Ubutukilo 32:9 - MUKANDA USANDU WA ZAMBI 1975

⁹ Mba Yakomba yalemba ngwenyi, Zambi ya kaka Apalahama; Zambi ya tata Izake; Mwene, yena wambile kuli yami ngwe, Hiluka ku chifuchi che, kuli usoko we, mba mungukakuwahisa.

Mukanda Wa Zambi 1970

⁹ Hohene yalemba ngwenyi: “Zambi ya kaka Abrahama ni tata Isake, ngwivwe kama. Yena Mwene wami wangwambile nguhiluke ku chifuchi chami, ni kuli usoko wami, mba muukanguwahisa.

Ubutukilo 32:9 Iomraidhean Croise

Ubutukilo 17:7

Kumungukakolesa usendo wami hakachi ka yami ni yena ni munyachi we kulutwe lia yena ku yisemuko yo ukapwe usendo wa mutolo, ngukapwe Zambi kuli yena ni kuli akwa munyachi we kulutwe lia yena.

Ubutukilo 28:13

Chikwo nawa Yehova kanamana helu liayo, yamba ngwenyi, Yami Yehova, Zambi ya tatenu Apalahama, Zambi ya Izake, chifuchi chino unapombo mungukwahacho, ni kuli akwa munyachi we.

Ubutukilo 28:15

Tala, yami nguli hamwe ni yena, mungukakufunga kweswako muoya, mungukakuneha nawa ku chifuchi chino, mumu chichi kakuhichika ndo hinalinga chize nakulwezanga.

Ubutukilo 31:13

Yami mwe Zambi ya Mbetele, kuze wakwichile maji ha liwe lia kumika. Kuze walakenyene chilakenyo ni yami. Kashika katuka, uhichike chifuchi chino, uhiluke ku chifuchi che cha kusemukina.

Ubutukilo 31:29

Chatwama mu tachi ja moko jami kukulinga chipi, alioze Zambi ya tatenu kahanjikanga ni yami ufuku wa musono ngwenyi, Ukanyama, kanda uhanjika kuli Yakomba hanji chipema hanji chipi.

Ubutukilo 31:3

Yehova yamba kuli Yakomba ngwenyi, Hiluka ku chifuchi cha atatenu ni usoko wenu, mba mungupwa hamwe ni yena.

Ubutukilo 31:42

Nyi kachi Zambi ya tata, Zambi ya Apalahama, woma wa Izake, kachi kapwile ni yami, pundu kachi wanguhumine mokomoko. Zambi hanamono lamba liami ni kuhondangana cha moko jami mba kakuhisanga musono.

Ubutukilo 31:53

Zambi ya Apalahama, Zambi ya Nehore, Zambi ya tato akapatwile hakachi ketu. Mba Yakomba yalishinga ni woma wa tato Izake.

Ubutukilo 32:8

Yamba ngwenyi, Nyi Esau matakana ni chendo chimuwika, machipupa mba chendo chikwo chasala muchililamwina.

Ubutukilo 49:25

Kwe kuli Zambi ya tatenu yoze makakukwasa. Kuli mwe Mukwa-Ndundo-Jeswe yoze makakuwahisa ni yiwape ya mwilu, ni yiwape ya kalunga-lwiji watwama kushi. Ni yiwape ya mele, ni yiwape ya jimo.

2 Sango Ja Mianangana 20:12

Zambi yetu! Kuchi kwapatwila? Mumu yetu kutushi ndundo ja kulitachika ni mbunga yino yinene yineza kulimika ni yetu. Kutwanyingikine chize mutulinga, alioze meso jetu anatale kuli yena.

2 Sango Ja Mianangana 20:6

ngwenyi, Yehova Zambi ya tulamba twetu, yena uli Zambi mwilu, uli mukwa kuyula mawanangana eswe a mavungu. Tachi ni ndundo jili mu kwoko lie, kashika niumwe mahasa kulimika ni yena.

2 Sango Ja Mianangana 32:20

Mba mwanangana Hezekia ni profeta Izaia mwana Amoze yalemba ni kuteta kwilu mumu ha chuma chino.

Miaso (Masamu) 50:15

Tambikenu kuli yami ha tangwa lia lamba. Mungukupulula, mba mukanguchichimieka.

Miaso (Masamu) 91:15

Kumakangusanyika mba mungumukumbulula. Mungupwa hamwe nenyi mu lamba; mungumupulula; mungumukolesa.

Kutuhuka 3:6

Chikwo nawa ngwenyi, Yami Zambi ya tatenu—Zambi ya Apalahama, Zambi ya Izake, Zambi ya Yakomba. Mose walifukile ku meso jenyi mumu te woma anevu mukutala hali Zambi.

Jeremia 32:16

Muze hinahana we mukanda wa kulanda kuli Baruke mwana Neria yingulemba kuli Yehova ngwami,

1 Samuel 30:6

David walifwichile chikolo mu mbunge mumu e atu ambile kumwasa mawe, se atu eswe evwile kupiha mu mbunge mumu hali ana jo a malunga ni a mapwo. Alioze David walitakamishine muli Yehova Zambi yenyi.