Ubutukilo 32:2 - MUKANDA USANDU WA ZAMBI 1975

² Ya komba muze haamona yamba ngwenyi, Chino chihuji cha Zambi. Kashika yaluka kuma kuze ngwenyi, Mahaneme.

Mukanda Wa Zambi 1970

² Muze Yakoba haamona, yamba ngwenyi: “Uno uli musumba wa Zambi.” Mba homa haze yaluka ho jina ngwenyi, Mahanaime.

Ubutukilo 32:2 Iomraidhean Croise

2 Samuel 17:24

David yeza ku Mahaneme. Absalome yazauka Yordau ni malunga a Izalele eswe hamwe nenyi.

2 Samuel 2:12

Abenere mwana Nere wakatukile ku Mahaneme yaya ku Ngibeone hamwe ni atu ja Isheboshete mwana Saulu.

2 Samuel 2:8

Abenere, mwana wa Nere, kapitau ka tujita twa Saulu te handa Isheboshete mwana wa Saulu; yamutwala ku Mahaneme;

1 Yitanga Ya Mianangana 2:8

Chikwo nawa, uli ni Shimei mwana Ngera Ka-Mbenjamine wa ku Mbahurime yoze wangutukile ni matuka api tangwa lize nayile ku Mahaneme. Alioze wejile nikungupatwiza ku Yordau mba nalishingile kuli iye ni jina lia Yehova ngwami, Chichi kukushiha ni katana.

1 Yitanga Ya Mianangana 4:14

Abinadambe mwana wa Ido mu Mahaneme.

1 MIANANGANA 6:17

Mba Elisha yalemba ngwenyi, Yehova, ngunalembe, lawisa meso jenyi hanga amone. Yehova yalawisa meso ja mukweze; yamona; kumanyi mulundu wazalile tò ni tuvwalu ni matemba a kahia kweswe kwa kujingilika Elisha.

1 Sango Ja Mianangana 12:22

Mumu tangwa ha tangwa kwejile atu kuli David kumukwasa ndo kwapwile chihuji chinene ngwe chihuji cha Zambi.

Miaso (Masamu) 103:21

Fumanyisenu Yehova yenu eswe yihuji yenyi, yenu tuvumbi twenyi nwakulinga cheswacho chamupemena.

Miaso (Masamu) 148:2

Muhalisenu yenu angelo jenyi eswe. Muhalisenu yenu chihuji chenyi cheswe.

Miaso (Masamu) 24:10

Yono Mwanangana wa ulemu iya? Yehova-wa-Tujita, iye mwe mwanangana wa ulemu (Litulike.) Samu lia David.

Miaso (Masamu) 34:7

Mungelo wa Yehova kakutunga chilombo chenyi cha kujingilika waze akumuvwila woma, kakwapulula.

Mwaso Ubema Wahiana 6:13

Hiluka! Hiluka! Ena Ka-Shulame! Hiluka! Hiluka! Tukutale kanawa. Kuchi te munuzanga kutala mwe Ka-Shulame ngwe kuhangana hakachi ka yilombo yiali?

Daniel 10:20

Mba iye yamba ngwenyi, Unanyingika chize changunehene kuno kuli yena? Alioze haliapwila munguhiluka ngukalitachike ni mukwa kuyula Persia; mba muze hinamana nenyi mukwa kuyula Ngresia meza.

Luka 2:13

Mba susumuku kwapwile hamwe ni mungelo, yizavu ya tujita twa mwilu kanahalisa Zambi, ngwo,

Yoshua 21:38

Ya ku munyachi wa Ngate ahanyine Ramote mu Ngiliate ni ulilo wako, chihunda cha kuchinyina hali yoze mashiha mutu, ni Mahaneme ni ulilo wako,

Yoshua 5:14

Iye yakumbulula ngwenyi, Ka, alioze yami hineza ngukapwe kapitau ka tujita twa Yehova. Mba Yoshua yafulamana ha meso jenyi nikuwayila, ngwenyi, Mwene, kuchi mutuma yami ngamba ye?