Ubutukilo 32:4 - MUKANDA USANDU WA ZAMBI 1975

⁴ Yaaha shimbi ngwenyi, Munwamba kuli mwata Esau ngwenu, Liji lia kavumbi kenu Yakomba ngwenyi, Nayile kuli Lapane; natwamako ndo haliapwila.

Mukanda Wa Zambi 1970

⁴ Yakoba yamba ngwenyi: “Lwezenu Esau maliji wano: ‘Yami ndungo ye Yakoba, nayile ni kutwama matangwa anji maha Labane, nashimbula ko ndoo ni musono.

Ubutukilo 32:4 Iomraidhean Croise

Ubutukilo 23:6

Panjikenu mwanangana. Nuli swana wa Zambi hakachi ketu. Kweswako munutongola hakachi ka mafuka jetu, fundenu afu jenu. Niumwe hakachi ketu manumina fuka lienyi hanga nukafunde afu jenu.

Ubutukilo 25:30

Esau yamba kuli Yakomba ngwenyi, Ngunaliumbu, ngulie makunde je achila mumu hijanguhwa. Kashika amulukile jina ngwo, Endome.

Ubutukilo 27:29

Minyachi akakuvumbike. Mavungu akafulamane kuli yena. Ukapwe mwene helu lia usoko we. Ana ja noko akafulamane kuli yena. Mweswe makushinga neye akashingiwe, Mweswe makuwahisa neye akawahe.

Ubutukilo 27:37

Izake yamba kuli Esau ngwenyi, Hinamupwisa mwene we, usoko wenyi eswe akapwe ngamba jenyi. Namukolesa ni chivwale ni vinyu. Kashika kuchi mungukulinga yena mwanami?

Ubutukilo 31:41

Makumi aali a miaka natwama mu zuwo lie. Nakulingilile milimo kumi lia miaka ni miaka yiwana hali ana je a mapwo aali. Nawezele miaka yisambano hali yimuna je, alioze walumionene fweto yami kumi lia yisuho.

Ubutukilo 32:18

Mba muwamba ngwe, Wano eswe a kavumbi kenu Yakomba, te mulambu anatumu kuli yena Esau mwene wami. Iye kanatukaula kunyima.

Ubutukilo 32:5

Hinazuka ngombe, ni yimbulu, ni yimuna, ni ndungo ja malunga ni ndungo ja mapwo. Ngunatumu kuhanjika ni yena mwata wami Ukangulinge vumbi.

Ubutukilo 33:14

Ena mwene wami, uchipalike kulutwe lia yami kavumbi ke, mba yami mungwenda hakehe nikulita ni kwenda cha yimuna wano kulutwe liami, nikulita nawa ni kwenda cha ana, ndo mungukuwana yena mwene wami mu Sere.

Ubutukilo 33:8

Esau yamba ngwenyi, Chendo cheswe natakana nacho kuchi chinalumbunuka? Iye yamba ngwenyi, Hanga ngukawane vumbi kumeso ja yena mwene wami.

Ubutukilo 36:8

Esau Watwamine ku mulundu wa Sere. Esau iye Endome.

Ubutukilo 36:9

Yisemuko ya Esau, tato ya A-Endome mu mulundu wa Sere, yino.

Ubutukilo 4:7

Nyi mulinga kanawa kechi kukutambula nyi? Alioze nyi kwalingile kanawa shili kuyinautama ku chikolo. Kuli yena anase mbunge yenyi mba yena mukamuyula.

1 Yitanga Ya Mianangana 20:32

Chocho yazala chikeleyi ha mijimba yo ni mihipu ha mitwe yo, yeza kuli mwanangana wa Izalele. Yamba ngwo, Kavumbi kenu Mbene-Hadade kanambe ngwenyi, Ngunaliumbu, kanda nungushiha. Aye ngwenyi, Hindu kali ni mwono? Iye yaya.

Kutuhuka 32:22

Arone yamba ngwenyi, Mwata, utenu we kanda usasaminya kama. Yena kuwanyingika e atu. Kanazange yipi.

Yishima 15:1

Kumbululo ha vumbi kuliakuchinda ufwatulo; ahoze liji lisasu kuliakusangumuna utenu.

Yishima 25:15

Ha kulihumikiza chinji kakukununa mukwa kuyula; limi liovu kuliakumakuna yifwaha.

Yishima 6:3

Linga chino mwanami, ukalipulule, se hiwapwa mu kwoko ha mukwenu; yako ukalikehese kuli mukwenu ukalembelele kuli iye.

Longeshi 10:4

Chipwe utenu wa mukwa kuyula muukukasumukina, kanda ukatuka ha chitwamo che; mumu ulemeso kuwakukukila milonga yinene.

Izaya 21:11

Liji lia kutwala ku Nduma ngwo, Umwe ku Sere kanasanyika kuli yami ngwenyi, Kalayi! Ufuku kuchi wapwa? Kalayi! Ufuku kuchi wapwa?

Luka 14:11

Mumu mweswawo malinangamisa kumakamijlelesa; ni yoze malilelesa kumakamunangamisa.

1 Petulu 3:6

Chizechene ngwe Sara wononokene kuli Apalahama, nikumutongola ngwenyi, Mwene: haliapwila nuli anenyi, nyi munulinga yipema, kunushi kwivwa woma ku mwongo niumwe.

Akwa Kuyula 5:4

Yehova muze yena wakatukile ku Sere, Muze waputukile kwenda ku chifuchi cha Endome hashi hanyikine, malilu asotokele, ewa malelwa asotokele vula.

1 Samuel 26:17

Saulu yanyingika liji lia David yamba ngwenyi, Alio liji lia yena mwanami David? David yamba ngwenyi, Liji liami mwene wami mwanangana.