Ubutukilo 32:31 - MUKANDA USANDU WA ZAMBI 1975

³¹ Shimbu machizauka Penwele tangwa yilivumbuka. Yakomba kanapalita mumu ha shina lia kulu lienyi.

Mukanda Wa Zambi 1970

³¹ Shimbu Yakoba machikatuka ku Peniele, tangwa yilivumbuka. Alioze yabalita mumu shina lia kulu lienyi liasengunukine.

Ubutukilo 32:31 Iomraidhean Croise

Ubutukilo 16:13

Mba pwo yaluka jina Yehova yoze yahanjika nenyi ngwenyi, Yena uli Zambi wa kumona. Mumu yamba ngwenyi, Kumanyi chipwe kuno hinatala yoze wakungumona;

Ubutukilo 19:15

Mba muze hikwacha angelo apupwishile Lote ngwo, Katuka utwale mukwenu-pwo ni ane aali a mapwo uli no kuno kuchina manonga mu uhenge wa limbo.

Ubutukilo 19:23

Tangwa hiliavumbuka kulu hashi muze Lote yanjila mu Zoare.

Ubutukilo 32:25

Muze amwene ngwenyi, Kenu ngunamuse, yamukwata mu chitongo, mba chitongo cha Yakomba chasengunukine shimbu te machilitachika nenyi.

Ubutukilo 32:32

Kashika ana a Izalele keshi kulia mujipa wa chitongo mumu iye wakwachile chitongo cha Yakomba mu mujipa wacho.

1 Yitanga Ya Mianangana 12:25

Jeroboame yatungisa Shekeme mu chifuchi cha Eframe ku milundu, watwamineko. Yakatukako yatungisa Penwele.

1 Yitanga Ya Mianangana 18:26

O yatambula kuji yoze yaaha, yamululika, yasanyika ha jina lia Mbale chize ku chimene ndo tangwa ha muchima ngwo, Mbale! Twivwe kama. Alioze kukwapwile liji chipwe kumbululo. Yatumbwoka kweswe kwa kujingilika chilumbilo chize halinga.

Miaso (Masamu) 38:17

Mumu ngunambe kulimbuka. Chinyengo chami chili kumeso jami tangwa lieswe nganganga.

Kutuhuka 24:10

O yamona Zambi ya A-Izalele. Kushi lia yiliato yenyi kwapwile ngwe mawe a safwira a kwala, zwalala lume ngwe mwilu.

Kutuhuka 24:11

Yilolo ja A-Izalele kaalingile chipi, yamona Zambi, yalia, yanwa.

Izaya 6:5

Ami yingwamba ngwami, Lamba liami! Ngunatoko, mumu nguli mukwa mivumbo ya luchisa, natwama hakachi ka akwa mivumbo ya luchisa; mumu meso jami hamona Mwanangana, Yehova-wa-Tujita.

Malaki 4:2

Alioze kuli yenu nwakuvwila woma jina liami lie tangwa lia ululi mulikavumbuka ni mapulwa jenyi mapwa akwa kuwuka. Munukatusuka, nikutumbwoka ngwe yimbembe ja ngombe ku zuwo lio.

2 Korintu 12:7

Ni ha mukunda wa unene wahiana wa usolwelo, kuchina mungulinangamisa kuhiana naye, anguhele mutuwi mu mujimba, kanganda ka Satana, hanga akangumbufule, kuchina mungulinangamisa kuhiana naye.

2 Korintu 12:9

Iye wambile kuli yami ngwenyi, Vumbi liami linate hali yena; mumu tachi jami kakujipwisa jingunu mu ulelu. Ni kuwaha chahiana kashika mungulisamba Shinaho ha ulelu wami, hanga tachi ja Kristu jikatwame hali yami.

Shimbi 5:24

yinwamba ngwenu, Kwivwa! Yehova Zambi yetu hatulweza ulemu wenyi ni unene wenyi, yitwivwa liji lienyi Unatuhuka mukachi ka ke kahia. Musono hitwamona ngwetu, Zambi kahanjika ni mutu, hindu mutu achili ni mwono.

Shimbi 5:26

Iya uliko kuli eswe evwile liji lia Zambi ya mwono anahanjika ni liji Unatuhuka mukachi ka ke kahia, ngwe yetu hitwevwa, hindu achili ni mwono?

Akwa Kuyula 6:22

Mba Ngideone yanyingika ngwenyi, Mwe mungelo wa Yehova. Ngideone yamba ngwenyi, Lwangu, Mwene Yehova! Mumu hinamona mungelo wa Yehova meso ni meso.

Akwa Kuyula 6:23

Alioze Yehova yamwamba ngwenyi, Hwima, kanda wivwa woma. Kuchi kufwa.

Akwa Kuyula 8:8

Chize kuze yakanduka ku Penwele yamba maliji wa ene kuli ayo. A-Penwele yakumbulula chizechene ngwe A-Sukote.