Ubutukilo 35:18 - MUKANDA USANDU WA ZAMBI 1975

¹⁸ Mba kwapwile muze mwono wenyi muusutuka (mumu wafwile) yamuluka jina ngwenyi, Mbenoni. Alioze tato yamuluka jina ngwenyi, Mbenjamine.

Mukanda Wa Zambi 1970

¹⁸ Muze Rashele te himasutuka, yaluka mwana jina ngwenyi, Benoni Alioze Yakoba yamuluka jina ngwenyi, Benjamine.

Ubutukilo 35:18 Iomraidhean Croise

Ubutukilo 30:1

Muze Rakele yamona kasemene ana kuli Yakomba yavwila ukwa yayo. Yamba kuli Yakomba ngwenyi, Ungwehe mwana, nyi ka, mungufwa.

Ubutukilo 35:17

Mba shimbu machipinda ni misongo chifunguji wambile ngwenyi, Kanda wivwa woma, mumu haliapwila mwana mukwo wa lunga muopwa nenyi.

Ubutukilo 35:19

Chocho Rakele yafwa, yamufunda mu jila ya kuya ku Efrata (likwo Mbeteleme).

Ubutukilo 35:24

Ana ja Rakele, José ni Mbenjamine.

Ubutukilo 42:38

Iye yamba ngwenyi, Mwanami kunuchi kuya nenyi, mumu yayo hanafu, iye wika wangusala. Nyi chimwe chuma chipi muchimuwana mu jila munuya, kambu jami jitoma ni chinyengo munujikoka ku Shiole.

Ubutukilo 42:4

Alioze Mbenjamine mwanakwo wa José, Yakomba kamutumine hamwe ni ayayo mumu yamba ngwenyi, Kuchina hanji chipi muchimuwana.

Ubutukilo 43:14

ni Zambi Mukwa-Ndundo-Jeswe akanwehe keke kuli mwe lunga akanwehe yayenu mukwo hamuwika ni Mbenjamine. Nyi ana jami mangutoka, mangutoka lume.

Ubutukilo 49:27

Mbenjamine kapwa ngwe kangunga yoze mapozonoka. Ha chimene malia yifwo ya kushiha. Ha chingoloshi matetateta yize hakwata.

1 Sango Ja Mianangana 4:9

Jabeze wapwile ni ulemu helu lia ayayo. Naye yamuluka jina Jabeze mumu ngwenyi, Ni chinyengo namusemene.

Miaso (Masamu) 16:10

Mumu kuchi kuhichika mwono wami mu Shiole. Mwe musandu we kuchi kumutayiza kumona kupola.

Miaso (Masamu) 80:17

Kwoko lie likapwe hali mutu wa chindume che; hali mwana mutu yoze wamutakamisa hali yena mwene.

Kutuhuka 12:7

O akachize amwe manyinga, akaasapwile ha yipamba ya yikolo ku mazuwo muze makamulila, ni ha chikuli cha helu.

Lungungu 2:12

Kanatambika kuli anaye ngwo, Mbolo ni vinyu yilihiyo? Shimbu analezumuka ha matapalo ja chihunda ngwe malunga a kwasa, shimbu mwono wo unasulila mu makondo ja anaye.

Luka 12:20

Alioze Zambi ngwenyi, Chihepuke, ufuku uno kumatambula mwono we kuli yena; ni yuma yize hiunalulika, yaya muyipwa?

Luka 23:46

Yesu, nikutambika ni liji linene, wambile ngwenyi, Tata, mu moko je ngunakunjika Spiritu yami; muze te hamba chino, watulile mwono wenyi.

Yilinga 7:59

O ashile mawe Eshetevau, iye te kanakololoka ngwenyi, Mwene Yesu, tambula kama Spiritu yami.