Ubutukilo 34:14 - MUKANDA USANDU WA ZAMBI 1975

¹⁴ Ngwo, Kutwahashile kulinga chuma chino tukahane ndumbwetu kuli chilima. Acho muchipwa kutusaula.

Mukanda Wa Zambi 1970

¹⁴ Ngwo: “Ndumbwetu kahashile kuya ulo kuli chilima. Kuli yetu sonyi jinji.

Ubutukilo 34:14 Iomraidhean Croise

Ubutukilo 17:11

Kumakanupwisa ngalami mu musunya wenu, ukapwe chilayi cha usendo hakachi ka yami ni yena.

Ubutukilo 17:14

Lunga yoze wapwa chilima akamupatule kuli atu jenyi; hashiha usendo wami.

Ubutukilo 34:13

Ana ja Yakomba yakumbulula ni kalimbalimba kuli Shekeme ni tato Hamore mumu te hakolesa sonyi ndumbwo Ndina.

Ubutukilo 34:15

Kutuchi kunutayiza chuma chino ndo munwononoka ku shimbi jetu. Nyi munupwa ngwe yetu, malunga eswe akaapwise ngalami.

2 Samuel 1:20

Kanda nuchambulula mu Ngata, kanda nuchifumanyishina mu matapalo a Asekalone, kuchina mapwo A-Filistea mawahilila, kuchina mapwo ja yilima malikwiza.

2 Samuel 15:7

Kulutwe lia makumi awana a miaka Absalome yamba kuli mwanangana ngwenyi, Ngutayizenu kama nguye ku Heprone ngukafwete yilakenyo yami kuli Yehova.

1 Yitanga Ya Mianangana 21:9

Mu mikanda yasoneka ngwenyi, Selenu tangwa lia kulitwamina kulia nukase Nabote kulutwe lia atu eswe.

Mateu 2:13

Achi, muze te hakatuka, kumanyi, mungelo wa Mwene yasoloka kuli José mu chilota, ngwenyi, Katuka, utwale mwe mwana ni naye, uchinyine ku Engitu, ukapweko ndo mungukakwambulwila, mumu Heronde mafupa mwe mwana mukumwonwona.

Mateu 2:8

Waatumine ku Mbeteleme, ngwenyi, Yénu, nukahule pundu ha kutwala kuli mwe mwana; muze munumuwana, nukeze, nukangwambulwile, hanga ni yami nawa ngukaye, ngukamuwayile.

A-ROMA 4:11

iye watambwile chinyingi cha ungalami, Chijikilo cha ululi wa Ufulielo, uze wapwile nawo shimbu te achili chilima: hanga akapwe tato ya waze eswe akufuliela, chipwe yilima; hanga akalule ululi kuli ayo nawa:

Akwa Kuyula 14:3

Alioze tato ni naye amwambile ngwo, Te kukushi pwo niumwe hakachi ka ana ja usoko we, hanji hakachi ka atu jetu eswe, kashika Chakutamba kuya kufupa pwo kuli wano yilima ja A-Filistea, nyi? Hindu Samasone wambile kuli tato ngwenyi, Ngutambwileye mumu kanangupemena kanawa.

1 Samuel 14:6

Jonatas yamba kuli kambaji kenyi yoze wambachile yitwa yenyi ngwenyi, Tuye ku chilombo cha wano yilima. Hanji Yehova matukwasa mumu hi chikalu ko kuli Yehova kulamwina atu chipwe ni anji chipwe ni akehe.

1 Samuel 17:26

David yamba kuli malunga aze amujingilikile ngwenyi, Yika malinga kuli lunga yoze mashiha yono Ka-Filistea nikuchiza luchoko yono kuli A-Izalele? Mumu yono chilima cha Ka-Filistea kuchi apwa akahase kutomba chizavu cha tujita twa Zambi ya mwono.

1 Samuel 17:36

Yami kavumbi kenu nashihile ndumba ni ursu, eswe aali, mba yono chilima cha Ka-Filistea mapwa ngwe umwe hakachi ko se hatomba chizavu cha tujita twa Zambi ya mwono.