 MIANANGANA 17:29

Hindu akwa vungu lieswe alingile mazambi jo ene; yaasa mu mazuwo ja manangamo aze A-Samaria te halinga, akwa vungu lieswe mu yihunda kuze atwamine.

1 MIANANGANA 5:10

Elisha yatuma kanganda kuli iye ngwenyi, Yako usane mu Yordau yisuho shimbiali mba musunya we muwalumuka kuli yena, kumupema.

1 Sango Ja Mianangana 16:26

Mumu mazambi a mavungu apwa yuma yamokomoko alioze Yehova iye tangi ya malilu.

Jobe 1:5

Muze matangwa a yiteleka hapalika, Jo watumine ni kwapemesa. Te malimeneka chimene ni kulambula milambu ya kulumba nikulita ni kwalula cha ana, mumu Jo wanyongene ngwenyi, Hanji anami havulumuna, hanji hatuka Zambi mu mbunge jo. Jo walingile chocho matangwa eswe.

Miaso (Masamu) 51:2

Ngusanyise kama liakulu ku uhenge wami; ngupemese ku shili yami.

Miaso (Masamu) 51:7

Ngupemese ni hisope mba mungupema. Ngusanyise mba mungutoma kuhiana neve.

Kutuhuka 19:10

Yehova yamba kuli Mose ngwenyi, Yako kuli atu, wasele ku usandu ni musono ni hamene. Akakose mazalo jo.

Kutuhuka 19:14

Mba Mose yapalumuka ku mulundu; yaheta kuli e atu. Yasela atu ku usandu. O yakosa mazalo jo.

Kutuhuka 23:13

Nukafunge yuma yeswe hinamba kuli yenu. Kanda nukavuluka majina ja tuzambi tweka, chipwe kanda akaevwa ku makanwa jenu.

Longeshi 5:1

Funga kulu lie muze muoya ku zuwo lia Zambi; mumu kukundama ukevwe acho Shinaho; kuhana yitapo ya yihepuke achi kunyima, mumu o kanyingikine chipi chize analingi.

Izaya 1:16

Sanenu, lipemesenu, Chizenu che chipi cha yitanga yenu kumeso jami, litwaminenu kulinga chipi;

Izaya 52:11

Katukenu! Katukenu! Tuhukenumo! Kanda nukwata ku chuma cha luchisa. Yenu nwakumbata yikwachilo ya Yehova, katukenumo nulipemese.

Jeremia 13:27

Hinamona yizelwokeso yenu, ni utanji wenu, ni kulikumbukila chenu ni ukoi wenu wa usolo, ha milundu mu yambu. Lamba lie, Yerusaleme! Miaka yingahi ndo makupemesa?

Jeremia 16:20

Te mutu mahasa kulilingila mazambi? Wano hi mazambi ko!

Jeremia 5:7

Kuchi munguhasa kunukonekena? Ana jenu hanangwehuka, hanalishingi ni waze hi mazambi ko. Muze naalishile kanawa, alingile utanji, ni kakuya mu yendo ku mazuwo ja yikoi.

Ezekiel 18:31

Mbilenu Utanguko weswe uze hinwalinga kulimika ni yami, nukatambule mbunge jaha ni Spiritu jaha! Kuchi te munufwa, enu akwa munyachi wa Izalele?

Ezekiel 20:7

Yingwamba kuli ayo ngwami, Mutu mweswe ambile yuma yize ya lwaji nwakuyihulikila meso, kanda nulichisa ni mahamba ja Engitu; Zambi yenu yami Yehova.

Ezekiel 36:25

Mungukanusapwila meya apema mba munukapema ku luchisa wenu mweswe. Mungukanupemesa ku mahamba jenu eswe.

Daniel 5:4

Yanwa vinyu ni kuhalisa mazambi a oru ni prata, ni unengu, ni utale, ni mutondo, ni mawe.

Alevi 15:5

Mweswawo makwata ku muhela wenyi, akakose mazalo jenyi, akasane meya, mba mapwa wa luchisa ndo chingoloshi.

Alevi 17:16

Alioze nyi kaakosele hanji kasanyine, akambate uhenge wenyi.

Kwalula 31:24

Ha tangwa liamuchishimbiali nukose mazalo jenu, mba munukapema; kulutwe munukanjila mu chilombo.

Yilinga 19:26

Mba nunamono, nunevu ngwe hi ku Efwesu wika ko, alioze ndusu mu Eshia mweswe, chikepe chinasala, yono Paulu hanakununa nikukondolola mbunga yinene ngwenyi, Hi mazambi ko aze akutengewa ku moko ja atu.

1 Korintu 10:7

Chipwe kanda nukapwa akwa kukombelela mahamba ngwe amwe a kuli ayo apwile, nikulita ngwe chinasonewa ngwo, Atu atwamine mukulia, nikunwa; akatukile mukuheha.

