Ubutukilo 33:11 - MUKANDA USANDU WA ZAMBI 1975

¹¹ Tambula kama mulambu wami hinakunehena mumu Zambi hangulinga vumbi, se yuma yeswe nguli nayo. Yamushinjila mba yautambula.

Mukanda Wa Zambi 1970

¹¹ Nalemba, tambulenu kama yuma yino nanunehena. Mumu Zambi hananguwahisa, hanangwehe yuma yeswe yize nguli nayo.” Yakoba yashinjila Esau kuhiana mba yayilambula.

Ubutukilo 33:11 Iomraidhean Croise

Ubutukilo 30:43

Mba mwe lunga wapichile chikolo. Wapwile ni yendo yinene, ni ngamba ja mapwo ni a malunga, ni tumelu ni yimbulu.

Ubutukilo 32:21

Chocho mulambu wazaukile kulutwe. Iye mwene wapombele ufuku uze hakachi ka akwo.

Ubutukilo 33:10

Alioze Yakomba yamba ngwenyi, Hi chocho ko mwane. Nyi hinawana vumbi kumeso je tambula mulambu wami ku kwoko liami se hinamona meso je ngwe umwe mamona meso a Zambi, hiwangutambula ni vumbi.

Ubutukilo 33:12

Esau yamba ngwenyi, Tukatukenu, tuye mu jila. Ami mungutetekela.

Ubutukilo 33:9

Esau ngwenyi, Anji nguli no mwanakwetu, zukako chize uli nacho.

1 MIANANGANA 2:17

Alioze muze hamushinjika ndo hevwa sonyi yamba ngwenyi, Tumenu nyi. Kashika yatuma makumi atano a malunga; yafupa matangwa atatu, alioze kamuwanyine.

1 MIANANGANA 5:23

Naamane yamba ngwenyi, Nyi mutá, tambula *talentu jiali. Yamushinjika, yavunga talentu jiali ja prata mu njeke jiali hamwe ni uzalo uali, yayitwika hali ngamba jenyi aali akayitwale kulutwe lienyi.

Luka 14:23

Mwene wambile kuli ndungo ngwenyi, Tuhuka, uye ku majila ni ku yipanga, ukaashinjile kunjila, hanga zuwo liami Ukazale tò.

1 Korintu 3:21

Kashika niumwe kanda alisamba muli atu, mumu yuma yeswe niyenu;

2 Korintu 6:10

Ngwe akwa yinyengo, hindu nikuwahilila matangwa eswe; ngwe yiswale, hindu nikupwisa anji pichi; ngwe kutushi chuma nichimwe, hindu twapita yuma yeswe.

Filipu 4:18

Alioze yuma yeswe nguli nayo; nguli nayo ya kulumbama: ngunazala tò, se natambwile kuli Epafwonditu yuma yize nwatumine, lupembo mupema, chitapo cha kupemena chikolo kuli Zambi.

1 Timoteu 4:8

Mumu kulifumba cha mujimba chinawaha hakepe; alioze uwayilo unawaha ha yuma yeswe, se uli ni chilakenyo cha mwono uze wa haliapwila ni cha uze muwizaho.

Yoshua 15:19

Iye yamba ngwenyi, Nungwehe chawana. Se hinwangusa mu chifuchi cha Negeve, nungwehe nawa mashima a meya. Kalemba yamwaha mashima a ku funda ni mashima a ku mwanda.

Akwa Kuyula 1:15

Iye yamba ngwenyi, Nungwehe chawana. Se hinwangusa mu chifuchi cha Negeve, nungwehe nawa mashima a meya. Kalemba yamwaha mashima a ku tunda ni mashima a ku mwanda.

1 Samuel 25:27

Mulambu uno yami kavumbi kenu hinaneha kuli yenu mwene wami akauhane kuli akweze wano akunukaula mwene wami.

1 Samuel 30:26

Ha kuheta ku Zikalage David yatuma chihanda cha upite kuli masepa jenyi makulwana ja Yunda ngwenyi, Tambulenu chawana chenu cha ku upite wa akwa kole ja Yehova.