Ubutukilo 35:16 - MUKANDA USANDU WA ZAMBI 1975

¹⁶ O yachiza wenyi wo ku Mbetele, kwasalile kapinji nikuheta ku Efrata muze Rakele yaputuka misongo ya kusema mba yikola yinji chikolo apwile nayo.

Mukanda Wa Zambi 1970

¹⁶ Yakoba ni atu jenyi yaakatuka ku Betele. Muze haaheta hehi ni limbo lia Efrata, Rashele yevwa musongo wa kusema, yabinda kuhiana.

Ubutukilo 35:16 Iomraidhean Croise

Ubutukilo 3:16

Kuli pwo yamba ngwenyi, Mungwokesa chikolo chinyengo che ni kwaka che. Musema ana ni yikola; mbunge ye muyipwa kuli mukwenu-lunga, iye kumakakuyula.

Ubutukilo 35:19

Chocho Rakele yafwa, yamufunda mu jila ya kuya ku Efrata (likwo Mbeteleme).

Ubutukilo 48:7

Alioze ha kutwala kuli yami, muze nakatukile ku Panda, Rakele wafwile kumeso jami mu chifuchi cha Kanana, mwe mu jila te kwasala kachipinji wika kuheta ku Efrata. Namufunjile kuze kwene mu jila ya kuya ku Efrata (kwe ku Mbeteleme kwenako).

1 MIANANGANA 5:19

Aye yamukumbulula ngwenyi, Yako ni sambukila. Chocho yamuhichika hakehe,

1 Sango Ja Mianangana 2:19

Yafwa Azuba mba Kalemba yambata Efrata; yasema nenyi Hure.

Miaso (Masamu) 132:6

Twachivwile mu Efrata; twachiwanyine mu munda wa Ngale.

Mika 5:2

Alioze yena Mbeteleme Efrata, mukepe Wahiana hakachi ka minyachi ya Yunda, kuli yena kumukungutuhukila umwe yoze makapwa mukwa kuyula Izalele. Chikota chenyi cha ku miaka, kwe ku shakulu.

Mateu 2:1

Achi, muze te Yesu hanasemuka mu Mbeteleme, chihunda cha mu Yundeya ha matangwa ja mwanangana Heronde, kumanyi, akwa mana a ku Chivumbuko ejile ku Yerusaleme,

Mateu 2:16

Hohene Heronde, muze amwene ngwe akwa mana hamulelesa, wevwile chikolo ufwatulo, mba watumine, akashihe ana-malunga eswe mu Mbeteleme, ni manjiza jacho eswe, chize ku miaka yiali ni waze kanda aheta ku miaka yiali, nikulita ni tangwa lize wevwile pundu kuli akwa mana.

Mateu 2:18

Liji alivwile mu Rama, Malilo ni kunenganyana chinene, Rakele kanalilila anenyi; Katayile amulembejeke, mumu akuhi.

1 Timoteu 2:15

Alioze kumamulamwina ha kusema ana, kachi manyongonona mu Ufulielo, ni zango, ni usandu, hamwe ni mana.

Rute 1:2

Jina lia mwe lunga Elimeleke; pwo lienyi iye Noemi; ana jenyi a malunga aali Malone ni Chilione. Eswe apwile A-Efrata a ku Mbeteleme-Yunda. Ayile ku Moape, yatungako.

Rute 4:11

Aho atu eswe apwile mu chikolo hamwe ni makulwana yamba ngwo, Tuli yela. Ni yono pwo ananjila mu zuwo lie, Yehova akamupwise ngwe Rakele ni Liya waze hamuwika asangwile munyachi wa Izalele. Ukawahe mu Efrata, ukafumane mu Mbeteleme.

1 Samuel 10:2

Muze mukatuka kuli yami musono, muwana malunga aali ku fuka lia Rakele mu njiza ya Mbenjamine ku Zeleza. Mamba kuli yena ngwo, Yimbulu aze wayile nikufupa, hanaawane. Kumanyi tatenu hachiza mbunge e yimbulu haputuka kukunyongena yena, ngwenyi, Mwanami kuchi mungumulingila?

1 Samuel 4:20

Ha ola ya kufwa chenyi mapwo aze anamujingilika ambile kuli iye ngwo, Kanda wivwa woma mumu hiwasema mwana-lunga. Alioze kakumbulwile chipwe kuchisa mbunge.