2 Korintu 7:1

Kashika se yilakenyo yino tuli nayo, akwetu a zango, tulipemesenu ku luchisa mweswe wa musunya ni Spiritu, tukamanunune usandu mu woma wa Zambi.

Galashia 4:8

Alioze ha miaka yize se kunwanyingikine Zambi, nwapwile mu undungo kuli waze ku chisemewa hi mazambi ko.

Shimbi 11:28

Ngwami, Shingo, nyi kunuchi kupanjika ku maliji a shimbi a Yehova Zambi yenu, alioze nyi munuhambuluka ku jila ngunanwambeyo musono, mukukaula tuzambi tweka, kunwatunyingikine.

Shimbi 32:16

Yamwihia evwe ukwa ni tuzambi twa tundaka, yamwihia ni yitanga yo ya kuzelwokesa.

Shimbi 5:7

Kanda ukapwa ni tuzambi tweka kumeso jami.

Shimbi 6:14

Kanda nukaula tuzambi tweka, tuzambi twa mavungu ananujingilika,

Shimbi 7:25

Nukoche ni kahia tuponya two twa kusonga, kanda nwivwa chipululu cha prata ni oru jiliho, kanda nulichijilajo kuchina manutelamo kambwila, mumu hijapwa chizelwokeso kuli Yehova Zambi yenu.

Hebreu 10:22

tukundamenu ni mbunge yamwenemwene, ni kusela chinyingi liakulu cha Ufulielo: se hasapwila mbunge jetu jipema ku shimbi jipi: se hasanyisa mijimba yetu ni meya apema.

Tiangu (Jake) 4:8

Kundamenu kuli Zambi, iye kumakakundama kuli yenu. Pemesenu moko jenu, yenu yivulumunyi; tomesenu mbunge jenu, yenu akwa mbunge jiali.

Yoshua 23:7

Kanda nukalifutula ni mavungu aze asala hakachi kenu. Kanda nukavuluka majina ja mazambi jo, chipwe kulishinga ni majina jo, chipwe kwalingila, chipwe kufukama kuli ayo.

Yoshua 24:14

Kashika vwilenu woma Yehova haliapwila, numulingile ni mbunge yimuwika ni kushishika. Chizenu hakachi kenu mazambi aze tulamba twenu akombelelele sali lize lia Lwiji, ni mu Engitu, hanga nukalingile Yehova.

Yoshua 24:15

Nyi kunushi ni mbunge ya kulingila Yehova, hitongolenu musono waze munwalingila, shina mazambi aze tulamba twenu alingilile mu chifuchi cha mu sali lia Lwiji, nyi shina mazambi a A-Amore akwa chifuchi chino nwatwama. Alioze lia kutwala kuli yami ni akwa zuwo liami etu mutulingila Yehova.

Yoshua 24:2

Yoshua yamba kuli atu eswe ngwenyi, Yehova Zambi ya Izalele kanambe ngwenyi, Tulamba twenu ha shakulu atwamine mu sali lia Ufrateze, ngwami, Tera tato ya Apalahama ni ya Nehore. Alingilile mazambi akwo.

Yoshua 24:20

Nyi munwehuka Yehova nukalingile mazambi a tundaka mba makalumuka akanulinge chipi nikununongesa, muze te hanulinga chipema.

Yoshua 24:23

Iye yamba ngwenyi, Nyi chocho mbilenu mazambi a tundaka nuli no hakachi kenu, nukatalikise mbunge jenu kuli Yehova mwe Zambi ya Izalele.

Yuda 1:23

ni akwo alamwinenu nikwachangumuna ku kahia; ni akwo avwilenu keke ni woma; mazalo a luchisa wa musunya nukaavwile kupiha.

Akwa Kuyula 10:16

Chocho ambilile hakachi ko mazambi a tundaka apwile no. Alingilile Yehova mba iye wevwilile kupiha luyinda wa Izalele.

Rute 1:15

Noemi yamba ngwenyi, Tala nyalie kanahiluka kuli atu jenyi ni kuli mazambi jenyi. Hiluka yena nawa umukaule.

1 Samuel 16:5

Iye ngwenyi, Ni sambukila nguneza kulambula chitapo kuli Yehova. Liselenu ku usandu nwize ni yami ku chitapo. Iye yasela ku usandu Yese ni ana jenyi; yaasanyika ku chitapo.

1 Samuel 7:3

Samuel yamba kuli A-Izalele eswe ngwenyi, Nyi nunahilukila Yehova ni mbunge jenu jeswe katwisenu hakachi kenu mazambi eka ni Asatarote nukatalikise mbunge jenu kuli Yehova nikumulingila iye wika. Mba kumakanupulula kuli A-Filistea.