Ubutukilo 34:20 - MUKANDA USANDU WA ZAMBI 1975

²⁰ Chocho Hamore ni mwanenyi Shekeme ejile mu chikolo cha limbo lio, yahanjika ni malunga a mu limbo ngwo,

Mukanda Wa Zambi 1970

²⁰ Chenacho Hamore ni mwanenyi Shekeme ayile ku chikolo cha chipanga cha limbo lio, kuze te akulikungulwila atu. Mba yaambila akwa limbo ngwo:

Ubutukilo 34:20 Iomraidhean Croise

Ubutukilo 22:17

kuwahisa mungukakuwahisa; kwokesa mungukokesa munyachi we ukapwe ngwe matongonoshi a mwilu; ukapwe ngwe masekeseke a ha ngenge ya kalunga-lwiji. Munyachi we makazuka chajilo cha akwa kole je.

Ubutukilo 23:10

Efrone te kanatwama hakachi ka ana ja Hete, mba Efrone mwe Ka-Hete yakumbulula kuli Apalahama mu matwi ja ana ja Hete, waze eswe te anatwama mu chikolo cha limbo ngwenyi,

Ubutukilo 34:19

Chipwe mwe mukweze kakwachile pami ha kulinga chuma chino, mumu ha kuwaha chize apwile nacho kuli mwana wa pwo wa Yakomba. Iye wapwile ni ulemu helu lia akwo eswe mu munyachi wa tato.

Ubutukilo 34:21

Wano malunga kali ni sambukila kuli yetu, kashika atwame mu chifuchi akalande ni kulanjisamo mumu chifuchi chinatoho. Mutumbata ana jo a mapwo, no akambate anetu a mapwo.

2 Samuel 15:2

Absalome yalimeneka chimenemene, yamanyina mu jila ku unjililo mu chihunda. Muze umwe te kali ni chikuma chatamba kachi kuneha kuli mwanangana achipatule, mba Absalome mamusanyika ngwenyi, Ku chihunda chika unakatuka? Aye makumbulula ngwenyi, Ami kavumbi kenu nguli wa ku munyachi wa nganji wa mu Izalele.

Jobe 29:7

Muze te munguya ku chota cha chihunda; muze nasele chitwamo chami ha lwaza,

Miaso (Masamu) 127:5

Kawaha yoze uli ni chindalo chenyi cha tò. Keshi kwivwa sonyi muze mahanjika ni akwa kole jo mu chikolo.

Yishima 31:23

Lunga lienyi kakumusa chinyingi mu chota muze matwama hakachi ka makulwana a chifuchi.

Amose 5:10

Mukwa kukanjisa mu chota kakumuvwila kole; kakuvwila kupiha yoze mahanjika umwenemwene.

Amose 5:12

Mumu ngunanyingika kwalula cha milonga yenu ni kutoha cha shili yenu— enu nwakupinjisa akwa ululi, ni kutambula chindo, ni kupiangula mukwa kuhona mu chota.

Amose 5:15

Vwilenu lwaji yuma yipi; zangenu yuma yipema kolesenu upatwilo wa ululi mu chota. Hanji Yehova Zambi-ya-Tujita mavwila vumbi masalila ja José.

Zakaria 8:16

Yuma munukalinga yino; Hanjikenu umwenemwene umwe kuli mukwo ni mukwo; ku malwaza jenu lingenu upatwilo wamwenemwene uze wakukoka sambukila;

Shimbi 17:5

nuhetese mwe lunga ku yikolo, hanji mwe pwo walinga chipi chino, numwase mawe, afwe.

Rute 4:1

Mba Mboaze wayile ku chikolo cha chihunda, yatwamako. Kumanyi mwe usoko wa ha muchima yoze Mboaze hamuvuluka yapalika. Mba Mboaze yamba ngwenyi, A mukwetu tweya ku kuno Utwame. Iye yeza, yatwama.