Ubutukilo 34:27 - MUKANDA USANDU WA ZAMBI 1975

²⁷ Mba ana ja Yakomba ejile kuli waze haashiha, yapupa limbo mumu te halumbula ndumbwo.

Mukanda Wa Zambi 1970

²⁷ Mabwa muze ana ja Yakoba akwo yaanjila mu limbo, yaabalieka hakachi ka afu, yaabuba yuma yeswe ya ndando yinji ku tachi, mumu akwa limbo lize akolesele ndumbwo Dina sonyi.

Ubutukilo 34:27 Iomraidhean Croise

Ubutukilo 34:2

Mba Shekeme mwana wa Hamore Ka-Hevwe mwanangana wa chifuchi yamumona, yamwanda, yapomba nenyi nikumukolesa sonyi.

Ubutukilo 34:26

Yashiha Hamore ni mwanenyi Shekeme ni katana, yachiza Ndina mu zuwo lia Shekeme, yaya.

Ubutukilo 34:28

Apupile mapanga jo, ni ngombe jo, ni yimbulu jo ni upite weswe awanyine mu limbo, ni upite weswe awanyine mu yambu.

Ubutukilo 34:31

O yamba ngwo, Te chamutamba kutenga ndumbwetu ngwe chikoi, nyi?

Estere 9:10

wano kumi lia ana a malunga a Hamane mwana Hamedata mukwa kole wa A-Yunda, yaashiha. Alioze ku upite kakwachileko.

Estere 9:16

A-Yunda akwo aze apwile mu yifuchi ya mwanangana yalikungulula akalilamwine mwono. Mba yapwa ni uhwimino kuli akwa kole jo mumu ashihile makumi shimbiali a tununu ni tununu atano a waze aavwilile kole. Alioze ku upite kakwachileko.

Kutuhuka 2:14

Iye yamba ngwenyi, Iya wakupwisa mukwa kutuyula hanji mukwa kutupatwila milonga? Unambe kungushiha ngwe unakashiha Ka-Engitu nyi? Mose yevwa woma, ngwenyi, Chamwenemwene chuma chino hichasangiwa.

Ezekiel 39:10

chocho kechi kafupa kunyi ja mu yambu, chipwe kujichá mu musenge, mumu matenga kunyi ye yuma ya jita. Makapupa waze aapupile nikupunda upite wa waze apunjile niwo. Chocho kanambe Mwene Yehova.

Amose 3:11

Kashika Mwene Yehova kanambe ngwenyi, Mukwa kulimika makaseleka chifuchi nikunupuzwila yipanga yenu ni kupupa mbonge jenu.

1 Timoteu 6:10

Mumu chipululu cha mbongo chikota cha yipi yeswe: amwe nikujifupa, hanapianguka ku Ufulielo, hanalituwu ni yikola yinji.

Yoshua 7:1

Alioze A-Izalele avulumwine ha kutwala ku yuma yajila. Mumu Akane mwana wa Kame, mwana wa Zapati, mwana wa Zera wa ku munyachi wa Yunda wanjile yimwe ya yuma yajila. Kashika utenu wa Yehova walekwokele kuli A-Izalele.

Yoshua 7:13

Katuka! Selenu e atu ku usandu. Amba ngwe, Liselenu ku usandu ha tangwa lia hamene. Mumu chocho kanambe Yehova Zambi ya Izalele ngwenyi, Yuma yajila kuyili hakachi kenu A-Izalele. Kunuchi kuhasa kumana kumeso ja akwa kole jenu ndo munuchiza yino yuma yajila hakachi kenu.

Yoshua 7:21

Muze namwene hakachi ka yuma ya kupupa chikuto chimwe chipema cha ku Babilonia, ni kulakaji aali a shekele ja prata, ni chipinji cha oru cha makumi atano a shekele nayivwilile kuzo, yinguyitambula. Kuyili ya kusweka mu mavu muchima lia mbalaka yami. Prata kushi yili.