Ubutukilo 32:24 - MUKANDA USANDU WA ZAMBI 1975

²⁴ Yakomba yasala ukawenyi. Kwenako walitachikile nenyi umwe lunga ndo ku kucha cha tangwa.

Mukanda Wa Zambi 1970

²⁴ Yasala ukawenyi mu sali. Mba umwe lunga yalitachika ni Yakoba ndoo ni muze hikwacha.

Ubutukilo 32:24 Iomraidhean Croise

Ubutukilo 18:2

Yahetula meso jenyi ni kutala, kumanyi malunga atatu kanamana chichili kumeso jenyi. Muze haamona yazomboka mukwapatwiza ku chikolo cha mbalaka. Yahetamina hashi.

Ubutukilo 30:8

Rakele yamba ngwenyi, Hinalitachika ni yaya ni kulitachika cha ndundo, hinakumba. Mba yamuluka jina lienyi Napatali.

Ubutukilo 32:23

Yaatwala, yaazawisa ha lwiji hamuwika ni yuma yeswe apichile.

Ubutukilo 32:25

Muze amwene ngwenyi, Kenu ngunamuse, yamukwata mu chitongo, mba chitongo cha Yakomba chasengunukine shimbu te machilitachika nenyi.

Ubutukilo 32:28

Iye yamba ngwenyi, Jina lie kulichi kupwa nawa Yakomba, alioze mulipwa Izalele, mumu walitachika ni Zambi, walitachika ni atu, wakumba.

Ubutukilo 32:30

Yakomba yalukako jina ngwenyi, Penwele, mumu ngwenyi, Hinamona Zambi meso ni meso, hindu hangwaha mwono wami.

Ubutukilo 48:16

Mwe mungelo hanangupulula ku yipi yeswe, akawahise wano akweze, Jina liami likapwe muli ayo, ni jina lia atata Apalahama ni Izake. Akoke ndo mapwa chihuji hashi.

Kutuhuka 14:27

Mose yolola kwoko lienyi ha kalunga-lwiji mba muze hikwacha kalunga-lwiji yatakana ni tachi jenyi. A-Engitu yamuchina alioze Yehova yakumba A-Engitu mukachi ka kalunga-lwiji.

Mwaso Ubema Wahiana 2:17

Ndo tangwa mulicha ni yizulie muyichina, tewuluka, mukwa zango liami, pwako ngwe kai, ngwe mwana kapaji ha milundu ya Mbetere.

Izaya 32:2

Mba umwe mutu makapwa ngwe chiswamo ha fuji, ngwe uchinyino ha kangonga, makapwa ngwe tupila twa meya muma mumu, ngwe Chizulie cha luliwe lunene mu chifuchi cha yikatalo.

Daniel 10:8

Chocho yingusala ukawami, mba yingumona usolwelo uno unene. Tachi chapwile najo; kuwaha chami cha ku meso hichalumuka kupiha; chasalile nawa ni tachi.

Luka 13:24

Litachikenu kunjila ku chikolo chikehe; mumu anji, ngwami, Makafupa kunjilamo, alioze kechi kahasa.

Luka 22:44

Iye nikupinda, walembele ni mbunge yeswe kuhiana, ni matukuta jenyi apwile ngwe masoto anene a manyinga anasotwoka hashi.

A-ROMA 15:30

Ngunaliumbu kuli yenu, mandumbu, mu jina lia Mwene wetu Yesu Kristu, ni ku zango lia Spiritu, nukalitachike hamwe ni yami mu yilemba yenu kuli Zambi,

1 Korintu 15:47

Mutu mutangu wa hashi, iye mukwa mavu: mutu wamuchiali iye wa mwilu.

Efesu 6:12

Mumu kulinjika chetu hi cha kulimika ni atu a musunya ni manyinga ko, alioze cha kulimika ni mawanangana, cha kulimika ni yiyulo, cha kulimika ni ene ja milima ya mwakono, cha kulimika ni maspiritu ja ungulungulu mu malilu.

Efesu 6:18

Lembenu matangwa eswe ni kuliumba cheswe ni kuliondela cheswe muli Spiritu, nikulayilako, ni kunyongonona cheswe, nikuliumba hali asandu eswe.

Kolosu 2:1

Mumu ngunazange yenu nunyingike ngwe nakulitachika chikolo hali yenu, ni hali waze ali mu Laotisea, ni hali waze eswe kangumwene ku meso,

Kolosu 4:12

Mukwenu Epafwa, ndungo ya Kristu Yesu, kananumeneka, matangwa eswe nikulitachika chikolo hali yenu mu yilemba yenyi, hanga nukamane ngú, angunu, akwa kulisela chinyingi liakulu mu upale wa Zambi.

Hebreu 5:7

Mwenawo ha matangwa ja musunya wenyi hashi, se walambwile yilemba ni kuliumba hamwe ni kuteta cha ngolo ni masoji kuli yoze te wahasa kumulamwina ku kufwa; apanjikile kuli iye mumu ha uwayilo wenyi.

Yoshua 5:13

Muze te Yoshua ku Yeriku ali, yahetula meso jenyi kutala, kumanyi umwe tanga kanamana kumeso jenyi ni katana kenyi wa kutomona mu kwoko lienyi. Yoshua yakundama kuli iye ngwenyi, Ena uli ha sali lia yetu nyi uli ha sali lia akwa kole jetu?